Timɔtee 1, 5:5 - Bibeli do fee

⁵ Inaabo iyi í jɛ jaaɔ̃ do ntɔ nɔ kù nɛ inɛ gɔ iyi á woo, kpãa ku cɔɛ fei si Ilaaɔ̃i í ya wa nɔ í ya maa ce kutɔɔ ku maa tɔɔ sobiɛ dasãò idũ.

Timɔtee 1, 5:5 Iomraidhean Croise

Iri ku kɔ̃ 91:4

Nŋui á biiɛ do ikpaɛ ŋa. Si abɛi ikpaɛ ŋaui aa ba bi ku manji. Dee dee ku jɛɛi í jɛ bɛi tɛli ilu naanɛ.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 3:26

Ajɔ nŋu bɛ, inɛ ŋa iyi à wa anu koofai iluu, aa kpatai a maa weeweaò bɛi inaabo iyi í kua mii iyi í nɛ fei nɔ wa buba ilɛ.

Ezai 49:21

Waati bɛɛbɛi aa bee araɛ i maa ni, yooi í muum amu ŋau ihɛ̃ fei. Ntɔ ntɔ, ǹ kua ŋai wo, nɔ n kù wa n cɔ baa kpãai mà an ba mmuɛ ŋa, domi à mu à nɛɛm inya mmui wo, nɔ ǹ yɛ bɛi inaabo iyi à kɔ̀si. Amma inɛ ihɛ̃ ŋa, yooi í bíi ŋa. Waati iyi amu ǹ gbe amu akã wo, iwoi inɛ ihɛ̃ ŋa à wa.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Ezai 54:1

Ŋɔi Aɔ̃ Lafɛ̃ɛ í ni, dɔ̃ anu do inɔ didɔ̃, awɔ inaabo gbɛnda iyi i kù bí. La, i dɔ̃ anu do inɔ didɔ̃, awɔ iyi i kù mà ara kuroi kubí, domi awɔ inaabo iyi à kɔ̀si, amaɛ ŋa aa na a kpɔ a re amai inaabo iyi í wa idei mɔkɔ.

Kukpata 1:13

Hai lelei Aɔ̃ Lafɛ̃ɛ í jɔ̀ ina gɔ í naa si aram nɔ í lɔ si kũkũm ŋa. Í leem taa, í jɔ̀ ǹ cuku kaiya. Í jɔ̀ ǹ koo ǹ wɛɛ amu akã, nɔ ǹ wa si wahala hai nɛ kɔɔ.

Luku 18:1

Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Luku 2:37

nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Woo bɛ ŋa 26:7

Kuwãui dimi maateeji nwa ŋau mɔ fei à waa cɔ kpãaɛ. Na ŋɔi í jɔ̀ à waa cea Ilaaɔ̃ icɛ do himma alɛò daakɔ. Ilaalu, kpãau bɛ iyi ǹ wa n cɔ nŋui í jɔ̀ Zuifu ŋau à waa mám ide.

Woo bɛ ŋa 6:1

Waati bɛɛbɛ kukpɔi inɛ ŋa iyi à waa too kpãai Jesuu wa kɔ̃ɔsi. Ŋɔi Zuifu ŋa iyi à ya fɔ Gɛrɛkiu à waa gbagba si Zuifu alala ŋau domi si ijɛ iyi à ya maa kpɛ̃a jaaɔ̃ ŋa ajɔ fei à ya maa gbɛjɛ jaaɔ̃ nŋa ŋai.

Woo bɛ ŋa 9:39

Ŋɔi Piɛɛ í dede í too ŋa wa. Iyi í to wa, ŋɔi à bɔòɛ lelei ileu. Ŋɔi jaaɔ̃ ŋa fei à naa à kaakoɛ à waa kpataò nɔ à waa nyisiɛ ibɔ do jĩnɛ ku dasi mmuɛ ŋa iyi Dɔɔkasi í ce waati iyi í wɛɛ aŋaò ŋa.

Woo bɛ ŋa 9:41

Ŋɔi Piɛɛ í mu awɔɛ í dedeɛ. Nɔ í kpe jaaɔ̃ ŋau do inɛi Jesu ŋa iyi à gbe í nyisi ŋa iyi Dɔɔkasi í jĩ má.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Kɔrɛnti 1, 7:32

N kù bi nkãma ku maa bitandi ŋɛ. Inɛ iyi kù so abo, laakaiɛ fei si icɛi Lafɛ̃ɛi í ya wa, í ya maa dɛ nŋu ku ce iyi á dɔ̃a Lafɛ̃ɛ si.

Kɔrɛnti 1, 7:34

Laakaiɛ ci ya jɛ akã. Inaabo ŋa iyi a kù nɛ mɔkɔ do mudɛ̃ɛ ŋa lasabu nŋa si idei Lafɛ̃ɛi í ya wa ku ba a jɛ dee dee si ara do si hunde. Amma inɛ iyi í nɛ mɔkɔ lasabuɛ si mii ndii andunya ŋai í ya wa. Mii iyi á dɔ̃a mɔkɔɛ sii í ya maa dɛ ku ce.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Timɔtee 1, 2:1

Mii sinte iyi ǹ wa n tɔɔ ŋɛi í jɛ i ya ce kutɔɔ ŋa. Mii iyi ì nɛ bukaataɛ fei, i ya tɔɔ Ilaaɔ̃ ŋa nɔ i ya ce kutɔɔ na irii inɛ fei ŋa nɔ i ya saabu Ilaaɔ̃ na iri nŋa ŋa.

Timɔtee 1, 5:16

Amma bii inaabo woo dasi Jesu naanɛ gɔ í nɛ jaaɔ̃ ŋa si nyaanzeɛ, í sĩa ku sobi ŋa, ku maà ti ku kãa igbɛi inɛi Jesu ŋa asou ku ba igbɛu ku yɔkɔ ku sobi jaaɔ̃ ŋa iyi a kù nɛ inɛ gɔ.

Timɔtee 1, 5:3

Gbɔa jaaɔ̃ ŋa nɔ i mà bɛɛrɛ nŋa, aŋa iyi à jɛ jaaɔ̃ do ntɔ.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Piɛɛ 1, 3:5

Inaaboi tako ŋa iyi bɛi í jɛ booda nŋa aŋa iyi à mà bɛɛrɛi Ilaaɔ̃ nɔ à dasiɛ naanɛ nɔ à ya sũa mɔkɔ nŋa ŋa iri ilɛ.

Ruutu 2:12

Ilaaɔ̃ Lafɛ̃ɛi inɛi Izirɛli ŋa ku sãɛ mii iyi ì ce fei nɔ ku jɔ̀ i ba riba nla nla hai bi tɛɛ, si na iyi í jɔ̀ si awɔ gbugbãɛi ì naa i wa ku maa degbeɛ.