Timɔtee 1, 5:14 - Bibeli do fee

¹⁴ Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Timɔtee 1, 5:14 Iomraidhean Croise

Kusintii Andunya 18:6

Nɔ Aburahamu í sinda do saasa í bɔ bi aboɛ inɔ ilei acɔɛu í ni, so araɛ ńya ńya, koo wã iyafũ gũa mɛɛta í fɔ́ɔ í sɔ̃ kaaɛ.

Kusintii Andunya 18:9

Ŋɔi à beeɛ à ni, iwoi Sara aboɛ í wa. Nɔ í ni, í wa ile.

Samuɛli 2, 12:14

Amma si bɛi ì yaako Aɔ̃ Lafɛ̃ɛ si daau bɛ iyi ì ce, ama inɛmɔkɔ iyi í bíɛu á kui.

Mɔnda ŋa 14:1

Abo ilu bisi í ya mua kpasɛ̃ gbugbã, amma abo nnyɛi í ya kpa kpasɛ̃i do awɔɛ.

Zeremi 29:6

I ce abɔdɔ̃ ŋa, nɔ i bí ama inɛmɔkɔ do ama inaabo ŋa. I jɔ̀ ama inɛmɔkɔ nŋɛ ŋa a ce abɔdɔ̃, nɔ i muaa ama inaabo nŋɛ ŋa mɔkɔ ŋa ku ba a bí ama inɛmɔkɔ do ama inaabo ŋa. I bí ku kpɔ ikpa bɛ nɔ i maà kayeɛ ŋa.

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Romu 14:13

Na nŋu, i maà ya kiiti njɛ ŋa. Amma inɛ fei ku ce laakai ku maà ti ku ce ngɔgɔ iyi á jɔ̀ kpaasiɛ ku rara ku dasi dulum.

Kɔrɛnti 2, 11:12

Amma bɛi ǹ wa n ce nsɛi, bɛɛbɛi an maa n ce má ku ba n dĩ nŋa kpãa, aŋa iyi à waa dɛ a tɔɔ fufu a ni awaò ŋa ŋa akãi.

Timɔtee 1, 2:8

Na nŋu, tengi bii à ya ce kutɔɔ ŋa fei, bii inɛmɔkɔ ŋa à wu awɔ lele à waa ce kutɔɔ, ǹ bi ku ya jɛ do idɔ kumá, idɔɔkɔ̃ do kakɔɔ ku maà ya wa si.

Timɔtee 1, 4:3

Amanɛ dimi bɛɛbɛ ŋai à ya ni kù sĩa inɛ ŋa a so njɛ. Nɔ à ya nyi a ni má ijɛ gɔ ŋa à wɛɛ iyi kù sĩa inɛ ŋa a jɔɔ, baa do iyi ijɛ ŋau Ilaaɔ̃ í taka ŋai ku ba woo dasiɛ naanɛ ŋa iyi à mà ntɔu a ya jɔɔ do saabu.

Timɔtee 1, 5:11

Amma maà ti i doo jaaɔ̃ saatara ŋa si inɔi jaaɔ̃ ŋa, domi waati iyi kubi á tale ŋa aa ce Kirisi atafii, aa bi a so mɔkɔ

Timɔtee 1, 6:1

Inɛ ŋa iyi à jɛ aru fei í sĩa a doo lafɛ̃ɛ nŋa ŋa ilu jirima ŋa si mii fei, ku ba inɛ gɔ ku maà ba faya ku fɔ taalei irii Ilaaɔ̃ walakɔ kukɔsi nwa.

Titee 2:5

Nɔ a kɔ ŋa si a mà ara nŋa a jɛ inɛ ŋa iyi aa leekĩ do mɔkɔ nŋa ŋa a maa ce icɛi abo à so mɔkɔ nŋa, a jɛ inɛ jiida ŋa iyi aa sũa mɔkɔ nŋa ŋa iri ilɛ. Iyi bɛi á jɔ̀ inɛ gɔ kaa yɔkɔ ku fɔ laalɔi idei Ilaaɔ̃ na iri nŋa.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Ebɛɛ 13:4

Inɛ baa yooma fei ku mà bɛɛrɛi abɔdɔ̃ nɔ mɔkɔ do abo a leekĩò njɛ dim dim. Ntɔ ntɔ Ilaaɔ̃ á kiiti inɛ ŋa iyi à waa sũò njɛ hai ce abɔdɔ̃ do inɛ ŋa iyi à waa ce sakara.