Timɔtee 1, 5:20 - Bibeli do fee

²⁰ Inɛ ŋa iyi à waa ce dulum, sɔ̃ ŋa si wajui inɛi igbɛ ŋau fei ku ba inɛ ŋa iyi à gbe a ce njo.

Timɔtee 1, 5:20 Iomraidhean Croise

Kuwee 19:17

I maà ya cé inɛ mmu ŋa si idɔ nŋɛ. I ya sisi nŋa kurara nŋa iyi à ce ku ba i maà kãa ara nŋɛ dulum na iri nŋa.

Woo bɛ ŋa 19:17

Ŋɔi inɛi Efɛɛzu ŋa hai Zuifu do Gɛrɛki ŋa fei à gbɔ ideu, nɔ njo í mu ŋa, nɔ irii Lafɛ̃ɛ Jesu í nɛ bɛɛrɛ ntɔ ntɔ.

Woo bɛ ŋa 5:11

Ŋɔi njo í mu inɛi igbɛi Jesu ŋau ntɔ ntɔ do inɛ ŋa iyi à gbɔ ideu fei.

Woo bɛ ŋa 5:5

Iyi Ananiasi í gbɔ ideu gbakã ŋɔi í cuku tengi bɛ í ku. Ŋɔi inɛ ŋa iyi à gbɔ ideu fei njo í mu ŋa hee í caa.

Kɔrɛnti 2, 7:11

Ilaaɔ̃ í ceò inɔ kufɔ nŋɛu icɛ, nɔ i cɔ ribaɛ nsɛi ŋa. I cɔ zaka bɛi inɔ kufɔu í jɔ̀ ì ce laakai ŋa ì ce himma ì kɔ̀ò ara nŋɛ ŋa. Nɔ í jɔ̀ inɔ nŋɛ kù waa dɔ̃ wo nɔ ì waa ce njo ŋa, ì kpã woo ce laalɔu iju ŋa. Nɔ í jɔ̀ ì bi i yɛm má ŋa nɔ ì nɛ kubim ŋa. Si fei ndɛɛ ì nyisi iyi ì maaju si ideu ŋa.

Efɛɛzu 5:11

I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Wooda ku kɔsi 13:11

Aa ta lafɛ̃ɛ kuta i kpaa ŋai si bɛi wa dɛ ku sinda inɛ akã nŋɛ gɔ hai si awɔi Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti bii ì tako ì waa jɛ aru ŋa wo.

Wooda ku kɔsi 17:13

Ntɔ ntɔ inɛ iyi í gbɔ baaui ideu fei á maa ce njoi, nɔ ilu faau kãma kaa jɛ ku ce bɛɛbɛ má.

Wooda ku kɔsi 19:20

Bii inɛ ŋa iyi à gbe ŋau mɔ à gbɔ, zigi nŋa á da, nɔ a kaa ce laalɔ dimi bɛɛbɛ si anini nŋɛ má.

Wooda ku kɔsi 21:21

Inɛi ilu ŋau fei aa taa kutai a kpaa. Do yaase bɛɛbɛi aa nyaò laalɔu bɛ hai si anini nŋɛ, ku ba inɛi Izirɛli iyi í gbɔ baauɛ fei njo ku muu.

Timɔtee 1, 1:20

Si inɔ nŋai Himenee do Alesandu à wa, nɔ ǹ so ŋa ǹ daa Seetam si awɔ ku ba a mà iyi kù sĩa a maa fɔ laalɔi Ilaaɔ̃.

Titee 1:13

Nɔ ide iyi inɛɛu í fɔu ntɔi. Na nŋu, sɔ̃ ŋa ide do kugaabu ku ba a leekĩ dim dim si kpãai naanɛ ku dasi,

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.