Timɔtee 1, 3:1 - Bibeli do fee

¹ Ide ilu naanɛ wee. Bii inɛ gɔ í bi nŋu ku jɛ inɛ ngbo si igbɛi inɛi Jesu ŋa, icɛ jiidai í bi.

Timɔtee 1, 3:1 Iomraidhean Croise

Mɔnda ŋa 11:30

Kucei inɛ dee dee í yɛi bɛi jĩi ndii kuwɛɛ, nɔ ilu laakai í ya fa inɛ ŋa wa si kpãa jiida.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Woo bɛ ŋa 1:20

Ideɛ iyi à kɔ si tiai iri ku kɔ̃ ŋau wee. Jɔ̀ ideɛu ku kpɔò bomma. Inɛ gɔ ku maà buba bɛ má. Nɔ à kɔɔ má à ni, jɔ̀ inɛ gɔ ku gba agbɛɛ si icɛɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Romu 11:13

Iŋɛ dimi mmu ŋau bɛ, iŋɛi ǹ wa n ba ide ku fɔ, amu iyi ǹ jɛ woo bɛ bi tu ŋɛ. Ǹ ya n maa n nɛ inɔ didɔ̃i do icɛm iyi ǹ wa n ce.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Timɔtee 1, 4:9

Ide iyi à fɔu bɛ ide ilu naanɛi iyi í jɔ inɛ fei ku yɔ awɔ ku gba mam mam.

Timɔtee 2, 2:11

Ide ilu naanɛ wee. Bii à ku do nŋu, aa ka wɛɛ do nŋu.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Piɛɛ 1, 4:15

Inɛ kãma nŋɛ ku maà jɔ̀ ku yɛ ijuukpã na inɛ ku kpa, walakɔ na ile, walakɔ na laalɔ ku ce, walakɔ na wɔbia ku gũ.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.