Timɔtee 1, 5:13 - Bibeli do fee

¹³ Si anyiɛ nɔ aa nɛ ika a ya maa dabii dabii kpasɛ̃ do kpasɛ̃. Iyi í re mɔm, aa ya maa sɔ irii inɛ ŋa nɔ a ya maa gũ wɔbia nɔ aa jɛ woo sisi ide ŋa.

Timɔtee 1, 5:13 Iomraidhean Croise

Mɔnda ŋa 11:13

Woo sɔ irii amanɛ ci ya singa asii, amma ilu naanɛ í ya maa mu fei ndɛɛi.

Mɔnda ŋa 20:19

Woo sɔ irii amanɛ ci ya singa asii. I ya saa ilu ide nkpɔ.

Mɔnda ŋa 31:27

Í ya maa wɔ̀ njoo si didɔ̃i kpasɛ̃ɛ nɔ kù nɛ ika.

Mɔnda ŋa 7:11

Í jɛ hai nɛ anyɔ do ilu ide nkpɔ. Fitiɛ ci ya buba kpasɛ̃ɛ.

Kuwee 19:16

I maà ya sɔ irii njɛ ŋa. I maà ya fɔ taalei kpaasi nŋɛ hee ku to a mu a kpaa. Amui Aɔ̃ Lafɛ̃ɛ.

Luku 10:7

Kpasɛ̃ bii à gba ŋɛu, kpasɛ̃ bɛi aa maa wa ŋa, sɔnda do inyi iyi à na ŋɛ fei i ya gba i jɛ ŋa, domi inɛ kaa máa ce icɛ iyi kù waa jɛ. I maà ya lɔ kpasɛ̃ do kpasɛ̃ ŋa.

Woo bɛ ŋa 20:20

Iŋɛ taka nŋɛ ì mà mii iyi á ce nŋɛ aranfãani fei, n kù singa nŋɛ kãmaɛ. Amma ǹ sɔ̃ ŋɛ ntɔ fei nɔ ǹ kɔ ŋɛ si cio si bantuma do si kpasɛ̃ nŋɛ ŋa.

Woo bɛ ŋa 20:30

Nɔ baa hai si inɔ nŋɛ inɛ gɔ ŋa aa kpaasi ntɔu ku ba ku jɛ ibo nɔ aa wa inyii itĩi woo dasi Jesu naanɛ ŋau a jɛò mɔcɔ nŋa.

Timɔtee 1, 5:12

nɔ aa jɛ ilu taale ŋa si na iyi í jɔ̀ a kù ceò ide iyi à wãu icɛ.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Zaaki 3:10

Nɔ hai si gɛlɛ akãu bɛi idei saabu do ikpe í ya fita. Iŋɛ kpaasim ŋa, kù sĩa ku jɛ bɛɛbɛ.

Piɛɛ 1, 4:15

Inɛ kãma nŋɛ ku maà jɔ̀ ku yɛ ijuukpã na inɛ ku kpa, walakɔ na ile, walakɔ na laalɔ ku ce, walakɔ na wɔbia ku gũ.

Zãa 3, 1:10

Na nŋu, bii ǹ naa, an fɔ daa ŋa iyi í nɛ, do bɛi wa má wa ide laalɔ. Kù jɛ baa iyi bɛ nŋu akã, ci ya gba inɛ njoo woo dasi naanɛ ŋa. Bii inɛ gɔ ŋa à bi à gba ŋa mɔm í ya kɔ̀i, nɔ ku lele ŋa hai si igbɛi inɛi Jesu ŋa.