Timɔtee 1, 3:13 - Bibeli do fee

¹³ Woo ce icɛ ŋau, bii à waa ce icɛ nŋa do inɔ akã aa nɛ bɛɛrɛ si kuwɛɛ nŋa, nɔ aa nɛ idɔ ku buba ntɔ ntɔ si naanɛ ku dasi iyi Jesu Kirisi wa mu nwa.

Timɔtee 1, 3:13 Iomraidhean Croise

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Luku 19:17

Ŋɔi í sɔ̃ɔ í ni, í sĩa, awɔ amaacɛ jiidai. Si bɛi ì jɛ ilu naanɛ si mii keekeu ihɛ̃, an jɔ̀ i jɛ inɛ ngbo si ilu mɛɛwa.

Woo bɛ ŋa 21:35

Iyi à toò Pɔlu hai bii à ya gũ a lɔò inɔ ileu, ŋɔi sooge ŋau à soo lele na kugaabui zamaau,

Woo bɛ ŋa 6:15

Inɛ ŋa iyi à wa si igbɛu fei à kãsi Etiɛni iju ŋɔi à yɛ wajuɛ wa daana bɛi wajui amaleka.

Woo bɛ ŋa 6:5

Inɛ ŋau fei à jɛsi ideu. Ŋɔi à cica Etiɛni iyi í kɔ̃ò Hundei Ilaaɔ̃ nɔ naanɛɛ í la. Si anyii nŋu nɔ à cica Filipu, do Pokɔɔ, do Nikanɔɔ, do Timɔɔ, do Pamenasi, do Nikola inɛi Antiɔsi iyi í too kucei Zuifu ŋa wo í bɛi í na í dasi Jesu naanɛu.

Woo bɛ ŋa 6:8

Wee Etiɛni í nɛ gbugbã ntɔ ntɔ nɔ Ilaaɔ̃ í ceaa didɔ̃ nɔ í ce maamaake do nyinda nla gɔ ŋa si aninii inɛ ŋa.

Kɔrɛnti 1, 16:15

Ì mà ŋa iyi Setefani do inɛi kpasɛ̃ɛ ŋai à jɛ woo dasi Jesu naanɛ sinte si ilɛi Gɛrɛsi à nɔ à na ara nŋa à sobiò woo dasi Jesu naanɛ ŋa. Iŋɛ inɛm ŋa, ǹ wa n tɔɔ ŋɛi,

Filipi 1:14

Ile piisɔ̃ɔ ku wam í mua kpaasi woo dasi Lafɛ̃ɛ Jesu naanɛ nkpɔ gbugbã í kɔ̃ɔsi à waa sisiò idei Ilaaɔ̃ do idɔ ku buba do wɔɔkɔ.

Tɛsalonika 1, 2:2

Ì mà ŋa iyi à bú wa, à kpã wa iju Filipi à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ganji wa ntɔ ntɔ.

Timɔtee 1, 3:14

Ǹ dasi idɔ n naa n yɛɛ, amma ǹ kɔɛ tiau ihɛ̃ wai

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.