Timɔtee 1, 4:3 - Bibeli do fee

³ Amanɛ dimi bɛɛbɛ ŋai à ya ni kù sĩa inɛ ŋa a so njɛ. Nɔ à ya nyi a ni má ijɛ gɔ ŋa à wɛɛ iyi kù sĩa inɛ ŋa a jɔɔ, baa do iyi ijɛ ŋau Ilaaɔ̃ í taka ŋai ku ba woo dasiɛ naanɛ ŋa iyi à mà ntɔu a ya jɔɔ do saabu.

Timɔtee 1, 4:3 Iomraidhean Croise

Kusintii Andunya 9:3

Andi mii iyi wa mi si ilɛ fei, ijɛ nŋɛi á jɛ. Si bɛi ǹ mu nŋɛ mii kú nɛ ngbo iyi í ya fita si ilɛ, bɛɛbɛ mɔi an mu nŋɛ fei ndɛɛ.

Woo lasabu 5:18

Bɛɛbɛ mɔi bii Ilaaɔ̃ í mua inɛ gɔ amani nɔ í jɔ̀ wa ceò bɛi í bi nɔ wa jɛ aranfãaniɛ, nɔ í wɛɛò inɔ didɔ̃ na irii icɛɛ, iyi bɛ mɔ amuai Ilaaɔ̃i.

Daniɛli 11:37

Ilaaluu kaa saalu baa iwɛ̃i balaɛ ŋa hee má jɛ iwɛ̃ iyi inaabo ŋa à ya biu. Kaa saalu iwɛ̃ kãma, domi si faauɛu, á yɔɔ iyi nŋu í wa si antaii aŋa feii.

Matie 14:19

Nɔ í ni zamaau ku buba si fɔfɔu, nɔ í so pɛ̃ɛ ara miiu do cɛ̃ɛ minjiu, í wu iju lele í saabu Ilaaɔ̃. Nɔ í bububu pɛ̃ɛ ŋau í na mɔcɔɛ ŋau nɔ aŋa mɔ à kpɛ̃a zamaau.

Matie 15:11

Kù jɛ mii iyi wa lɔ hai do gɛlɛi amanɛi í ya dasiɛ riisi. Amma mii iyi í ya fita hai si gɛlɛi amanɛi á dasiɛ riisi.

Matie 15:36

Nɔ í so pɛ̃ɛ ara mɛɛjeu do cɛ̃ɛ ŋau, í saabu Ilaaɔ̃ titã í bɛi í bububuɛ í na mɔcɔɛ ŋa a kpɛ̃ nŋa. Ŋɔi à kpɛ̃a inɛ ŋau.

Luku 24:30

Ŋɔi aŋaò ŋa à waa jɛ. Waati iyi à waa jɛu ŋɔi í so pɛ̃ɛ í ce si kutɔɔ í bɛi í bububuɛ nɔ í na ŋa.

Laabaau jiida iyi Zãa í kɔ 6:23

Waati bɛɛbɛ, akɔi inyi gɔ ŋa mɔ à naa hai Tiberia nɔ à to inyau. Tengi bɛi Lafɛ̃ɛ Jesu í tako í saabu Ilaaɔ̃ í bɛi í na ŋa pɛ̃ɛ à jɛu.

Woo bɛ ŋa 27:35

Iyi Pɔlu í fɔ bɛɛbɛ í tã ŋɔi í so pɛ̃ɛ í saabu Ilaaɔ̃ si wajui aŋa fei nɔ í bububuɛ í lɔsi ku jɛ.

Romu 14:17

Bommai Ilaaɔ̃ kù jɛ idei kujɛ do kumɔ, bii kù jɛ dee dee ku jɛ do laakai ku sũ do inɔ didɔ̃ iyi Hundei Ilaaɔ̃ wa mu nwa.

Romu 14:3

Inɛ iyi wa jɛ mii iyi í ba fei ku maà donda inɛ iyi ci ya jɛ mii fei, nɔ inɛ mɔ iyi ci ya jɛ mii iyi í ba fei, ku maà yɛ taalei inɛ njɛ iyi wa jɛ mii fei, domi Ilaaɔ̃i í gba lafɛ̃ɛ.

Romu 14:6

Inɛ iyi wa tamaa ajɔ gɔ ŋa à re njɛ do bɛɛrɛ, wa cooi na Lafɛ̃ɛ. Inɛ iyi wa jɛ ijɛ iyi í ba fei, na irii Lafɛ̃ɛi wa jɔɔ, domi í ya saabu Ilaaɔ̃i titã na ijɛu. Inɛ mɔ iyi kù waa jɛ mii fei, na irii Lafɛ̃ɛi kù waa jɛ, í nɔ wa saabuɛ.

Kɔrɛnti 1, 6:13

Ì ya nyi i ni ŋa, ijɛ í wɛɛi na inɔ, nɔ inɔ mɔ í wɛɛi na ijɛ. Ntɔi, amma do nŋu fei Ilaaɔ̃ á na ku kpa irii mii minji ŋau bɛ fei. Amma i ce laakai ŋa, ara kù wɛɛ na abo kaafe ŋa ku sũò. Í wɛɛi na Lafɛ̃ɛ nɔ Lafɛ̃ɛ mɔ í wɛɛi na iriɛ.

Kɔrɛnti 1, 7:28

Amma do nŋu fei bii ì so abo i kù ce dulum. Bii mudɛ̃ɛ mɔ í so mɔkɔ, kù ce dulum. Amma inɛ ŋa iyi à so njɛ, asoi andunya nŋai à kɔ̃ɔsi, nɔ n kù bi i nɛ aso dimi bɛɛbɛ ŋa.

Kɔrɛnti 1, 8:8

Kù jɛ ijɛi á bɔò wa bi Ilaaɔ̃. Bii à jɛ, kaa kɔ̃ɔ nwa si ngɔgɔ, bii a kù nɔ a kù jɛ, kaa jɔ̀ ka kua ngɔgɔ.

Kolosee 2:16

Na nŋu, i maà ya jɔ̀ inɛ gɔ ku yɛ taale nŋɛ si ijɛ do si mii ku mɔ. I maà jɔ̀ inɛ gɔ ku tilasi ŋɛ i maa jirimaò wooda ŋa iyi à jilɛ na ajɔi jingau ŋa iyi à ya ce adɔ̃ do adɔ̃ walakɔ jingaui cukpa titɔ̃ walakɔ ajɔi kusĩmi.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Timɔtee 1, 2:4

Í bi bɛɛbɛi domi í bi inɛ fei ku ba faaba nɔ ku mà ntɔ.

Timɔtee 1, 4:4

Nkãma kù wa si iyi aa nyɔ, domi mii iyi Ilaaɔ̃ í taka fei mii jiidai, nɔ í sĩa ka gba fei ndɛɛ do saabu.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Ebɛɛ 13:4

Inɛ baa yooma fei ku mà bɛɛrɛi abɔdɔ̃ nɔ mɔkɔ do abo a leekĩò njɛ dim dim. Ntɔ ntɔ Ilaaɔ̃ á kiiti inɛ ŋa iyi à waa sũò njɛ hai ce abɔdɔ̃ do inɛ ŋa iyi à waa ce sakara.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Samuɛli 1, 9:13

aa yɔɔ bii ì waa lɔ inɔ iluu gbakã ŋa hee ku maa gũ geeteu. Inɛ kãma kaa jɛ bii kù to wa domi nŋui á ce kutɔɔ si kuweeu, inɛ ŋa a bɛi a jɛ. I koo nsɛi, aa baa bɛ ŋa.