Timɔtee 1, 3:15 - Bibeli do fee

¹⁵ ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Timɔtee 1, 3:15 Iomraidhean Croise

Ilaalu 1, 2:2

an jɔ̀ andunyau ihɛ̃ kaa kpɛ má. Jɔ̀ i nɛ wɔɔkɔ nɔ i nyisi iyi awɔ inɛmɔkɔi.

Ilaalu 1, 2:4

na mba ide iyi Aɔ̃ Lafɛ̃ɛ í fɔɔm nɔu ku kɔ̃ iyi í ni bii amam ŋa à waa ce laakaii kpãa nŋa nɔ à waa tooɛ dee dee do idɔ nŋa fei do hunde nŋa fei si wajum, n kaa kua atɛkɛsi si bommai Izirɛli ajɔ kãma.

Ilaalu 2, 19:4

Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.

Bomma 1, 22:13

Bii ì waa jirima wooda ŋa do ide ŋa iyi Aɔ̃ Lafɛ̃ɛ í jilɛa Moizi na inɛi Izirɛli ŋau, mii iyi ì waa ce fei á maa nɛɛi dee dee. Jɔ̀ i nɛ gbugbã nɔ i nɛ wɔɔkɔ. Maà ce njo, nɔ i maà jɔ̀ zigiɛ ku da.

Iri ku kɔ̃ 42:2

Bɛi kulu iyi agbɛ wa kpa ntɔ ntɔ í ya bɔ ido inyi ku dɛ, bɛɛbɛi amu mɔ ǹ wa n dɛdɛ Ilaaɔ̃ ntɔ ntɔ.

Iri ku kɔ̃ 84:2

Aɔ̃ Lafɛ̃ɛi lele do ilɛ, kubii kpasɛ̃ɛ wa mum jiida jiida.

Zeremi 1:18

Hai nnyi an jɔ̀ i yɛi bɛi ilu ku nɛ gbugbã, do bɛi sɔbei isɔ, do bɛi bindii isɔ danya si ilɛu fei, si wajui ilaalui Zudaa ŋa do akaweɛ ŋa do woo weeɛ ŋa do zamaai ilɛu.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Zeremi 23:36

Amma i maà fɔ idei ijuukpãi Aɔ̃ Lafɛ̃ɛ ŋa, domi ijuukpãu á naai si ide ku fɔi inɛ akã akã fei. Amma bii à kɔ̀ à waa fɔ bɛɛbɛ, idei Ilaaɔ̃ nŋu iyi í wɛɛ, nŋu iyi í jɛ Aɔ̃ Lafɛ̃ɛi lele do ilɛui à waa bɛjɛ, nŋu iyi í jɛ Lafɛ̃ɛ nwa.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Matie 18:18

Ntɔ ntɔ ǹ wa n sɔ̃ ŋɛi, mii iyi ì kɔ̀si si andunya fei ŋa, lele mɔ á kɔ̀sii. Nɔ mii iyi ì jɛsi si andunya fei ŋa lele mɔ á jɛsii.

Laabaau jiida iyi Zãa í kɔ 1:17

Hai bi Moizii Ilaaɔ̃ í na wa wooda, amma didɔ̃ do ntɔ í naai hai bi Jesu Kirisi.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 18:37

Ŋɔi Pilati í beeɛ í ni, debɛi, awɔ ilaalui? Ŋɔi Jesu í jɛaa í ni, awɔi ì fɔ bɛɛbɛ. Ǹ naai si andunya, à bím nii n jɛ sɛɛdai ntɔ. Inɛ iyi í jɛ ti ntɔ fei á gbɔ idem.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Woo bɛ ŋa 1:2

hee í koo í to ajɔ iyi Ilaaɔ̃ í soo lele. Hee ku maa nɛ, inɛ ŋa iyi í cica wo à jɛ woo bɛ ŋau, í ba ŋa ide ku fɔ do gbugbãi Hundei Ilaaɔ̃ í sɔ̃ ŋa bɛi aa ce.

Woo bɛ ŋa 14:15

na mii í ce ì waa ce bɛɛbɛ, iŋɛ kpaasi ŋa. Awa mɔ amanɛi bɛi iŋɛ taka nŋɛ. Laabaau jiidai à naa ku sɔ̃ ŋɛ ku ba i jɔ̀ iwɛ̃ nfe nŋɛ ŋau nɔ i sinda si Ilaaɔ̃, nŋu iyi í jɛ icui kuwɛɛ. Nŋui í ce lele do ilɛ do tenku do mii iyi í wa inɔ nŋa fei.

