Timɔtee 1, 4:13 - Bibeli do fee

¹³ Hee n maa n to wa, hanya i maa ka kukɔi idei Ilaaɔ̃ si zamaa, nɔ i kɔ inɛ ŋa si, nɔ i ce waazoɛ.

Timɔtee 1, 4:13 Iomraidhean Croise

Laabaau jiida iyi Zãa í kɔ 5:39

Iŋɛ ì ya maa cio kukɔi idei Ilaaɔ̃ si na iyi í jɔ̀ ì waa tamaa aa ba siɛ kuwɛɛ hai tã ŋa. Nɔ wee kukɔ ŋau bɛ fei wa jɛa inɛ ŋa sɛɛdam.

Woo bɛ ŋa 17:11

Inɛ ŋa iyi à wa bɛ ŋau à lasabu si ideu do laakai í re Zuifu ŋa iyi à wa Tɛsalonika. À gba idei Ilaaɔ̃ do inɔ didɔ̃. Ajɔ fei à ya maa cio kukɔui ku ba a mà bii í jɛ mii iyi Pɔlu í ya maa sɔ̃ ŋau ntɔi.

Woo bɛ ŋa 6:4

Amma awa taka nwa aa ka maa ce kutɔɔ nɔ ka maa waazo idei Ilaaɔ̃ waati kãma fei.

Romu 12:8

Inɛ mɔ iyi í nɛ amuai inɛ ŋa ku mua gbugbã ku coo. Inɛ mɔ iyi í ya yɔkɔ ku ce amua ku coo do inɔ akã. Inɛ ngbo ku ce icɛɛ do himma. Inɛ iyi í nɛ amuai ilu are ŋa ku sobi ku coo do inɔ didɔ̃.

Kɔrɛnti 1, 14:26

Na nŋu, iŋɛ inɛm ŋa, bɛirei aa ka ce. Bii ì waa tɔtɔɔ ŋa inɛ gɔ nŋɛ ŋa aa nɛ iri ku kɔ̃, inɛ gɔ ŋa mɔ cio ku kɔsi, inɛ gɔ ŋa mɔ idei Ilaaɔ̃ ku waazo, inɛ gɔ ŋa mɔ ide ku fɔ do fee iyi a kù waa gbɔ, inɛ gɔ ŋa mɔ yaasei fee ŋau ku tusɛ. Í sĩa i maa ce fei ndɛɛ ŋa ku ba ku mua inɛi igbɛi Jesu ŋa gbugbã.

Kɔrɛnti 1, 14:3

Amma inɛ iyi wa ce walii amanɛ ŋai wa ba ide ku fɔ. Í ya jɔ̀ a leekĩ si naanɛ ku dasi dim dim, nɔ ku mu nŋa gbugbã, nɔ ku tũ inɔ nŋa.

Kɔrɛnti 1, 14:6

Nsɛi, iŋɛ inɛm ŋa, aranfãani yoomai aa ba ŋa bii ǹ naa bi tu ŋɛ nɔ ǹ wa n fɔ fee iyi i kù waa gbɔ ŋa. I kaa ba aranfãani kãma ŋa. Amma bii ǹ sɔ̃ ŋɛ yaasei ide iyi Ilaaɔ̃ í sɔ̃m, walakɔ ǹ sisi nŋɛ idei kumà, walakɔ idei walii, walakɔ cio gɔ, inɛ nŋu á nɛ nŋɛ aranfãani.

Wooda ku kɔsi 17:19

Á maa mu tiaui nɔ ku ya maa cioɛ ajɔ fei si kuwɛɛɛ ku ba ku kɔkɔ Aɔ̃ Lafɛ̃ɛ ku jirima nɔ ku maa ceò wooda ikã ikãɛ ŋau fei icɛ.

Timɔtee 1, 4:16

Ce laakai do bɛi ì waa jɛ kuwɛɛɛ do cio iyi ì waa kɔ si nɔ i ya maa temua si. Bii ì waa ce bɛɛbɛ, aa ba faaba, awɔ do inɛ ŋa iyi à waa gbɔ ideɛ.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Zozue 1:8

Jɔ̀ i ya cio tiai woodau ihɛ̃ si wajui inɛ ŋa waati kãma fei, nɔ i ya maa muu si iriɛ dasãò idũ ku ba ide iyi à kɔ siu fei i ya maa ceò icɛ, domi do yaase bɛɛbɛi icɛɛ ŋa aa bɔò waju, nɔ fei ndɛɛ á cei dee dee.