Timɔtee 1, 2:5 - Bibeli do fee

⁵ Ntɔ ntɔ Ilaaɔ̃ akãi í wɛɛ, nɔ inɛ akã mɔi í wa si afei Ilaaɔ̃ do amanɛ ŋa ku ba ku jɔ̀ amanɛ ŋa a dɔ̃ do Ilaaɔ̃. Lafɛ̃ɛu nŋui í jɛ Jesu Kirisi, nŋu iyi í baa í jɛ amanɛ,

Timɔtee 1, 2:5 Iomraidhean Croise

Zɔɔbu 9:33

Inɛ kãma kù wa si gãmɛi awaò iyi á nya nwa asaiya

Ezai 44:6

Aɔ̃ Lafɛ̃ɛ, nŋu iyi í jɛ ilaalui inɛi Izirɛli ŋa nɔ í jɛ woo ya nŋa, nŋu iyi í jɛ Aɔ̃ Lafɛ̃ɛi lele do ilɛ í ni, amui ǹ jɛ sinte nɔ amui ǹ jɛ iri ku kpa. Baai amu baasi, Ilaaɔ̃ mmuɛ gɔ kù wɛɛ má.

Matie 1:1

Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Luku 14:22

Ŋɔi woo ce icɛu í koo. Iyi í baa nɔ í ni, lafɛ̃ɛ, iyi ì dasim nɔu ǹ coo tã. Wee inya í gbe má.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.

Romu 1:3

Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 10:12

Bɛɛbɛi inɛ gɔ kù jɛ ikã, hai Zuifu ŋa hee ku bɔ do dimi mmu ŋa fei. Aŋa fei Lafɛ̃ɛ akãi à nɛ. Inɛ ŋa iyi à waa tɔɔɛ fei í ya ce nŋa jiida ntɔ ntɔ.

Kɔrɛnti 1, 8:4

Iyi í jɛ ti idei iŋai kuwee si bii ì waa bee mà í sĩa i ya ŋɔɔ ŋa. Awa à mà iyi iwɛ̃ kù jɛ ngɔgɔ si andunya. À nɔ à mà iyi Ilaaɔ̃ nŋu akãi í wɛɛ.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Galati 3:20

Amma waati iyi Ilaaɔ̃ í ce kuwãu, kù nɛ bukaatai inɛ iyi á wa si gãmɛi nŋu do amanɛ ŋa, domi nŋu akãi í ce kuwãu.

Efɛɛzu 4:6

Ilaaɔ̃ akãi í wɛɛ iyi í jɛ Baai inɛ fei. Nŋui í jɛ ilaalui mii fei, nŋui í wa bi inɛ fei, nɔ í wa si inɛ fei.

Wooda ku kɔsi 6:4

Iŋɛ inɛi Izirɛli ŋa i sotĩ i gbɔ, Aɔ̃ Lafɛ̃ɛ nwa nŋu akãi í jɛ Ilaaɔ̃.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Ebɛɛ 12:24

Ì sɛkɛɛ si Jesu do njɛɛ iyi í nikãu ŋa. Jesui í jɛ woo teese kpãa ku ba Ilaaɔ̃ ku dĩ akabuu titɔ̃ do amanɛ ŋa. Njɛɛui wa ba wa ide ku fɔ, nɔ ideɛ í dɔ̃ ku gbɔ í re ti Abɛli.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Ebɛɛ 8:6

Do yaase bɛi icɛi Jesu í reò tu ŋa, bɛɛbɛi akabuu iyi í teese si gãmɛi Ilaaɔ̃ do amanɛ ŋa í nɛ bɛɛrɛ í re. Kuwã iyi í re do bɛɛrɛui í jɛ icui akabuuu.

Ebɛɛ 9:15

Na ŋɔi í jɔ̀ Kirisi í jɛ woo teese kpãa ku ba Ilaaɔ̃ ku dĩ akabuu titɔ̃ do inɛ ŋa iyi í kpe nɔ inɛ ŋau a jɛ tubu iyi ci ya tã iyi í ce nŋa kuwãɛu. Aa yɔkɔ a jɛ tubuui na iku iyi Kirisi í ku, ku yaò inɛ ŋa hai si kurara nŋa iyi à ce si waatii akabuu nwou.

Zãa 1, 2:1

Iŋɛ amam ŋa, ǹ kɔ nŋɛ ideu ihɛ̃ wai ku ba i maà ce dulum ŋa. Amma bii inɛ gɔ í ce dulum, à nɛ inɛ gɔ iyi á tɔɔ nwa suuru bi Ilaaɔ̃ Baaba, nŋui í jɛ Jesu Kirisi inɛ dee deeu.

Kuyɛi Zãa 1:13

Nɔ ǹ yɛ inɛ gɔ í jɔ amanɛ wa leekĩ si aninii bi ku lesi fitila ŋau. Wa dasi ibɔ sisɔ nɔ wa dĩ santiikii wura si kpakaɛ.