Timɔtee 1, 4:1 - Bibeli do fee

¹ Hundei Ilaaɔ̃ í fɔ dee dee í ni si awaatii ankãanyi inɛ gɔ ŋa aa jɔ̀ kpãai naanɛ ku dasi, a maa jirima idei woo dĩ ijui inɛ ŋa do kukɔsii Seetam.

Timɔtee 1, 4:1 Iomraidhean Croise

Kusintii Andunya 3:13

Ŋɔi Aɔ̃ Lafɛ̃ɛ í bee abou í ni, mii í jɔ̀ ì ce bɛɛbɛ. Ŋɔi abou í jɛ í ni, njòi í dĩ ijum ǹ bɛi ǹ jɛ.

Ilaalu 1, 13:18

Ŋɔi í sɔ̃ɔ í ni, amu mɔ waliii bɛi awɔ, nɔ amaleka gɔ í naa í sɔ̃m ide iyi Aɔ̃ Lafɛ̃ɛ í bɛɛò wa. Í sɔ̃m í ni, gbãa bɔòɛ kpasɛ̃ ku jɛ pɛ̃ɛ nɔ ku mɔ inyi. Amma iboi wa sɔaa.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Zeremi 23:26

Hee waati yoomai walii ilu ibo ŋau bɛ aa kɔ̀ a nɛ idɔi a maa mɔsi do walii ibo ŋa ku ceu. Lasabu yoomai walii ŋau ihɛ̃ à ya nɛ, waati iyi à waa sɔ ibo bɛɛbɛ, waati iyi à bu ide nŋa à waa fɔ à waa dĩò ijui inɛ ŋa bɛɛbɛ.

Zeremi 48:47

Amma bii í na í to waati gɔ, an jɔ̀ inɛi Moabu ŋa iyi à mu aru à nɛò ŋau a baa má. Amu Aɔ̃ Lafɛ̃ɛi ǹ fɔ bɛɛbɛ si gãmɛi ijuukpã iyi á jɛ ti inɛi Moabu ŋau.

Zeremi 49:39

Nɔ í ni má, ajɔ akã an jɔ̀ inɛi Elamu ŋa iyi à mu aru ŋau à nɛò ŋau a baa má.

Ezekiɛli 1:3

Ntɔ ntɔ Aɔ̃ Lafɛ̃ɛ í ba amu Ezekiɛli amai Buzii woo weeu ide ku fɔ si ilɛi inɛi Kaladee ŋa kɔkɔi idoi Kebaa. Bɛi Aɔ̃ Lafɛ̃ɛ í jɔ̀ gbugbãɛ í naa sim.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Misee 4:1

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Matie 18:7

Ijuukpã nla nlai inɛi andunya ŋa aa yɛ si na iyi í jɔ̀ à ya maa dasi kpaasi nŋa ŋa dulum. Kù nɔ kù nɛ bɛi á ce iyi inɛ gɔ ŋa a kù dasi kpaasi nŋa ŋa dulum, amma inɛ iyi í ce bɛɛbɛ á yɛ ijuukpã ntɔ ntɔ.

Luku 17:1

Jesu í sɔ̃ mɔcɔɛ ŋa í ni, kù nɛ bɛi á ce iyi kulɛlɛ iyi á dasi amanɛ laalɔ kù waa ce, amma ijuukpãi á jɛ ti inɛ iyi í naaò wa.

Laabaau jiida iyi Zãa í kɔ 16:13

Waati iyi Hundei ntɔ á to wa, nŋui á jɔ̀ i mà ntɔu fei ŋa. Kaa fɔ ide do yiikoi nŋu takaɛ, ide ŋa iyi í gbɔ do iyi á na ku cei á sɔ̃ ŋɛ.

Woo bɛ ŋa 13:2

Ajɔ nŋu si bɛi inɛ ŋau à waa tɔɔ Lafɛ̃ɛ do anu ku dĩ ajɔ, ŋɔi Hundei Ilaaɔ̃ í sɔ̃ ŋa í ni, i cica Baanabasi do Sɔlu i nya ŋa ikã a ce icɛ iyi ǹ kpe ŋaò.

Woo bɛ ŋa 17:18

Si bɛi í ya maa ba ŋa kakɔɔ ku ce ŋɔi woo mà gɔ ŋa iyi à ya kpe Epikuri do Sitosi ŋa à bɔ bi tɛɛ à waa baa kakɔɔ ku ce. Inɛ gɔ ŋa à ni, woo ce ide nkpɔ yoomai ihɛ̃. Nɔ inɛ gɔ ŋa mɔ, iyi à gbɔ wa fɔ idei ikui Jesu do kujĩɛ má à ni, mà iwɛ̃ mmu gɔ ŋai wa fãa ya.

Woo bɛ ŋa 20:23

Amu de ǹ mà si ilu fei Hundei Ilaaɔ̃ wa sɔ̃m iyi piisɔ̃ɔ ku ce do ijuukpã wa degbem.

Woo bɛ ŋa 21:11

Í naa bi tu wa nɔ í so santiikii Pɔlu í dĩò isɛɛ ŋa do awɔɛ ŋa nɔ í ni, ide iyi Hundei Ilaaɔ̃ wa fɔ wee. Inɛ iyi í nɛ santiikiu ihɛ̃ bɛ ihɛ̃i Zuifu ŋa iyi à wa Zeruzalɛmu aa dũu nɔ a daa dimi mmu ŋa si awɔ.

Woo bɛ ŋa 28:25

Si bɛi a kù gbɔsi njɛ, ŋɔi à fita hai bi Pɔlu. Waati iyi à waa bi a nɛ ŋɔi Pɔlu í fɔ ide gɔ í ni, hai tako Hundei Ilaaɔ̃ í nɛ ntɔ waati iyi í jɔ̀ walii Ezai í sɔ̃ bala nŋɛ ŋa ide gɔ.