Romu 3:2

Ntɔ ntɔ aranfãaniɛ í la si mii fei. Sinte, Zuifu ŋai Ilaaɔ̃ í daa ideɛ si awɔ.

Romu 9:26

Nɔ tengi bii ǹ sɔ̃ ŋa wo ǹ ni, i kù jɛ inɛm ŋa, bɛ mɔi an kpe ŋa má amam ŋa, amu iyi ǹ jɛ irii kuwɛɛ.

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Kɔrɛnti 1, 3:16

I kù mà ŋa iyi iŋɛi ì jɛ bi kuwai Ilaaɔ̃? I kù mà ŋa iyi Hundeɛ í wa si ŋɛi?

Kɔrɛnti 2, 3:3

Kuce nŋɛ wa nyisi ntɔ ntɔ iyi iŋɛi í jɛ bɛi tia iyi Kirisi í kɔ na icɛ nwa iyi à ce si inɔ nŋɛ. Tiau, kù jɛ do inyii ìlìlìi à kɔɔ, amma do Hundei Ilaaɔ̃i à kɔɔ, nŋu iyi í jɛ icui kuwɛɛ. Kù jɛ si kutai à kɔɔ, si idɔi amanɛ ŋai.

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Galati 2:9

Nɔ Zaaki do Piɛɛ do Zãa, aŋa iyi à jɛ bɛi sɔbe si igbɛi inɛi Jesu ŋa, à yɛ iyi Ilaaɔ̃i í daam icɛu ihɛ̃ si awɔ na didɔ̃ɛ. Ŋɔi à jɛsi ka ce anu akã, amu do Baanabasi ka bɔ bi dimi mmu ŋa nɔ aŋa mɔ a bɔ bi Zuifu ŋa.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Efɛɛzu 4:21

Ǹ nɔ ǹ mà kãm kãm iyi ì gbɔ ideɛ ŋa, nɔ à kɔ ŋɛ si ntɔ iyi í wa siɛ.

Wooda ku kɔsi 31:23

Si anyii nŋu bɛi Aɔ̃ Lafɛ̃ɛ í sɔ̃ Zozue amai Nunu í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi ǹ ce nŋa kuwãɛ do kugbasiu nɔ amu takam an maa n wɛɛ do awɔ.

Wooda ku kɔsi 5:26

Ntɔ ntɔ, yooi í gbɔ imui Aɔ̃ Lafɛ̃ɛ ajɔ gɔ hai si aninii ina bɛi awa nɔ í kɔ í wɛɛ si hunde.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Timɔtee 1, 3:14

Ǹ dasi idɔ n naa n yɛɛ, amma ǹ kɔɛ tiau ihɛ̃ wai

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 3:5

Ntɔ ntɔ, bii inɛ kù mà bɛi á ce ku mu kpasɛ̃i nŋu takaɛ, bɛirei lafɛ̃ɛ á ce ku mu inɛi igbɛi Ilaaɔ̃ ŋa.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Timɔtee 2, 2:20

Si ile nla jɛɛ dimi ikã ikãi í ya wa bɛ. À ce gɔgɔ ŋa do wura, gɔgɔ ŋa mɔ do isɔ fũfũ. Inɛ nŋu ŋau bɛ ajɔi jingau nla ŋai à ya ceò icɛ. Amma gɔgɔ ŋa mɔ à wɛɛ má iyi à ce do amà, gɔgɔ ŋa mɔ kaalei, inɛ nŋu ŋa à ya maa ceò icɛi ajɔ fei.

Ebɛɛ 10:21

Nɔ à nɛ woo wee nla iyi í jɛ inɛ ngboi kpasɛ̃i Ilaaɔ̃.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Zozue 3:10

Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Kuyɛi Zãa 7:2

Nɔ ǹ yɛ amaleka mmu gɔ wa naa hai nunui daakɔ, wa mu nyindai Ilaaɔ̃, nŋu iyi í jɛ icui kuwɛɛ. Nɔ í dɔ̃ anu si amaleka mɛɛ ŋa iyi Ilaaɔ̃ í mu nŋa gbugbã a cea ilɛ do tenku laalɔu,

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Samuɛli 1, 17:36

Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.