Timɔtee 1, 2:9 - Bibeli do fee

^9-10 Bɛɛbɛ mɔi ǹ bi inaabo ŋa a ya dasi jĩnɛ ku nɛ bɛɛrɛ ŋa si azaka. Í sĩa booda nŋa kú jɛ kookoosu jiida si bɛi í jɔ inaabo ŋa iyi à ni aŋa à mà bɛɛrɛi Ilaaɔ̃ a ya ce, ku maà ti ku jɛ do iri kubai faayi walakɔ do sabai wura ŋa walakɔ do lɛgɛ ŋa, nɔ a maà ya dasi jĩnɛi fia nkpɔ nkpɔ.

Timɔtee 1, 2:9 Iomraidhean Croise

Kusintii Andunya 24:53

Ŋɔi í nya mii ŋa iyi à ce do isɔ fũfũ do iyi à ce do wura do acɔ ŋa, í mua Rebeka. Nɔ í mua iyeu do wecĩu mɔ mii jiida ŋa má.

Ilaalu 2, 9:30

Si anyiɛ ŋɔi Yehu wa bɔ ku lɔ inɔ ilu Yizireɛli. Iyi Zezabɛli í gbɔ mii iyi í ce, ŋɔi í dasi ijuɛ cioo nɔ í sembu iriɛ í bɛi wa cɔ ilu hai do fɛrɛnti.

Ɛsitɛɛ 5:1

Iyi anu ku dĩi ajɔ mɛɛtau í kpa iri, ŋɔi Ɛsitɛɛ í dasi ibɔi ilaaluɛ í koo í leekĩ si inɔ bantumai kpasɛ̃i ilaaluu tengii anui ileɛ. Wee ilaaluu í wa kabaɛ wa buba si kitãi bommaɛ kɔkɔi anui ileu.

Iri ku kɔ̃ 149:4

Ntɔ ntɔ Aɔ̃ Lafɛ̃ɛ í ya nɛ inɔ didɔ̃i si inɛɛ ŋa. Í ya mà bɛɛrɛi inɛ ŋa iyi à kaye ara nŋai nɔ ku faaba ŋa.

Mɔnda ŋa 31:22

Í ya cea araɛ acɔ ku bii ŋa. Í ya nɛ jĩnɛi acɔ ku nɛ fia ŋa.

Mɔnda ŋa 31:25

Gbugbã do bɛɛrɛi à jɛ boodaɛ. Zigiɛ ci ya daò ala.

Mɔnda ŋa 7:10

Ŋɔi ǹ ba wee abou í na í kòo, wa dasi jĩnɛ bɛi woo ta icu ŋa nɔ í nɛ mayɛɛ.

Ezai 3:16

Aɔ̃ Lafɛ̃ɛ í ni, inaaboi ilui Siɔ̃ɔ ŋau à nɛ faau. Cɔ bɛi à so kɔ̃ɔ à waa nɛò, nɔ à nɛ ilu ku cɔ iyi aa faò laakaii inɛ ŋa. Bii à waa nɛ kpɛlɛ kpɛlɛ, isɔ ŋa iyi à dasi ijui isɛ nŋa ŋau à ya maa dɔ̃ anui.

Ezai 61:4

Inɛ ŋa aa teese a ma ilu iyi í tako í cukuui. Aa teese a ma kpasɛ̃ ŋa iyi à cuku ŋaui do ilu ŋa iyi à ce asɔɔ nŋa hai ku kpɛu.

Zeremi 2:32

Mudɛ̃ɛ í ya gbɛjɛ jĩnɛ ku ce boodaɛ ŋa? Abo titɔ̃ í ya gbɛjɛ kungbã iyi á dĩ si gbankilii ibɔi abɔdɔ̃ɛ? Amma iŋɛ zamaam ŋa ì gbɛjɛ idem hai ajɔ nkpɔ nkpɔ iyi kù nɛ jia.

Zeremi 4:30

Awɔ Zeruzalɛmu iyi à ce nfeɛ, mii aa ce. Ì waa dasi jĩnɛ kusĩaɛ ŋa do sabai wura. Ì dasi cio si ijuɛ ku ba ku cĩ ku ce ncɛɛ. Amma si ngbɛi ì waa ce booda ŋau bɛ fei. Inɛ ŋa iyi à nɛ kubiɛ ŋau wo, a kù biɛ má, hundeɛi à waa dɛdɛ ku nya.

Matie 11:8

To, mii ì bɔ ku cɔ ŋa. Mà mɔkɔ iyi wa dasi ibɔ kusĩau. Aawo, inɛ ŋa iyi à waa dasi ibɔi fia nkpɔ, aŋai à ya wa kabai ilaalu ŋa.