Timɔtee 1, 5:10 - Bibeli do fee

¹⁰ nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 1, 5:10 Iomraidhean Croise

Kusintii Andunya 18:4

I jɔ̀ a naaò inyi wa ku ba i wiɛ kutɛ nŋɛ ŋa, nɔ i sĩmi jĩjĩi jĩi nɔu ihɛ̃ ŋa.

Kusintii Andunya 19:2

Nɔ í ni, ǹ wa n tɔɔ ŋɛi, iŋɛ lafɛ̃ɛm ŋa, i na i lɔ kpasɛ̃m, amui ǹ jɛ woo ce icɛ nŋɛ, i wiɛ kutɛ nŋɛ ŋa, nɔ i sũ ihɛ̃ ŋa. Ala daadaakɔ nɔ i dede i dasi kpãa nŋɛ. Ŋɔi à ni, aawo. Si bantumai iluui aa ka sũ.

Kusintii Andunya 24:32

Iyi mɔkɔu í to kpasɛ̃ bɛ, Labãa í jɔ̀ à fũ asoi kpookpo ŋau nɔ à na ŋa fɔfɔ do taka à jɛ. Nɔ à bu inyi wa ku ba mɔkɔu do inɛɛ ŋa iyi à suu wau a wiɛ kutɔ nŋa ŋa.

Kusintii Andunya 43:24

nɔ í jɔ̀ aŋaò ŋa fei à lɔ kpasɛ̃i Zozɛfu. Í na ŋa inyi nɔ aŋa fei à wiɛ kutɛ nŋa. Nɔ í na gbankɛlɛ nŋa ŋau mɔ ijɛ.

Iri ku kɔ̃ 119:4

Awɔ Aɔ̃ Lafɛ̃ɛ ì nyisi inɛ ŋa asaiyaɛ ŋa ku ba a maa jirima ŋa dee dee.

Ezai 1:17

I kɔkɔ jiida ku ce ŋa. I ya ce iyi í jɛ dee dee ŋa. I baaò woo taa inɛ ŋa gbugbã wa si kpãa jiida ŋa. I cea kɔyɔ ŋa iyi í jɛ dee dee ŋa, i maà jɛ a takii jaaɔ̃ ŋa.

Kuwee 25:35

Bii are í na í cuku si inɛ nŋɛ gɔ, i sobiɛ ŋa ku ba ku yɔkɔ ku maa mɔsi kuwɛɛɛ bi tu ŋɛ. Bɛɛbɛ mɔi aa ya ce ŋa baa bii í jɛ inɛ njooi í wa bi tu ŋɛ.

Matie 25:17

Bɛɛbɛ mɔi inɛ iyi à na minjiu mɔ, í ba riba minji má.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Luku 7:38

Abou í naa í wai kɔkɔi Jesu bi isɛɛ ŋa. Wa kpata nɔ cikãajuɛ ŋa wa tontoo si isɛɛ hee í cɔɔ, nɔ wa gbãa do ntoi iriɛ ŋa, wa cɔ̃ɔcɔ̃ɔɛ, í fã siɛ tuaeu.

Luku 7:44

Iyi í ni bɛɛbɛ í tã, ŋɔi í sinda si inaabou nɔ í sɔ̃ Simɔɔ í ni, ì yɛ abou ihɛ̃? Iyi ǹ lɔ wa kpasɛ̃ɛ i kù muum inyi n wiɛ kutɛm, amma abou ihɛ̃ í cɔ̀ kutɛm do cikãajuɛ ŋa, nɔ í gbãa do ntoi iriɛ ŋa.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 22:12

Wee mɔkɔ gɔ í wa bɛ à ya kpoo Ananiasi, í mà bɛɛrɛi Ilaaɔ̃ nɔ wa too woodai Moizi. Zuifu ŋa iyi à wa ilu bɛ fei à waa jɛ sɛɛda jiidaɛ.

Woo bɛ ŋa 6:3

Na nŋu, iŋɛ kpaasi nwa ŋa, i cica amanɛ mɛɛje si inɔ nŋɛ, inɛ ŋa iyi à waa jɛ nŋa sɛɛda jiida, iyi à kɔ̃ò Hundei Ilaaɔ̃ do bisi, nɔ ka kãa nŋa icɛu.

Woo bɛ ŋa 9:36

Wee si ilui Zopee inaabo woo dasi Jesu naanɛ gɔ í wa bɛ à ya kpoo Tabita. Nŋui à ya kpe Dɔɔkasi má do feei Gɛrɛki, waatɔ kabua. Í nɛ daa jiida nɔ í ya maa sobi ilu are ŋa.

Woo bɛ ŋa 9:39

Ŋɔi Piɛɛ í dede í too ŋa wa. Iyi í to wa, ŋɔi à bɔòɛ lelei ileu. Ŋɔi jaaɔ̃ ŋa fei à naa à kaakoɛ à waa kpataò nɔ à waa nyisiɛ ibɔ do jĩnɛ ku dasi mmuɛ ŋa iyi Dɔɔkasi í ce waati iyi í wɛɛ aŋaò ŋa.

Romu 12:13

I ya sobi inɛ ŋa iyi à jɛ ti Ilaaɔ̃ si bukaatai mii iyi à bi. Nɔ i ya yaaɛ inɛ njoo ŋa.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 3:7

Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Timɔtee 1, 5:16

Amma bii inaabo woo dasi Jesu naanɛ gɔ í nɛ jaaɔ̃ ŋa si nyaanzeɛ, í sĩa ku sobi ŋa, ku maà ti ku kãa igbɛi inɛi Jesu ŋa asou ku ba igbɛu ku yɔkɔ ku sobi jaaɔ̃ ŋa iyi a kù nɛ inɛ gɔ.

Timɔtee 1, 5:25

Bɛɛbɛ mɔi icɛ jiida mɔ í ya fitai gbasasa, nɔ baa iyi kù fita a kù yɔɔ waati bɛɛbɛ, kaa manji do ajɔ fei.

Timɔtee 1, 6:18

Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 2:21

Na nŋu, inɛ iyi wa nya araɛ hai si laalɔ ŋa iyi ǹ fɔ ideɛu fei, á yɛi bɛi jɛɛ iyi í nɛ bɛɛrɛ. Á jɛ inɛ iyi Ilaaɔ̃ í cica ikã ku jɛ tɛɛ mam mam, nɔ Lafɛ̃ɛ á yɔkɔ ku ceò icɛ si na iyi í jɔ̀ í tã sɔɔlu ku ceò icɛ jiida baa yooma fei.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 10:24

Ka ce laakaii njɛ ku ba ka ya mua njɛ gbugbã iyi á jɔ̀ ka bi inɛ ŋa nɔ ka maa ce icɛ jiida.

Ebɛɛ 13:2

I ye gigi iyi í sĩa i ya yaaɛ inɛ njoo ŋa, domi inɛ ŋa iyi à waa ce bɛɛbɛ, gɔgɔ nŋa ŋa à yaaɛ amaleka ŋa a kù mà.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 4:9

I ya yaaɛ njɛ ŋa do inɔ akã, kugbagba ku maà wa si.

Zãa 3, 1:12

Inɛ fei, hee do ntɔ takaɛ fei à waa jɛ sɛɛdai jiida ku jɛi Demɛtiusi. Nɔ awa taka nwa mɔ à waa jɛ sɛɛdai jiida ku jɛɛu, ì nɔ ì mà iyi sɛɛda nwa í jɛ ntɔ.