Timɔtee 1, 4:16 - Bibeli do fee

¹⁶ Ce laakai do bɛi ì waa jɛ kuwɛɛɛ do cio iyi ì waa kɔ si nɔ i ya maa temua si. Bii ì waa ce bɛɛbɛ, aa ba faaba, awɔ do inɛ ŋa iyi à waa gbɔ ideɛ.

Timɔtee 1, 4:16 Iomraidhean Croise

Bomma 1, 28:10

Nsɛi, jɔ̀ i mà iyi Aɔ̃ Lafɛ̃ɛ í cicaɛi ku ba i maa nŋu kpasɛ̃ iyi á jɛ ile kumáu. Dasi gbugbã nɔ i ce icɛu.

Bomma 2, 19:6

Nɔ í sɔ̃ ŋa í ni, i ce laakai si mii iyi ì waa ce ŋa, domi kù jɛ na amanɛ ŋai aa ceò kiiti ŋa. Ti Aɔ̃ Lafɛ̃ɛi, nŋu iyi á wɛɛ do iŋɛ bii ì waa kiiti ŋa.

Kufita 23:13

I ya jirima ide ŋa iyi ǹ sɔ̃ ŋɛ ŋau bɛ fei. Iyi í re mɔm, nŋui í jɛ i maà ya fɔ idei iwɛ̃ kãma ŋa.

Ezai 55:11

bɛɛbɛ mɔi do idem iyi wa fita wa hai si gɛlɛm. Ci ya sinda ku nyi wa bi tom iyi kù ce icɛɛ, nɔ ci ya nyi wa bi tom iyi kù ce idɔɔbim, nɔ ci ya nyi wa bi tom má iyi kù ce mii iyi ǹ bɔɔ do wa.

Zeremi 23:22

Bii í jɛ awaò ŋa à buba à fɔ ide mɔm nii wo, aa yɔkɔ a sɔ̃ inɛm ŋa bɛi ǹ fɔ fei, nɔ aa jɔ̀ a sinda a jɔ̀ kpãa laalɔ nŋa do kuce laalɔ nŋa ŋau.

Maaku 13:9

Amma iŋɛ taka nŋɛ i ce laakai. Aa na a mu ŋɛ a koo a na woo kiiti ŋa, nɔ a tɛ nŋɛ kpɔtɔɔ ile bi kutɔtɔɔ ŋa. Nɔ aa bɔò ŋɛ bi ilaalu ŋa do bi ilu ilɛ ŋa na irim ku ba i jɛ nŋa sɛɛda ŋa.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Woo bɛ ŋa 26:22

Amma Ilaaɔ̃i í nyam hee do nnyi fei nɔ ǹ wa ihɛ̃ ǹ wa n jɛ sɛɛda si wajui amanɛ ŋa hai keeke do nla fei. N kù wa n fɔ ide gɔ bii kù jɛ iyi Moizi do walii ŋa à ni á na ku ceu baasi.

Woo bɛ ŋa 6:4

Amma awa taka nwa aa ka maa ce kutɔɔ nɔ ka maa waazo idei Ilaaɔ̃ waati kãma fei.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Kɔrɛnti 1, 9:22

Bi inɛ ŋa iyi a kù nɛ gbugbã amu mɔ n ce bɛi inɛ iyi kù nɛ gbugbã ku ba n fa ŋa wa. Ǹ ce bɛi inɛ fei í yɛ ku ba gɔgɔ nŋa ŋa a ba faaba, baa bii bɛirei.

Kɔrɛnti 1, 9:27

Ǹ wa n wahala aram ntɔ ntɔ ku ba n kãmiaɛ nɔ n maà n ti n jɛ inɛ iyi aa na a lele awɔ ngbɛ waati iyi ǹ cea inɛ ŋa waazo ǹ tã.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Kolosee 4:17

Nɔ i sɔ̃ Aasipu ku dasi icɛi Lafɛ̃ɛ iyi à jilɛau iju ku ba ku yɔkɔ ku faataɛ.

Tɛsalonika 1, 2:16

À ganji mɔm ka cea dimi mmu ŋa waazo iyi á jɔ̀ a ba faaba. Bɛɛbɛi dulum du ŋa iyi à ya maa ce waati kãma fei í teese wa kɔ̃ɔsi wa caa. Amma idɔɔkɔ̃i Ilaaɔ̃ í fuka si iri nŋa bɛbɛi.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 4:15

Laakaiɛ fei ku wa si ideu ihɛ̃, nɔ i naa araɛ mam mam ku ba inɛ fei ku yɛ waju ku bɔɛ.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Timɔtee 2, 3:14

Amma awɔ, leekĩ dim dim si cio iyi à kɔɛ si iyi ì dasi naanɛ, domi ì mà inɛ ŋa iyi à kɔɛ si.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Filemɔɔ 1:19

Wee ǹ wa n kɔ iyi ihɛ̃ do awɔi amu takam, amu Pɔlu, an sãaɛ fei ndɛɛ. Baa bii n kù fɔɔ, awɔ takaɛ ì mà iyi ì waa mu gbesem na kuwɛɛɛ iyi ì ba.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Zaaki 5:20

i mà ŋa, inɛ iyi í baaò ilu dulum wa hai si kpãa laalɔ bii í wa wo, í faaba hundei ilu dulum nɔui hai si kpãai iku, nɔ Ilaaɔ̃ á kpa dulum nkpɔ nkpɔɛ ŋau.