Timɔtee 1, 3:6 - Bibeli do fee

⁶ Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Timɔtee 1, 3:6 Iomraidhean Croise

Ilaalu 2, 14:10

Ntɔi, ì jɛ inɛi Edɔmu ŋa igũ nɔ ì waa tɔɔò fufu. Hanya i tɔɔ fufuɛ, amma gbeò ndɛɛ ideɛ bɛ. Na mii í ce ì waa bi i ce igũ iyi á ce nfei awɔ do inɛi Zudaa ŋau.

Bomma 2, 26:16

Amma waati iyi í ba gbugbã, ŋɔi í so araɛ lele í kua woodai Aɔ̃ Lafɛ̃ɛ. Nɔ iyi bɛ í dasiɛ nfe ku ce. Ajɔ nŋu gɔ í lɔ hee inɔ kpasɛ̃i Aɔ̃ Lafɛ̃ɛ koo jo tuae si bi kuweei tuaeu.

Bomma 2, 32:25

Amma Ezekiasi kù mà jiida iyi Aɔ̃ Lafɛ̃ɛ í ceaa, nɔ í lɔsi fufu ku tɔɔ. Ŋɔi idɔɔkɔ̃i Ilaaɔ̃ í dede siɛ do si inɛi Zudaa do Zeruzalɛmu ŋa.

Mɔnda ŋa 18:12

Ara ku so í ya naa amanɛ nfe ku ce wai, amma ara ku kaye í ya jɔ̀ amanɛ ku nɛ bɛɛrɛi.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Ezai 2:12

Aɔ̃ Lafɛ̃ɛi lele do ilɛ fei í nɛ ajɔ iyi í jilɛ si bii á kiiti inɛ ŋa iyi à waa tamaa aŋa à la à re inɛ fei ku ba ku kaye ŋa.

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Luku 10:18

Nɔ Jesu í sɔ̃ ŋa í ni, ǹ yɛ Seetam wa cuku wa hai lele bɛi kuŋɔi ijĩ.

Kɔrɛnti 1, 3:1

Iŋɛ kpaasim ŋa, n kù yɔkɔ n kù ba ŋɛ ide ku fɔ bɛi ǹ ya n fɔ do inɛ ŋa iyi à waa too si idɔɔbii Hundei Ilaaɔ̃. Amma ǹ ba ŋɛ ide ku fɔi bɛi inɛ ŋa iyi à waa too si idɔɔbii ara, inɛ ŋa iyi à yɛ bɛi ama kpɔtɔɔ ŋa si kpãai Kirisi.

Kɔrɛnti 1, 8:1

Nsɛi si idei mii iyi à ceò kuwee ǹ lɔ si. Ntɔi awa fei à nɛ kumà si bɛi ì fɔ ŋa. Kumà í ya jɔ̀ inɛ ku nɛ faaui, amma kubi í ya sobi inɛ.

Kɔrɛnti 2, 12:7

Amma ku ba n maà n ce faau na kukɔsi nlau, bɔ̃ɔ gɔ í na í sɔkɛ sim bɛi agũ. Í naai bɛi woo bɛi Seetam ku na ku cãm nɔ ku ganjim faau ku ce.

Wooda ku kɔsi 17:20

Inɛ nŋu bɛi á jɔ̀ kaa ya so araɛ lele si inɔi inɛɛ ŋau nɔ á jɔ̀ kaa kua wooda ŋau má baa keeke. Nɔ nŋu do tɔkuɛ ŋau aa kpɛ si bommau ntɔ ntɔ si inɔi inɛi Izirɛli ŋau.

Wooda ku kɔsi 8:14

i ce laakai i maà na i jɛ ilu faau ŋa hee i na i gbɛjɛ Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti bii ì tako ì waa jɛ aru ŋa wo.

Timɔtee 1, 3:7

Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Timɔtee 1, 6:4

lafɛ̃ɛ ilu faau nla nlai, kù mà nkãma. Amma wa ce bɔ̃ɔi kakɔɔ do ide ku fengee. Nɔ hai bɛi igu do ija do arabu wa naa, nɔ nŋui í ya jɔ̀ inɛ ŋa a ci ya naanɛ njɛ.

Timɔtee 2, 3:4

Aa jɛ ilu zamba ŋa, a kaa nɛ lasabu jiida, aa nɛ faau. Aa bi faayii andunya ku re Ilaaɔ̃.

Piɛɛ 1, 2:2

Si bɛi ama kpɔtɔɔ í ya bi àmɔ, iŋɛ mɔ í sĩa i bi àmɔ iyi í má iyi í jɛ idei Ilaaɔ̃. Hundei Ilaaɔ̃i wa mu nŋɛ amɔu ku ba i la si kpãai faabau ŋa,

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 2, 2:4

Baa amaleka ŋa iyi à ce dulum wo, Ilaaɔ̃ kù jɔ̀ ŋa, amma í tale si ŋa si isa nla nla. Tengi bɛi à waa mu ŋa si ilu kuku hee ajɔi kiiti.

Zudu 1:6

Nɔ i ye gigii amaleka ilu faau ŋa mɔ iyi à donda gbugbã iyi Ilaaɔ̃ í na ŋa nɔ à kɔ̀si bi kuwa nŋa. Ilaaɔ̃ í jɔ̀ à dĩ ŋai si ilu kuku hee do ajɔ fei à waa degbeò ajɔi kiiti nla nlau.