Timɔtee 1, 5:21 - Bibeli do fee

²¹ Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Timɔtee 1, 5:21 Iomraidhean Croise

Iri ku kɔ̃ 107:43

Inɛ iyi í nɛ bisi ku ce laakaii mii ŋau bɛ, nɔ ku mà jiida ku jɛi Aɔ̃ Lafɛ̃ɛ.

Iri ku kɔ̃ 119:34

Jɔ̀ n gbɔ yaasei woodaɛ ŋa, ku ba n maa n too ŋa nɔ n jirima ŋa do idɔm fei.

Mɔnda ŋa 18:5

Kù sĩa woo ce kiiti ku kɔ̀ ku na inɛ dee dee ntɔ si na iyi í jɔ̀ wa cɔ bɛɛrɛi inɛ iyi í ce kurara.

Kuwee 14:42

Si anyiɛ aa dɛ kuta mmuɛ mái a sãsi agbɛi kuta sinte ŋau nɔ a fɔ pɔkɔdɔ mmuɛ a teese a tɔɔkɔò ileu.

Kuwee 19:15

I maà ya ce laalɔ si kiiti nŋɛ ŋa, i maà ce araarei inɛ na gbugbã hai nɛɛ baa bii kù nɛ ntɔ ŋa, nɔ i maà ce araarei inɛ gɔ mɔ si na iyi í jɔ̀ í jɛ inɛ nla. Amma i kiiti inɛ fei dee dee si bɛi í jɔ.

Malasi 2:9

Na nŋu, an jɔ̀ a donda ŋɛ nɔ i kua bɛɛrɛ ŋa si aninii inɛi Izirɛli ŋa si na iyi í jɔ̀ ì kɔ̀ ku jirima woodam ŋa. Nɔ i ci ya maa cɔ inɛm ŋa dimi akã bii ì waa kiiti ŋa ŋa.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Luku 20:21

Inɛ ŋau à sɔ̃ɔ ide à ni, Mɛɛtu, à mà iyi ideɛ do cio iyi ì waa kɔ inɛ ŋa siu, fei ndɛɛ dee deei. I ci ya na inɛ gɔ ntɔ na kubi, ì waa nyisi inɛ ŋa kpãai Ilaaɔ̃ si ntɔɛ.

Luku 9:26

Nɔ í ni má, inɛ iyi wa ce anyɔi amu Amai Amanɛ, walakɔ wa ce anyɔi idem, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa, an nyi wai do amboem do ti Baam do ti amaleka ŋa ajɔ.

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Wooda ku kɔsi 33:9

À nyisi kubi si gãmɛɛ í re ti iyeò baa nŋa ŋa, do ti ifɔ do igbã nŋa ŋa do ama nŋa ŋa domi à ceò woodaɛ icɛ nɔ à jirima akabuuɛ.

Tɛsalonika 1, 5:27

Ǹ wa n tɔɔ ŋɛ do irii Lafɛ̃ɛ, i cioa inɛ nwa ŋa fei tiau ihɛ̃.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 2, 2:14

Ye inɛɛ ŋa gigii ide ŋau ihɛ̃ fei nɔ i kɔnkɔn du ŋa si wajui Ilaaɔ̃ i ni a maà ya maa ce kakɔɔ si ide ŋa, domi dimii kakɔɔ bɛɛbɛ kù nɛ aranfãani kãma, í gbe ku jɔ̀ inɛ ŋa iyi à waa gbɔɔ a ce nfe.

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 2, 2:4

Baa amaleka ŋa iyi à ce dulum wo, Ilaaɔ̃ kù jɔ̀ ŋa, amma í tale si ŋa si isa nla nla. Tengi bɛi à waa mu ŋa si ilu kuku hee ajɔi kiiti.

Zudu 1:6

Nɔ i ye gigii amaleka ilu faau ŋa mɔ iyi à donda gbugbã iyi Ilaaɔ̃ í na ŋa nɔ à kɔ̀si bi kuwa nŋa. Ilaaɔ̃ í jɔ̀ à dĩ ŋai si ilu kuku hee do ajɔ fei à waa degbeò ajɔi kiiti nla nlau.

Kuyɛi Zãa 14:10

nŋu mɔ á mɔ atɛ̃ vɛ̃ɛ iyi í jɛ idɔɔkɔ̃i Ilaaɔ̃u. Atɛ̃ vɛ̃ɛu si kɔɔfui idɔɔkɔ̃i Ilaaɔ̃i í wa nɔ a kù yɔgɛɛ do inyi. Inɛ iyi wa ce bɛɛbɛ fei á yɛ bɔ̃nɛ si ina do fainwita si wajui ama angudãu do amaleka kumá ŋau.