Timɔtee 1, 3:4 - Bibeli do fee

⁴ Nɔ ku jɛ inɛ gɔ iyi í nɔ kpasɛ̃ɛ mam mam, nɔ amaɛ ŋa à ya jirimaɛ nɔ à mà bɛɛrɛi inɛ ŋa.

Timɔtee 1, 3:4 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Woo bɛ ŋa 10:2

Mɔkɔu wa too Ilaaɔ̃ nɔ í ya maa jirimaɛ ntɔ ntɔ, nŋu do nyaanzeɛ ŋa fei. Í ya maa ce kutɔɔ waati kãma fei, í ya nɔ ku sobi ilu arei Zuifu ŋa ntɔ ntɔ.

Efɛɛzu 5:24

Nɔ si bɛi igbɛu í ya sũa Kirisi iri ilɛ, bɛɛbɛ mɔi inaabo ŋa à nɛ a sũa mɔkɔ nŋa ŋa iri ilɛ si mii fei.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Timɔtee 1, 3:12

Í sĩa woo ce icɛi igbɛ ŋau a jɛ ilu abo akã lege lege nɔ a jɛ inɛ ŋa iyi à nɔ ama nŋa ŋa do inɛi kpasɛ̃ nŋa ŋa mam mam.

Titee 1:6

Inɛ iyi á jɛ inɛ ngboi igbɛu í gbe ku jɛ inɛ iyi kù nɛ taale gɔ, iyi í nɛ abo akã lege lege nɔ amaɛ ŋa à jɛ woo dasi Jesu naanɛ ŋa. Ku maà jɛ a maa sɔ iri nŋa do daa bututu nɔ a maà jɛ amu ŋa iyi a ci ya jirima inɛ.

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.