Timɔtee 1, 3:11 - Bibeli do fee

¹¹ Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:11 Iomraidhean Croise

Iri ku kɔ̃ 101:5

Inɛ iyi wa sɔ irii kpaasiɛ si asii, an jɔ̀ ku cokoi. N kaa n wɛɛ do inɛ iyi í donda kpaasiɛ, nɔ í jɛ ilu faau.

Iri ku kɔ̃ 15:3

Inɛ iyi kù waa nya fũnɛi kpaasiɛ, inɛ iyi kù waa cea kpaasiɛ laalɔ, inɛ iyi kù waa cã anyii kpaasiɛ.

Iri ku kɔ̃ 50:20

Bii ì buba fei inɛ mmu gɔi ì ya maa bu nɔ ì ya maa fɔ laalɔi inɛɛ gɔ.

Mɔnda ŋa 10:18

Inɛ iyi í cé kpaasi nɔ wa singaa ilu muafitii. Bɛɛbɛ mɔi inɛ iyi wa sɔ irii inɛ ŋa í ce nnyɛii.

Mɔnda ŋa 25:13

Bɛi inyi tũtũ í ya tũ arai inɛ si waatii amaajɛ ku da, bɛɛbɛ mɔi amaabɛ ilu naanɛ í ya tũ inɔi lafɛ̃ɛɛ.

Zeremi 9:4

Aŋa fei à ya maa zamba njɛi, nɔ inɛ kãma ci ya sɔ̃ kpaasi ntɔ. À ya loo amɛ nŋai a maa sɔò ibo. Kurarai à ya maa ce waati kãma fei.

Ezekiɛli 44:22

A kù nɛ kpãa a so abo jaaɔ̃ walakɔ abo iyi mɔkɔɛ í kɔ̀siɛ. Mudɛ̃ɛ iyi kù mà mɔkɔi aa so si dimii inɛi Izirɛli ŋa walakɔ abo jaaɔ̃i woo wee gɔ.

Kuwee 21:7

Woo wee ŋa a kaa so inaabo iyi í ce sakara ku jɛ abo nŋa, walakɔ inaabo iyi í mà mɔkɔ. A kaa nɔ a so inaabo gɔ iyi mɔkɔɛ í kɔ̀siɛ wa, domi à jɛ inɛ kumá ŋa iyi à nya ikã na icɛm.

Matie 4:1

Si anyii nŋu, ŋɔi Hundei Ilaaɔ̃ í bɔò Jesu si gbaa ku ba Seetam ku lɛlɛɛ.

Laabaau jiida iyi Zãa í kɔ 6:70

Ŋɔi Jesu í bee ŋa í ni, kù jɛ amui ǹ cica iŋɛ maateejiu ba. Do nŋu fei inɛ akã nŋɛ í jɛ inɛi Seetam.

Romu 1:29

Nɔ laalɔ fei í wɛɛ nŋa, hai inɔ ku kã do kɔdɛɛ do njɛ ku cé do igu do inɛ ku kpa do ija do ibo do bisi laalɔ, hee do irii njɛ ku sɔ.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 6:2

Aru ŋa iyi à nɛ lafɛ̃ɛ woo dasi Jesu naanɛ ŋa a maà donda ŋa a ni aŋa à jɛ saa na saabui Lafɛ̃ɛ. Amma si na iyi í jɔ̀ inɛ ŋa iyi à waa jɛ aranfãanii icɛ nŋau à jɛ woo dasi Jesu naanɛ ŋa iyi Ilaaɔ̃ í bi, nŋui í jɔ̀ í sĩa a ce nŋa icɛ ku re. Mii iyi í sĩa i waazo nŋa mbɛ nɔ i kɔ ŋa si cioɛ.

Timɔtee 2, 3:3

Aa jɛ hai nɛ kubi ŋa, a kaa nɛ araarei inɛ ŋa, aa jɛ woo sɔ irii inɛ ŋa, a kaa mà ara nŋa, aa jɛ inɛ kugaabu ŋa, nɔ aa jɛ mbɛɛi woo ce jiida ŋa.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Titee 3:2

Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.