Timɔtee 1, 4:4 - Bibeli do fee

⁴ Nkãma kù wa si iyi aa nyɔ, domi mii iyi Ilaaɔ̃ í taka fei mii jiidai, nɔ í sĩa ka gba fei ndɛɛ do saabu.

Timɔtee 1, 4:4 Iomraidhean Croise

Kusintii Andunya 1:31

Nɔ Ilaaɔ̃ í cɔ mii iyi nŋu í ce fei, nɔ í yɔɔ iyi í sĩa jiida jiida. Si bɛɛbɛi í ceò alɛò daakɔ nɔ í jɛ ajɔ mɛɛfasia.

Woo bɛ ŋa 10:15

Nɔ ide ku fɔu í ni má, mii iyi Ilaaɔ̃ í ni í maaju maà ti i kɔ̀si.

Woo bɛ ŋa 15:29

Nŋui í jɛ, i maà ya jɛ ijɛi kuwee ŋa, nɔ i maà ya jɛ njɛi iŋa ŋa, i maà ya ŋɔ iŋai mɛɛmu iyi a kù saka ŋa, nɔ i maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ ŋa. Bii ì mu ara nŋɛ si mii bɛɛbɛ ŋau bɛ ŋa í sĩa. Ka sukudɔ̃.

Woo bɛ ŋa 21:25

Iyi í jɛ ti dimi mmu woo dasi Jesu naanɛ ŋa, awa à kɔ tia à samba nŋa si na iyi í jɔ̀ à yɔɔ iyi í sĩa ka jilɛ nŋa wooda ka ni a maà ya jɛ ijɛi kuwee nɔ a maà ya jɛi njɛi iŋa nɔ a maà ya ŋɔ iŋai mɛɛmu ŋa iyi a kù saka nɔ a maà ya tɔtɔɔ sɛ̃ɛ hai ce abɔdɔ̃.

Romu 14:14

Na saabui Lafɛ̃ɛ Jesu ǹ mà kãm kãm iyi sɔnda kãma kù jɛ iwɔ̀. Amma bii inɛ gɔ wa doo sɔnda gɔ iwɔ̀, bi tɛɛi í jɛ iwɔ̀.

Romu 14:20

I maà bɛjɛ icɛi Ilaaɔ̃ na idei ijɛ. Ntɔi, sɔnda kãma kù jɛ iwɔ̀, amma kù sĩa inɛ gɔ ku jɛ ijɛ iyi á jɔ̀ kpaasiɛ ku koosɛ.

Romu 14:6

Inɛ iyi wa tamaa ajɔ gɔ ŋa à re njɛ do bɛɛrɛ, wa cooi na Lafɛ̃ɛ. Inɛ iyi wa jɛ ijɛ iyi í ba fei, na irii Lafɛ̃ɛi wa jɔɔ, domi í ya saabu Ilaaɔ̃i titã na ijɛu. Inɛ mɔ iyi kù waa jɛ mii fei, na irii Lafɛ̃ɛi kù waa jɛ, í nɔ wa saabuɛ.

Kɔrɛnti 1, 10:23

Inɛ gɔ nŋɛ ŋa à ya ni, ǹ nɛ kpãai n ce mii fei. Ntɔi, amma fei ndɛɛ si á sĩa nŋɛ. Ntɔ ntɔ, ì nɛ kpãai i ce mii fei ŋa, amma fei ndɛɛ kaa mua inɛ gbugbã.

Kɔrɛnti 1, 10:25

Kukɔi idei Ilaaɔ̃ wa fɔ í ni, ilɛ do mii iyi í wa si fei ti Aɔ̃ Lafɛ̃ɛi. Na nŋu, iŋa iyi à waa ta aja fei i ŋɔ ŋa, i maà bee ide kãma ŋa ku ba idɔ nŋɛ ku maà yɛ taale nŋɛ.

Kɔrɛnti 1, 10:30

Bii ǹ saabu Ilaaɔ̃ si ijɛ, inɛ kãma kù nɛ kpãa ku yɛ taalem na ijɛu iyi ǹ saabuò Ilaaɔ̃ tã.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.

Timɔtee 1, 4:3

Amanɛ dimi bɛɛbɛ ŋai à ya ni kù sĩa inɛ ŋa a so njɛ. Nɔ à ya nyi a ni má ijɛ gɔ ŋa à wɛɛ iyi kù sĩa inɛ ŋa a jɔɔ, baa do iyi ijɛ ŋau Ilaaɔ̃ í taka ŋai ku ba woo dasiɛ naanɛ ŋa iyi à mà ntɔu a ya jɔɔ do saabu.