Timɔtee 1, 3:16 - Bibeli do fee

¹⁶ Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 3:16 Iomraidhean Croise

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Matie 28:2

Ŋɔi gbakã ilɛ kuyaya nla gɔ í ce nɔ amalekai Ilaaɔ̃ gɔ í kita wa hai lele í naa í tale kutau wa buba si.

Matie 3:16

Iyi í dasi Jesu inyi í tã, bɛ gbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ í yɛ Hundei Ilaaɔ̃ wa de siɛ wa bɛi ankasiidi.

Matie 4:11

Ŋɔi Seetam í bɛi í sɛkɛɛ hai bi tɛɛ, nɔ amaleka ŋa à koo à sobiɛ.

Maaku 1:13

Bɛi í ce ajɔ ciiji nɔ Seetam wa lɛlɛɛ ku ce laalɔ. Í wa bɛ do mɛɛmui sako ŋa nɔ amaleka ŋa à sobiɛ.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Maaku 16:5

Ŋɔi à lɔ inɔ balɛu nɔ à yɛ awaasũ gɔ wa buba do awɔ njɛ bɛ, wa dasi jaba fũfũ, nɔ njo í mu ŋa jiida jiida.

Luku 2:32

Nŋui í jɛ inya kumá iyi á nyisi dimi mmu ŋa kpãaɛ. Nɔ nŋui í jɛ amboei inɛɛ ŋa, inɛi Izirɛli ŋa.

Luku 20:44

To, bii Davidi takaɛ wa kpoo Lafɛ̃ɛ, bɛirei á ce ku jɛ tɔkuɛ má.

Luku 22:43

Ŋɔi amaleka gɔ í naa siɛ wa hai lele í naa í muaa gbugbã.

Luku 24:4

Si bɛi à waa leekĩ do bitiu ŋɔi amanɛ minji gɔ ŋa à naa si ŋa à waa dasi ibɔ ku daana gɔ ŋa.

Luku 24:51

Waati iyi wa wee nŋau, ŋɔi í sɛkɛɛ hai bi tu ŋa nɔ í so araɛ í nɛ lele.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 15:26

Amma an bɛ nŋɛ Hundei Ilaaɔ̃ wa, nŋui á jɔ̀ inɛ ŋa a mà ntɔu. Nŋui í jɛ Woo mua gbugbãu, nɔ hai bi Ilaaɔ̃ Baabai á naa. Bii í to wa nŋui á jɛ nŋɛ sɛɛdam.

Laabaau jiida iyi Zãa í kɔ 16:28

Ntɔi, hai bi Baabai ǹ fita wa ǹ naa andunya. Nsɛi ǹ wa n jɔ̀ andunya ǹ wa n bɔ bi Baam.

Laabaau jiida iyi Zãa í kɔ 17:5

Baaba, nsɛi ǹ wa n tɔɔɛi, jɔ̀ n nɛ amboe bi tɛɛ bɛi ǹ tako ǹ nɛ wo hee a maa taka andunya.

Laabaau jiida iyi Zãa í kɔ 20:12

Nɔ í yɛ amaleka minji gɔ ŋa à waa dasi nyau fũfũ à waa buba tengi bii ikui Jesu wa sũ wo, inɛ akã ikpa iri, inɛ akã mɔ ikpa kutɛ.

Laabaau jiida iyi Zãa í kɔ 6:62

Debɛi, bɛirei aa ni ŋa bii ì yɛ amu Amai Amanɛ ǹ wa n bɔ lelei Aɔ̃ bii ǹ tako ǹ wa wo.

Woo bɛ ŋa 1:19

Ŋɔi inɛ ŋa iyi à wa Zeruzalɛmu fei à gbɔ ideu. Na ŋɔi í jɔ̀ do fee nŋa à waa kpe ikou Akedama, waatɔ Ikoi njɛ.

Woo bɛ ŋa 10:34

Ŋɔi Piɛɛ í so ide í ni, ǹ mà bɛbɛi iyi Ilaaɔ̃ kù waa cɔ inɛ kãma dimi mmu.

Woo bɛ ŋa 14:27

Iyi à to Antiɔsi ŋɔi à tɔtɔɔ inɛi igbɛi Jesu ŋa nɔ à sisi nŋa mii iyi Ilaaɔ̃ í cea aŋa fei do si bɛi í ceò kpãa hai jɛ Zuifu ŋa mɔ à dasiò naanɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Romu 10:12

Bɛɛbɛi inɛ gɔ kù jɛ ikã, hai Zuifu ŋa hee ku bɔ do dimi mmu ŋa fei. Aŋa fei Lafɛ̃ɛ akãi à nɛ. Inɛ ŋa iyi à waa tɔɔɛ fei í ya ce nŋa jiida ntɔ ntɔ.