Kɔrɛnti 1, 10:20

Aawo, amma ǹ wa n fɔi ǹ ni kuwee iyi woo tɔɔ iwɛ̃ ŋau à ya ceu, inɛi inɔɔko ŋai à ya cea, kù jɛ Ilaaɔ̃. Nɔ wee n kù bi i nɛ ikpɛ̃ do inɛi inɔɔko ŋa.

Kɔrɛnti 1, 11:19

Ntɔ ntɔ, kù nɛ bɛi á ce iyi njɛ ku fɛɛfɛ kù wa si anini nŋɛ, ku ba a mà inɛ ŋa iyi à jɛ ti ntɔ.

Kɔrɛnti 1, 12:11

Amma Hunde akãui wa ce fei ndɛɛ. Wa mua inɛ fei amua ikã ikã bɛi í bi.

Kɔrɛnti 1, 2:10

Nŋu bɛi Ilaaɔ̃ í jɔ̀ Hundeɛ í nyisi wa. Hundeɛu í yɔkɔ í nyisi wai si na iyi í jɔ̀ í ya wusɛ fei ndɛɛ nɔ ku mà hee do lasabui Ilaaɔ̃ takaɛ iyi wa manji fei.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Wooda ku kɔsi 32:29

Bii à nɛ laakai baa keeke wo, aa gbɔ yaasei tengi bii ide ŋau ihɛ̃ fei wa bɔò ŋa.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Timɔtee 2, 4:4

Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Zaaki 3:15

domi tengi bii igu do njɛ ku wã í wa, bɛi daa bɛɛtɛkɛ do kuce laalɔ fei í ya wa. Dimii bisi bɛɛbɛ kù waa naa hai lele. Inɛ nŋu bɛ ti andunyai, do ti idɔɔbii amanɛ, nɔ hai bi Seetam nii wa naa.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.

Piɛɛ 2, 2:1

Walii ilu ibo ŋa à wɛɛ wo si inɔi inɛ ŋau. Bɛɛbɛ mɔi woo kɔsi cio ilu ibo ŋa aa faata wa si anini nŋɛ. Aa naaò kukɔsi ibo wa do bisi, iyi á ce inɛ ŋa nfe, nɔ aa kɔ̀si Lafɛ̃ɛ iyi í ya ŋa. Bɛɛbɛi aa faa ara nŋa nfe ku ce anu akã.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zãa 1, 4:6

Amma awa ti Ilaaɔ̃i à jɛ. Inɛ iyi í mà Ilaaɔ̃ fei í ya gbɔ ide nwai, amma inɛ iyi kù jɛ ti Ilaaɔ̃ ci ya gbɔ ide nwa. Si bɛɛbɛi aa ka yɔkɔ ka wũa ntɔ do ibo.

Zudu 1:18

À sɔ̃ ŋɛ wo à ni, si waatii ankãanyi, woo yaako inɛ ŋa aa naa iyi a kù mà bɛɛrɛi Ilaaɔ̃, nɔ binɛ nŋai á maa cua nŋa.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 16:14

Inɛi inɔɔko ŋaui à jɛ mɔcɔi Seetam ŋa iyi à waa ce dobu dobu ŋa. Nɔ à waa bɔ bi ilaalui andunya ŋa fei a tɔtɔɔ ŋa a ce igũ si ajɔ nlai Ilaaɔ̃ ilu gbugbã fei.

Kuyɛi Zãa 18:2

Í dɔ̃ anu í ni, Babilɔni ilu nlau, í cuku, í cuku. Nsɛi í baa í jɛ bi kuwai zĩi ŋa do bi kumanjii inɛi inɔɔko baa yooma fei. Yɛi hai maaju do mɛɛmu hai maaju do mɛɛmu laalɔ ŋa fei à wa bɛ.

Kuyɛi Zãa 18:23

A kaa yɛ inya kumái fitila bɛ má, a kaa nɔ a gbɔ gɛlɛi abo titɔ̃ do mɔkɔ titɔ̃. Woo nya sĩaɛ ŋai à nɛ gbugbã à re wo si andunyau ihɛ̃ fei, nɔ ì dĩ ijui inɛi andunya ŋa fei do dobu dobuɛ.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.

Kuyɛi Zãa 2:11

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, iku minjisiau kaa ceaa nkãma.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.

Kuyɛi Zãa 20:10

Aa so Seetam nŋu iyi í dĩ ijui inɛ ŋau, a sɔsi ina nla iyi wa jo do fainwitau, tengi bii à dasi mɛɛmuu do walii ilu ibou wo. Bɛi aa yɛ ijuukpã nla nla dasãò idũ hee do ajɔ fei.

Kuyɛi Zãa 20:8

Nɔ á fita koo dĩ ijui dimii inɛi andunya ŋa fei, waatɔ Gɔgu do Magɔgu, nɔ ku tɔtɔɔ ŋa a ce igũ. Aa kpɔ bɛi sãai acĩi ido.

Kuyɛi Zãa 3:13

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:22

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:6

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 9:20

Do nŋu fei, inɛi andunya ŋa iyi à gbe a kù ku si bɔ̃nɛu à kɔ̀ ku kpaasi idɔ. Nɔ à kɔ̀ ku jɔ̀ mii ŋa iyi à ce do awɔ nŋa ku tɔɔ. À waa mɔsi inɛi inɔɔko ŋa ku tɔɔ do iwɛ̃ ŋa iyi à ce do wura do isɔ fũfũ do isɔ danya do kuta do jĩi ŋa, aŋa iyi a kaa yɔkɔ a gbɔ ide, a kaa nɔ a yɔkɔ a yɛ ilu, hee má jɛ a nɛ.