Timɔtee 1, 5:1 - Bibeli do fee

¹ Maà ya fɔ si mɔkɔ ngbo ŋa ide do gbugbã, amma jɔ̀ i ba ŋa ide ku fɔ kpɛlɛ kpɛlɛ bɛi baai awɔ takaɛ. Nɔ i cea awaasũ ŋa bɛi ifɔɛ ŋa,

Timɔtee 1, 5:1 Iomraidhean Croise

Kuwee 19:32

I ya dede do jirima si wajui mɔkɔ ngbo ŋa. I ya jirima Aɔ̃ Lafɛ̃ɛ nŋɛ. Amui ǹ jɛ Aɔ̃ Lafɛ̃ɛ.

Matie 23:8

Amma iŋɛ, i maà ya jɔ̀ a kpe ŋɛ lafɛ̃ɛ, domi iŋɛ fei saa ŋai, nɔ Lafɛ̃ɛ akã lege legei ì nɛ ŋa.

Woo bɛ ŋa 14:23

Ŋɔi à cicaa igbɛi inɛi Jesu ŋa fei inɛ ngbo ŋa. Si anyiɛ nɔ à ce kutɔɔ do anu ku dĩ à so ŋa à daa Lafɛ̃ɛ si awɔ, nŋu iyi à dasi naanɛu.

Woo bɛ ŋa 15:4

Iyi à to Zeruzalɛmu, ŋɔi inɛi igbɛi Jesu ŋau do woo bɛ ŋau do inɛ ngbo ŋau à gba ŋa do inɔ didɔ̃. Ŋɔi Pɔlu do Baanabasi à sisi nŋa mii iyi Ilaaɔ̃ í ce fei na icɛi aŋa.

Woo bɛ ŋa 15:6

Ŋɔi woo bɛ ŋau do inɛ ngbo ŋau à tɔtɔɔ a wũa ideu.

Woo bɛ ŋa 20:17

Ŋɔi hai Milee Pɔlu í bɛ ama Efɛɛzu í ni a kpe inɛ ngboi igbɛi inɛi Jesu ŋau wa a naa a ba nŋu bɛ.

Romu 13:7

I sãa inɛ fei iyi ì nɛ i sã ŋa. Inɛ ŋa iyi ì nɛ i sãa lɛmpoo i sã nŋa ŋa. Inɛ iyi ì nɛ i sãa fiai duani i sãa lafɛ̃ɛ. Inɛ iyi ì nɛ i jirima fei i jirima lafɛ̃ɛ ŋa. Inɛ iyi ì nɛ i mà bɛɛrɛɛ, i màa ŋa.

Galati 6:1

Iŋɛ inɛm ŋa, iŋɛ iyi Hundei Ilaaɔ̃ wa nɛò ŋɛ, bii ì mu inɛ gɔ si kurara, i nyisi lafɛ̃ɛ kpãa jiida do daa didɔ̃ ŋa. Nɔ i ce laakai ŋa ku ba iŋɛ mɔ i maà na i dasi kurara bɛɛbɛ.

Wooda ku kɔsi 33:9

À nyisi kubi si gãmɛɛ í re ti iyeò baa nŋa ŋa, do ti ifɔ do igbã nŋa ŋa do ama nŋa ŋa domi à ceò woodaɛ icɛ nɔ à jirima akabuuɛ.

Timɔtee 1, 5:17

Si anyii nŋu, inɛ ngboi igbɛ ŋau iyi à waa ce icɛ jiida, í sĩa i doo ŋa ilu bɛɛrɛ iyi à nɛ aranfãani nla nla. Iyi í re mɔm nŋui í jɛ inɛ ŋa iyi à waa ce kookaai si waazo do cio ku kɔsi.

Timɔtee 1, 5:2

abo ngbo ŋa mɔ bɛi iyeɛ ŋa, nɔ inaabo saatara ŋa mɔ i ce nŋa bɛi wecĩɛ ŋa, daaɛ fei ku má bi tu ŋa.

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:6

Sɔ̃ awaasũ ŋa mɔ a mà ara nŋa.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zaaki 5:14

Inɛ akã nŋɛ wa ce bɔ̃ɔi? Ku kpe inɛ ngboi igbɛi inɛi Jesu ŋa, aŋai aa jɔaa ikpo si iri do irii Lafɛ̃ɛ nɔ a ceaa kutɔɔ.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Zãa 2, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ, awɔ abo iyi Ilaaɔ̃ í cica. Nɔ ǹ ce amaɛ ŋa mɔ fɔɔ, aŋa iyi ǹ bi si kpãai ntɔu. Nɔ kù jɛ amu akãi ǹ bi ŋa, amma hee do inɛ ŋa iyi à mà ntɔu fei à bi ŋai.

Zãa 3, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ Gayusi, awɔ iyi ǹ bi jiida si kpãai ntɔ.

Kuyɛi Zãa 4:4

Nɔ ǹ yɛ kitãi bomma kɔnfia do mɛɛ í kaako kitãi bommau. Nɔ inɛ ngbo kɔnfia do mɛɛ wa buba si antaii kitã ŋau, à dasi jĩnɛ fũfũ do fulai wura.