Timɔtee 1, 4:10 - Bibeli do fee

¹⁰ Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 1, 4:10 Iomraidhean Croise

Iri ku kɔ̃ 107:2

Iŋɛ iyi Aɔ̃ Lafɛ̃ɛ í ya wa, iŋɛ iyi í nya wa hai si awɔi mbɛɛ ŋau, i saabuɛ ŋa.

Iri ku kɔ̃ 118:8

Í sĩa i manji bi Aɔ̃ Lafɛ̃ɛ do iyi aa maa kaaba amanɛ.

Iri ku kɔ̃ 36:6

Aɔ̃ Lafɛ̃ɛ, jiida ku jɛɛ í bɔi hee lelei Aɔ̃, kubiɛ í bɔi hee si kudũi ijĩ.

Iri ku kɔ̃ 37:40

Aɔ̃ Lafɛ̃ɛ wa sobi ŋa nɔ wa nya ŋa hai si awɔi ilu inɔ kukã ŋa, wa faaba ŋai si na iyi í jɔ̀ bi titɛɛi à wa.

Iri ku kɔ̃ 52:8

Inɛ dee dee ŋa aa yɔɔ, nɔ a biti nɔ a maa nyaanyiɛ a maa ni,

Iri ku kɔ̃ 84:12

domi Aɔ̃ Lafɛ̃ɛ í yɛi bɛi inunu do tɛli. Aɔ̃ Lafɛ̃ɛi í ya mua inɛ didɔ̃ do bɛɛrɛ. Ci ya kɔ̀a inɛ ŋa iyi à waa ce isɛɛnɛ si dee dee ku jɛ didɔ̃ɛ.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Zeremi 17:7

Amma kuweei í jɛ ti inɛ iyi í dasi amu Aɔ̃ Lafɛ̃ɛ naanɛ, nɔ kaabaɛ fei í wa si amu Aɔ̃ Lafɛ̃ɛ.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Nahumu 1:7

Aɔ̃ Lafɛ̃ɛ í jɛ inɛ ncɛɛ. Nŋui í jɛ bi ku manji jiida si ajɔi wahala. Í mà inɛ ŋa iyi à ba bi ku manji bi tɛɛ

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Matie 27:43

Í dasi Ilaaɔ̃ naanɛ nɔ í ni nŋu Amai Ilaaɔ̃i. Debɛi, bii Ilaaɔ̃ í nɛ kubiɛ ntɔ ntɔi ku faabaɛ.

Laabaau jiida iyi Zãa í kɔ 1:29

Iju kumáɛ ŋɔi Zãa í yɛ Jesu wa naa siɛ, ŋɔi í sɔ̃ inɛ ŋa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃ iyi á nya dulum dii inɛi andunya ŋa ku nɛò.

Laabaau jiida iyi Zãa í kɔ 4:42

ŋɔi à sɔ̃ abou à ni, kù jɛ na ide iyi ì fɔu nŋu akãi í jɔ̀ à dasi Jesu naanɛ má, amma si na iyi í jɔ̀ awa taka nwa à gbɔ ideɛi nɔ à mà iyi do ntɔ nŋui í jɛ Woo faabai andunya.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Timɔtee 1, 2:3

Dimii kutɔɔ bɛɛbɛi í sĩa nɔ í ya dɔ̃a Ilaaɔ̃ woo faaba nwa si.

Timɔtee 1, 2:4

Í bi bɛɛbɛi domi í bi inɛ fei ku ba faaba nɔ ku mà ntɔ.

Timɔtee 1, 2:6

nɔ í na araɛ ku yaò inɛ fei hai si dulum. Bɛɛbɛi si waati jiidaɛ í nyisi wa iyi Ilaaɔ̃ í bi amanɛ fei ku ba faaba.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Ebɛɛ 11:26

Í gbasi a yaako nŋu bɛi aa na a yaako Kirisi. Wa lasabu iyi dimii yaako bɛɛbɛ ku yɛ í nɛ bɛɛrɛ í re amanii Ezibiti, domi amanii alai wa lele.

Ebɛɛ 13:13

Na nŋu, ka bɔ bi titɛɛ angule bɛ, ka jɛsi à donda wa bɛi a dondaɛ,

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Zãa 1, 2:2

Nŋu takaɛ í ce kuweei araɛ ku ba ku kpa idei dulum du wa, amma kù jɛ ti awa akã, do ti inɛi andunya feii.

Zãa 1, 4:14

Awa mɔ à yɛ iyi Ilaaɔ̃ Baaba í bɛ Amaɛ wa ku jɛ woo faabai inɛi andunya ŋa, à nɔ à waa jɛ sɛɛdaɛ.