Timɔtee 1, 4:7 - Bibeli do fee

⁷ Amma kɔ̀si ará hai nɛ yaase ŋa iyi a kù waa too si idei Ilaaɔ̃. Hanya i ce kuwɛɛɛ si bɛi á dɔ̃a Ilaaɔ̃ si.

Timɔtee 1, 4:7 Iomraidhean Croise

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 2, 2:16

Amma waasu ide ŋa iyi a kù nɛ aranfãani gɔ nɔ a kaa sobi inɛ ŋa si naanɛ ku dasi nŋa, domi inɛ ŋa iyi à waa ce bɛɛbɛ à ya na a jĩò Ilaaɔ̃ a maa kooi.

Timɔtee 2, 2:23

Amma maà ya ce kakɔɔ si mii iyi kù nɛ aranfãani do iyi kù nɛ yaase, domi ì mà kãm kãm iyi nŋui í ya na ku bí ija.

Timɔtee 2, 3:12

Ntɔi, inɛ iyi wa bi ku ce kuwɛɛɛ dee dee si wajui Ilaaɔ̃ si anu akã iyi í ce do Jesu Kirisi kù nɛ bɛi á ce iyi kù yɛ ijuukpã.

Timɔtee 2, 3:5

Aa maa too kpãai Ilaaɔ̃ do gɛlɛ, amma ilu muafiti ŋai domi à kɔ̀si gbugbãɛ. Fa araɛ hai bi amanɛ dimi bɛɛbɛ ŋa.

Timɔtee 2, 4:4

Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Titee 1:14

nɔ a maà na a too si arái Zuifu ŋau, walakɔ woodai inɛ ŋa iyi à yaa hai si kpãai ntɔ.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Titee 3:9

Amma i ya fɛò kudɛdɛi ide hai nɛ yaase ŋa ku ce, nɔ i maà ya dasi laakaiɛ si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà, nɔ i maà ya maa ce kakɔɔ hai tã si gãmɛi wooda. Iyi bɛ fei ngbɛi, kù nɛ aranfãani kãma.

Ebɛɛ 5:14

Amma ijɛ kili, ijɛi inɛ ngbo ŋai, aŋa iyi à mà jiida do laalɔ ku wũa si na iyi í jɔ̀ à nɛ dɔ̃ɔnɛɛ.