Romu 10:18

Amma ǹ wa n beei, Zuifu ŋa a kù gbɔ ideui? À gbɔɔ, domi à kɔɔ à ni, ideu í fangaa si andunya fei nɔ inɛ fei í gbɔɔ.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Romu 16:26

Amma nsɛi í fita gbugbãa. Ide ŋa iyi walii ŋau à kɔ si tia nŋa ŋa í jɔ̀ dimi fei í mà asiiu. Nɔ Ilaaɔ̃ nŋu iyi í wɛɛ hee do ajɔ feii í jilɔɔ bɛɛbɛ ku ba dimi fei ku jirimaɛ si naanɛ ku dasi.

Romu 3:4

Aawo, kù jɛ bɛɛbɛ. Baa bii inɛ fei í jɛ ilu ibo ka mà iyi Ilaaɔ̃ í jɛ ntɔ. Si bɛi kukɔi ideɛ wa fɔ na iriɛ í ni, amanɛ ŋa à nɛ a mà iyi ì jɛ dee dee si ide ku fɔɛ, nɔ ì ya ba ntɔ bii à kiitiɛ.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Kɔrɛnti 1, 15:47

Adamu sinteu, í naai hai si ilɛ nɔ í jɛ sãa. Adamu minjisiau í naai hai lelei Aɔ̃.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Kɔrɛnti 2, 1:19

Ntɔ ntɔ, Jesu Kirisi amai Ilaaɔ̃, nŋu iyi amu do Silasi do Timɔtee à waazo nŋɛu, kù naa do idɔ minji. Amma í naai do ide ntɔi Ilaaɔ̃,

Galati 2:8

Ilaaɔ̃i í na Piɛɛ gbugbã ku jɛò woo bɛɛ bi Zuifu ŋa, mà irei. Nŋu mɔi í nɔ í nam gbugbã n jɛò woo bɛɛ bi dimi mmu ŋa.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Tɛsalonika 2, 1:10

si waati iyi á nyi wa ku jɛ ilu jirima bi inɛ ŋa iyi à jɛ tɛɛ, nɔ inɛ ŋa iyi à dasiɛ naanɛ ŋa fei aa maa cɔɔ do bɛɛrɛ si ajɔ nŋu. Iŋɛ taka nŋɛ aa wa inɔ nŋa ŋa, domi ì dasi sɛɛda iyi à jɛ nŋɛu naanɛ ŋa.

Tɛsalonika 2, 2:7

Ntɔ ntɔ laalɔ wa ce tã si asii, amma í gbe inɛ iyi wa ganjiɛu ku nɛ ku bɛi ku fita gbugbãa.

Timɔtee 1, 3:9

Amma í sĩa a leekĩ dim dim si naanɛ ku dasi do idɔ iyi í má.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 7:7

Kù nɛ sika gɔ, inɛ iyi í re nŋui í ya weea kpaasi.

Ebɛɛ 8:1

Nsɛi, irii ideu wee. Awa à nɛ woo wee nla dimi bɛɛbɛ, inɛ iyi wa buba lele si awɔ njɛi kitãi bommai Ilaaɔ̃ ilu gbugbã fei.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Zãa 1, 1:2

Waati iyi kuwɛɛu í faata wa à yɔɔ, ŋɔi í jɔ̀ à waa jɛ sɛɛdaɛ, nɔ à waa sisi nŋɛ idei kuwɛɛ hai tã iyi í tako í wa bi Ilaaɔ̃ Baaba wo, nɔ wee nsɛi í nyisi wa.

Zãa 1, 3:5

Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Kuyɛi Zãa 17:5

À kɔ iri gɔ si ikpoɛ, yaasei iriui í jɛ asii. Iriu wee. Babilɔni ilu nla, iyei inaabo à ta icui andunya ŋa, do iyei daa bututu fei.

Kuyɛi Zãa 17:7

Ŋɔi amalekau í sɔ̃m í ni, na mii í ce ì waa biti. An sisiɛ asiii abou do ti mɛɛmu kugaabu iyi í nɛ iri mɛɛje do ngo mɛɛwau.

Kuyɛi Zãa 7:9

Si anyii nŋu, nɔ ǹ cɔ ilu má nɔ ǹ yɛ zamaa nla nla iyi inɛ gɔ kaa yɔkɔ ku ka. À fita wa hai ilɛ fei do si dimi fei do si fee ikã ikã fei. Aŋa fei à waa leekĩ si wajui kitãu do ama angudãu, à waa dasi jĩnɛ fũfũ nɔ à waa mu wuai kpakpa si awɔ nŋa.