Timɔtee 1, 4:12 - Bibeli do fee

¹² Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 4:12 Iomraidhean Croise

Zakari 2:4

Nɔ ǹ bee ǹ ni, mii à naa ku ce. Nɔ í jɛɛm í ni, à naa ku kɛkɛ dimi ilu gbugbã ŋaui nɔ a jɔ̀ a ce njo. Dimi ŋau aŋai à tako à dede si inɛi Zudaa ŋa à fangaa ŋa wo.

Matie 18:10

Jesu í sɔ̃ ŋa má í ni, i ce laakai i maà donda baa inɛ akãi amu ŋau ŋa. Ntɔ ntɔ ǹ wa n sɔ̃ ŋɛi, amaleka woo degbe nŋa ŋa à ya maa leekĩi ajɔ fei si wajui Baam iyi í wa lele. [

Kɔrɛnti 1, 11:1

I sisiim ŋa bɛi amu takam ǹ wa n sisi Kirisi.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Tɛsalonika 1, 1:6

Iŋɛ mɔ ì too si kuce nwa do ti Lafɛ̃ɛ, domi ì gba idei Ilaaɔ̃ ŋa do inɔ didɔ̃ iyi Hundeɛ í mu nŋɛ, baa do iyi í naa nŋɛ ijuukpã nla nla wa.

Tɛsalonika 1, 2:10

Iŋɛi ì jɛ sɛɛda nwa ŋa do Ilaaɔ̃ takaɛ iyi isɛɛnɛ nwa si wajui iŋɛ woo dasi Jesu naanɛ ŋau í má, í jɛ dee dee, nɔ taale kãma kù wa si.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 2, 2:15

Ce kookaai i maa ce iyi aa baò saabu si wajui Ilaaɔ̃, bɛi woo ce icɛ iyi kù waa ce anyɔi icɛɛ, iyi í ya maa sisi ide ntɔi Ilaaɔ̃ dee dee.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Timɔtee 2, 2:7

Lasabu si ide ŋa iyi ǹ wa n fɔu ihɛ̃, nɔ Lafɛ̃ɛ á sobiɛ i bɛi i gbɔò yaasei fei ndɛɛ.

Titee 2:15

Do yaase bɛɛbɛi í sĩa i ya kɔ inɛ ŋa si cio. Mu nŋa gbugbã nɔ i nyisi ŋa kurara nŋa si bɛi ì nɛ kpãaɛ. Maà jɔ̀ inɛ gɔ ku dondaɛ.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Zaaki 3:13

Yoo nŋɛi í nɛ kumà do bisi. Bii lafɛ̃ɛ í nɛ bisii do ntɔ, ku jɔ̀ a yɔɔ si isɛɛnɛ jiidaɛ do si kookoosu ŋa iyi wa ce do ara ku kaye.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 1, 5:3

I maà taa inɛ ŋa iyi à da nŋɛ si awɔ ŋau gbugbã, amma i nyisi ŋa kuce jiida iyi aa too si.