Timɔtee 1, 3:7 - Bibeli do fee

⁷ Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Timɔtee 1, 3:7 Iomraidhean Croise

Maaku 4:11

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma inɛ ŋa iyi à gbe fei à waa gbɔ ideu do mɔndai.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 22:12

Wee mɔkɔ gɔ í wa bɛ à ya kpoo Ananiasi, í mà bɛɛrɛi Ilaaɔ̃ nɔ wa too woodai Moizi. Zuifu ŋa iyi à wa ilu bɛ fei à waa jɛ sɛɛda jiidaɛ.

Woo bɛ ŋa 6:3

Na nŋu, iŋɛ kpaasi nwa ŋa, i cica amanɛ mɛɛje si inɔ nŋɛ, inɛ ŋa iyi à waa jɛ nŋa sɛɛda jiida, iyi à kɔ̃ò Hundei Ilaaɔ̃ do bisi, nɔ ka kãa nŋa icɛu.

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Kɔrɛnti 1, 5:12

Amu n kù nɛ kpãa n kiiti hai dasi Jesu naanɛ ŋa. Ilaaɔ̃i á kiiti ŋa. Amma í sĩa i kiiti inɛi igbɛ nŋɛ ŋa. Debɛi, i nya inɛ laalɔ hai si anini nŋɛ si bɛi kukɔi idei Ilaaɔ̃ wa fɔ.

Kɔrɛnti 2, 6:3

A kù waa bi inɛ gɔ ku yɛ taalei icɛ nwa. Nŋui í jɔ̀ a kù waa ce ngɔgɔ iyi á dasi inɛ kurara.

Kɔrɛnti 2, 8:21

Ntɔ ntɔ, à waa bi ka ce mii iyi í sĩa, ku maà jɛ si ijui Lafɛ̃ɛ nŋu akã, amma do bi amanɛ ŋa fei.

Kolosee 4:5

I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.

Tɛsalonika 1, 4:12

Bii ì waa ce bɛɛbɛ ŋa, isɛɛnɛ nŋɛ á nɛ bɛɛrɛ baa si wajui hai dasi Jesu naanɛ ŋa, nɔ i kaa jɛ asoi inɛ kãma ŋa.

Tɛsalonika 1, 5:22

I mu ara nŋɛ si kpãai laalɔ fei ŋa.

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Timɔtee 2, 2:26

nɔ laakai nŋa ku baa, a gbã hai si taai Seetam, nŋu iyi wa mu ŋa wo nɔ í jɔ̀ à waa ce idɔɔbiɛ.

Titee 2:5

Nɔ a kɔ ŋa si a mà ara nŋa a jɛ inɛ ŋa iyi aa leekĩ do mɔkɔ nŋa ŋa a maa ce icɛi abo à so mɔkɔ nŋa, a jɛ inɛ jiida ŋa iyi aa sũa mɔkɔ nŋa ŋa iri ilɛ. Iyi bɛi á jɔ̀ inɛ gɔ kaa yɔkɔ ku fɔ laalɔi idei Ilaaɔ̃ na iri nŋa.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Zãa 3, 1:12

Inɛ fei, hee do ntɔ takaɛ fei à waa jɛ sɛɛdai jiida ku jɛi Demɛtiusi. Nɔ awa taka nwa mɔ à waa jɛ sɛɛdai jiida ku jɛɛu, ì nɔ ì mà iyi sɛɛda nwa í jɛ ntɔ.

Samuɛli 1, 2:24

Iŋɛ amam ŋa, i ce laakai ŋa. Iyi ǹ gbɔ à waa fɔ na iri nŋɛ kù sĩa baa keeke. Ì waa dasi inɛi Aɔ̃ Lafɛ̃ɛ ŋa dulum ŋa.