Timɔtee 1, 4:8 - Bibeli do fee

⁸ Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Timɔtee 1, 4:8 Iomraidhean Croise

Zɔɔbu 22:2

si mii amanɛ á yɔkɔ ku sobi Ilaaɔ̃. Kù wɛɛ. Ilu laakai araɛi í ya bukaataa.

Zɔɔbu 36:11

Bii à gbɔ nɔ à jɛsi à jirima Ilaaɔ̃, à ya kpa irii kuwɛɛ nŋai si ididɔ̃ do inɔ didɔ̃ nla nla.

Iri ku kɔ̃ 145:19

aŋa iyi à mà bɛɛrɛɛ, mii iyi à bi ì ya cooi. Ì ya gbɔ anu ku dɔ̃ nŋai nɔ i faaba ŋa.

Iri ku kɔ̃ 37:11

Inɛ ŋa iyi à kaye ara nŋa, aŋai aa nɛ ilɛu, nɔ aa wa bɛi do laakai ku sũ nla nla.

Iri ku kɔ̃ 37:29

Inɛ dee dee ŋai aa nɛ ilɛu. Aŋai aa wa si do ajɔ fei.

Iri ku kɔ̃ 37:9

Inɛ ŋa iyi à waa ce laalɔ fei aa kui. Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aŋai aa nɛ ilɛu.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Mɔnda ŋa 19:23

Aɔ̃ Lafɛ̃ɛ ku jirima í ya jɔ̀ amanɛ ku ba kuwɛɛ. Kaa sũò ari nɔ laalɔ kãma kaa naa siɛ.

Mɔnda ŋa 22:4

Inɛ iyi í kaye araɛ nɔ í mà bɛɛrɛi Aɔ̃ Lafɛ̃ɛ, Aɔ̃ Lafɛ̃ɛ á jɔ̀ ku ba amani do bɛɛrɛ do hunde sisɔ.

Woo lasabu 8:12

Á yɔkɔ ku jɛ inɛ laalɔ í ce dulum fii cĩɔ nɔ kuwɛɛɛ í mɔsi wa koo. Do nŋu fei ǹ mà kãm kãm iyi inɛ ŋa iyi à mà bɛɛrɛi Ilaaɔ̃ aŋai aa wɛɛò inɔ didɔ̃ si na iyi í jɔ̀ à waa jirimaɛ.

Ezai 3:10

Amma i sɔ̃ inɛ dee dee ŋau ngu ŋa i ni à wa si kpãa jiida nɔ aa jɛ ribai kuce nŋai.

Ezai 33:16

inɛ dimi bɛɛbɛ, si geete ŋai á wa. Kuta ku nɛ gbugbã ŋai aa jɛ bi ku manjiɛ. Aa muaa pɛ̃ɛ, nɔ aa naa inyi ku mɔ.

Zeremi 6:20

Iwoi ǹ nɛò bukaatai tuae iyi wa naa hai Saba, walakɔ jĩi ku dɔ̃ inunui ilɛ jĩijĩ gɔ. N kù bi kuwee nŋɛ ŋa iyi ì ya jo si ina fei sãa sãa ŋau. Kuwee nŋɛ ŋau ci ya dɔ̃ɔm si.

Matie 12:32

Bii amanɛ wa fɔ laalɔi Amai Amanɛ Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ taalei Hundei Ilaaɔ̃ kaa ba a kpa idei dulum dɛɛ hai nnyi hee do ala fei.

Matie 19:29

Nɔ inɛ baa yooma iyi í jɔ̀ kpasɛ̃ɛ wa, walakɔ igbã do ifɔɛ ŋa, walakɔ wecĩɛ ŋa, walakɔ baaɛ, walakɔ iyeɛ, walakɔ amaɛ ŋa, walakɔ ikoɛ ŋa na irim, á ba ribaɛ ikɔ cĩɔ, nɔ ku ba kuwɛɛ hai tã má.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Maaku 10:30

baa hai si andunyau ihɛ̃ á ba mii ŋau bɛ fei ikɔ cĩɔ. Á ba kpasɛ̃ ŋa, do igbã do ifɔ ŋa do wecĩ ŋa, do iye ŋa, do amu ŋa, do iko ŋa, nɔ si antaiɛ á ba ijuukpã mɔ má. Nɔ ala á ba kuwɛɛ iyi ci ya tã.

Luku 5:38

Amma à ya dasi vɛ̃ɛ titɔ̃i si bɔgɔ titɔ̃ ŋa.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Kɔrɛnti 1, 3:22

Hai Pɔlu do Apolo do Piɛɛ do andunya do kuwɛɛ do iku do iyi í wɛɛ nnyi do iyi wa naa ala, fei ndɛɛ tu ŋɛi.

Kɔrɛnti 1, 8:8

Kù jɛ ijɛi á bɔò wa bi Ilaaɔ̃. Bii à jɛ, kaa kɔ̃ɔ nwa si ngɔgɔ, bii a kù nɔ a kù jɛ, kaa jɔ̀ ka kua ngɔgɔ.

Timɔtee 1, 4:7

Amma kɔ̀si ará hai nɛ yaase ŋa iyi a kù waa too si idei Ilaaɔ̃. Hanya i ce kuwɛɛɛ si bɛi á dɔ̃a Ilaaɔ̃ si.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 1, 6:6

Ntɔi, kpãai Ilaaɔ̃ ku tɔɔ amani nla gɔi, bii amanɛ wa saabu si mii iyi í nɛ.

Timɔtee 2, 3:5

Aa maa too kpãai Ilaaɔ̃ do gɛlɛ, amma ilu muafiti ŋai domi à kɔ̀si gbugbãɛ. Fa araɛ hai bi amanɛ dimi bɛɛbɛ ŋa.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Zãa 1, 2:25

Kirisi í ce nwa kuwã. Kuwã iyi í ce nwau, nŋui í jɛ kuwɛɛ hai tã.

Kuyɛi Zãa 3:12

Inɛ iyi í jɛ igũ, an jɔ̀ ku jɛ sɔbe si kpasɛ̃i Ilaaɔ̃, kaa fita má. An kɔ irii Ilaaɔ̃ siɛ do irii iluɛ iyi í jɛ Zeruzalɛmu titɔ̃ iyi Ilaaɔ̃ á jɔ̀ ku kita wa hai lele. Nɔ n kɔ iri titɔ̃m siɛ.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.