Timɔtee 1, 3:3 - Bibeli do fee

³ Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 3:3 Iomraidhean Croise

Mɔnda ŋa 1:19

Mii iyi á ba inɛ baa yooma iyi wa dɛ amani do ile mbɛ. Inɛ ŋa iyi à na ara nŋa sii í ya kpa.

Mɔnda ŋa 15:27

Inɛ iyi wa bi nŋu ku jɛ ilu amani do kpãa laalɔ á fa laalɔ wa si kpasɛ̃ɛ, amma inɛ iyi ci ya jɛ a raa á ba hunde sisɔ.

Woo lasabu 7:8

Iri ku kpai ngɔgɔ í tia sinteɛ. Í tia i jɛ ilu temua do iyi aa jɛ ilu faau.

Ezai 28:1

Inɔ kufɔi í jɛ ti Samari ilu iyi í yɛ bɛi fulai ilaalu nɔ wa jɛ faaui woo mɔ atɛ̃ ŋa si dimii Efaraimu ŋa. Ilu iyi wa jɛ boodaɛ nɔ í wa si antaii iri kuta iyi wa cɔ lɔɔma ku nɛ taasiu wa do ikpa ilɛ, í yɛi bɛi kokoi jĩi iyi í gbɛ si irii inɛ ŋa iyi atɛ̃ vɛ̃ɛ wa kpa ŋau.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Ezekiɛli 44:21

Kãma nŋa kù nɛ ku mɔ vɛ̃ɛ waati iyi wa lɔ si bantumai inɔ kpasɛ̃u.

Kuwee 10:9

maà mɔ atɛ̃ vɛ̃ɛ, walakɔ mii gɔ iyi aa mɔ ku kpaɛ, awɔ do amaɛ ŋa fei waati iyi ì waa bi i lɔ ile bi kukou ŋa, ku ba i maà ti i na i ku ŋa. Nŋu bɛi í baa í jɛ wooda iyi tɔku nŋɛ ŋa aa na a maa too si hee do ajɔ fei.

Misee 2:11

Inɛ ŋau à ya bi inɛ iyi wa fɔ ide si fufu wa sɔ ibo nɔ wa ce ide nkpɔ wa ni, aa ba atɛ̃ vɛ̃ɛ do atɛ̃ ku nɛ gbugbã i mɔ ŋa.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 3:5

Aɔ̃ Lafɛ̃ɛ í fɔ ide si gãmɛi walii ŋa iyi à ya maa nyɔ inɛm ŋa, í ni, bii à mu nŋa ngɔgɔ, idei laakai ku sũi à ya fɔ. Amma inɛ ŋa iyi a kù mu nŋa ngɔgɔ, idei igũi à ya fɔ.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Matie 21:13

Nɔ í sɔ̃ ŋa í ni, à kɔɔ à ni, Ilaaɔ̃ í ni ilei nŋu ile bi kutɔɔi á jɛ. Amma iŋɛ wee ì coo bi kutɔtɔɔi ile ŋa.

Woo bɛ ŋa 20:33

Waati iyi ǹ wa bi tu ŋɛ, iŋɛ taka nŋɛ ì mà ŋa iyi n kù nɛ kɔdɛɛi isɔ fũfũi inɛ gɔ hee má jɛ wura walakɔ ibɔɛ.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Timɔtee 1, 3:8

Bɛɛbɛ mɔi á sĩa woo ce icɛi igbɛi inɛi Jesu ŋa a jɛ inɛ ŋa iyi à nɛ bɛɛrɛ, a maà ti a jɛ ilu gɛlɛ minji ŋa, walakɔ woo mɔ atɛ̃ yaamɔ, walakɔ woo dɛ fia do bisi laalɔ.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Titee 3:2

Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.

Zaaki 4:1

Mii í ya naaò kakɔɔ do ija wa si aninii nŋɛ. Nŋu bɛ wa naai hai si kɔdɛɛi mii nkpɔ iyi wa ba idɔ nŋɛ ku ja.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.

Samuɛli 1, 8:3

Amma a kù waa too yaase jiidai baa nŋa. Kɔdɛɛ nŋa í jɔ̀ a kù waa kiiti inɛ ŋa dee dee, domi inɛ ŋa iyi à ya ce nŋa amua ŋai à ya na ntɔ.