Timɔtee 1, 5:3 - Bibeli do fee

³ Gbɔa jaaɔ̃ ŋa nɔ i mà bɛɛrɛ nŋa, aŋa iyi à jɛ jaaɔ̃ do ntɔ.

Timɔtee 1, 5:3 Iomraidhean Croise

Zɔɔbu 29:13

Inɛ iyi wa ku fei í ya weem nii. Ǹ ya n jɔ̀ jaaɔ̃ ŋa a nɛ inɔ didɔ̃.

Zɔɔbu 31:16

Ǹ kɔ̀ ilu are ŋa mii iyi à naa ku tɔɔm nii de. Mà ǹ nɔ ǹ jɔ̀ jaaɔ̃ gɔ í cɔ sim kpãai ngɔgɔ hee ijuɛ í gbɛi.

Iri ku kɔ̃ 146:9

Aɔ̃ Lafɛ̃ɛi í ya maa mu inɛ njoo ŋa. Í ya maa gbɔa kɔyɔ ŋa do jaaɔ̃ ŋa. Amma í ya kɛkɛ lasabui ilu inɔ kukã.

Iri ku kɔ̃ 68:5

I kɔ̃a Ilaaɔ̃ iri ŋa, i kɔ̃ iri na bɛɛrɛɛ ŋa. I teesea kpãa ŋa, nŋu iyi í gũ acĩ wa baa hai jĩijĩ. Aɔ̃ Lafɛ̃ɛi í jɛ iriɛ. I wɛɛò inɔ didɔ̃ ŋa si wajuɛ.

Iri ku kɔ̃ 94:6

À waa kpa jaaɔ̃ do inɛ njoo ŋa, nɔ à waa kpa kɔyɔ ŋa mɔ.

Kufita 20:12

I jirima iyeò baa nŋɛ ŋa ku ba hunde nŋɛ ku sɔ si ilɛ iyi amu Aɔ̃ Lafɛ̃ɛ nŋɛ an mu nŋɛu.

Zeremi 49:11

Aa sa i jɔ̀ ama nŋɛ ŋa kɔyɔ ŋai, amma amui an jɔ̀ a wɛɛ, nɔ amui jaaɔ̃ nŋɛ ŋau aa dasi naanɛ.

Matie 15:6

Nɔ inɛ iyi í fɔ bɛɛbɛ kaa sobi iyeò baaɛ ŋa do fia má. Bɛɛbɛi ì waa kpa idei Ilaaɔ̃ ŋa ku ba i too dedemba iyi à jɔ̀ nŋɛ.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Luku 2:37

nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Luku 7:12

Waati iyi í maai si gamboi bindii iluu, í yɛ à so ikui ama awaasũ gɔ à waa bɔ ku suu. Ama awaasũu nŋu akãi iyeɛ í bí nɔ iyeu jaaɔ̃i. Inɛi inɔ ilu nkpɔ nkpɔi wa too fitii abou.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Woo bɛ ŋa 6:1

Waati bɛɛbɛ kukpɔi inɛ ŋa iyi à waa too kpãai Jesuu wa kɔ̃ɔsi. Ŋɔi Zuifu ŋa iyi à ya fɔ Gɛrɛkiu à waa gbagba si Zuifu alala ŋau domi si ijɛ iyi à ya maa kpɛ̃a jaaɔ̃ ŋa ajɔ fei à ya maa gbɛjɛ jaaɔ̃ nŋa ŋai.

Woo bɛ ŋa 9:39

Ŋɔi Piɛɛ í dede í too ŋa wa. Iyi í to wa, ŋɔi à bɔòɛ lelei ileu. Ŋɔi jaaɔ̃ ŋa fei à naa à kaakoɛ à waa kpataò nɔ à waa nyisiɛ ibɔ do jĩnɛ ku dasi mmuɛ ŋa iyi Dɔɔkasi í ce waati iyi í wɛɛ aŋaò ŋa.

Woo bɛ ŋa 9:41

Ŋɔi Piɛɛ í mu awɔɛ í dedeɛ. Nɔ í kpe jaaɔ̃ ŋau do inɛi Jesu ŋa iyi à gbe í nyisi ŋa iyi Dɔɔkasi í jĩ má.

Wooda ku kɔsi 10:18

Nŋui í ya kɔ̀ò kɔyɔ ŋa do abo jaaɔ̃ ŋa dee dee si bɛi í jɔ. Í bi inɛ njoo ŋa nɔ í ya mu nŋa sɔnda do ibɔ ŋa.

Wooda ku kɔsi 14:29

Nɔ inɛi Levii ŋa iyi a kù nɛ ikpɛ̃ gɔ si tubu nŋɛ do inɛi ilɛ mmu ŋa do kɔyɔ ŋa do inaabo jaaɔ̃ ŋa iyi à wa inɔ ilu nŋɛ, aa ya ba a jɛ hee a yo ku ba Aɔ̃ Lafɛ̃ɛ ku wee nŋɛ si icɛ nŋɛ ŋa iyi ì waa ce fei ŋa.

Wooda ku kɔsi 16:11

Aa kpɛ̃ inɔ didɔ̃ nŋɛi si wajui Aɔ̃ Lafɛ̃ɛ, tengi bii nŋu takaɛ í cica iriɛ ku wau iŋɛ do ama nŋɛ ŋa do woo ce icɛ inɛmɔkɔ walakɔ inaabo ŋa iyi à wa kpasɛ̃ nŋɛ, do inɛi Levii ŋa iyi à wa inɔ ilu nŋɛ ŋa, do inɛ njoo, do kɔyɔ, do jaaɔ̃ ŋa iyi à wa inɔ ilu nŋɛ ŋau.

Wooda ku kɔsi 16:14

Aa ce jingauu ŋai do inɔ didɔ̃ iŋɛ do ama nŋɛ ŋa do woo ce icɛ inɛmɔkɔ do inaabo nŋɛ ŋau do inɛi Levii ŋa do inɛ njoo ŋa do kɔyɔ ŋa do jaaɔ̃ ŋa iyi à wa si inɔ nŋɛ ŋau.

Wooda ku kɔsi 27:19

Ikpei á jɛ ti inɛ iyi kù cea inɛ njoo kiiti dee dee, walakɔ kɔyɔ walakɔ inaabo jaaɔ̃ gɔ. Nɔ zamaau fei á jɛi ku ni, ami.

Tɛsalonika 1, 2:6

Nɔ a kù waa dɛ saabu bi tu ŋɛ walakɔ bi inɛ gɔ ŋa,

Timɔtee 1, 5:2

abo ngbo ŋa mɔ bɛi iyeɛ ŋa, nɔ inaabo saatara ŋa mɔ i ce nŋa bɛi wecĩɛ ŋa, daaɛ fei ku má bi tu ŋa.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Piɛɛ 1, 2:17

I jirima inɛ fei ŋa, i bi kpaasi woo dasi Jesu naanɛ nŋɛ ŋa, i mà bɛɛrɛi Ilaaɔ̃, nɔ i jirima ilaalu nlau ŋa.

Piɛɛ 1, 3:7

Iŋɛ inɛmɔkɔ ŋa mɔ, si kuwɛɛ nŋɛ do abo nŋɛ ŋa, i ye gigi iyi a kù to ŋɛò gbugbã. I jɔ̀ i mà bɛɛrɛ nŋa ŋa, domi Ilaaɔ̃ á mua aŋa mɔ kuwɛɛ iŋɛò ŋa ajɔ. I ya maa ce bɛɛbɛ ku ba nkãma ku maà ganji ŋɛ si kutɔɔ nŋɛ.