Timɔtee 1, 2:4 - Bibeli do fee

⁴ Í bi bɛɛbɛi domi í bi inɛ fei ku ba faaba nɔ ku mà ntɔ.

Timɔtee 1, 2:4 Iomraidhean Croise

Ezai 45:22

Iŋɛ iyi ì wa hee kɔɔi andunyau fei, i sinda wa bi tom nɔ i ba faaba ŋa, domi amui ǹ jɛ Aɔ̃ Lafɛ̃ɛ, nɔ Ilaaɔ̃ mmu gɔ kù wɛɛ má.

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 55:1

Iŋɛ iyi agbɛ wa kpa fei, i naa wa tengi bii inyi í wa ŋa. Baa inɛ iyi kù nɛ fia, ku naa wa. I naa wa i naa i gba i jɛ ŋa, kù nɛ fia ku sã. I naa wa i naa i gba vɛ̃ɛ do amɔ ŋa hai nɛ fia ku sã.

Ezekiɛli 18:23

Amu Aɔ̃ Lafɛ̃ɛ n kù bi ilu dulum ku ku si dulum dɛɛ. Ǹ bi ku jɔ̀ɔi nɔ ku ba kuwɛɛ.

Ezekiɛli 18:32

Ntɔ ntɔ amu Aɔ̃ Lafɛ̃ɛ ǹ wa n fɔi, n kù bi inɛ gɔ ku ku. I sinda wa bi tom nɔ i wɛɛ ŋa.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Abakuku 2:14

Ntɔ ntɔ inɛ ŋa aa mà amboei Aɔ̃ Lafɛ̃ɛ si andunya fei bɛi inyi í ya maa kɔ̃ si tenku.

Matie 28:19

Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti amu Amau do ti Hundei Ilaaɔ̃.

Maaku 16:15

Ŋɔi í sɔ̃ ŋa í ni, i bɔ si andunya fei, nɔ i waazoa inɛ baa yooma fei laabaau jiidau ŋa.

Luku 1:77

nɔ aa jɔ̀ inɛɛ ŋa a mà iyi aŋa aa ba faaba waati iyi Ilaaɔ̃ á nya dulum du ŋa.

Luku 14:23

Ŋɔi lafɛ̃ɛu í sɔ̃ɔ má í ni, bɔ si kpãai ilɛɛko ŋa do kpãai iko ŋa, jɔ̀ inɛ ŋa a lɔ wa baa do kumante, kpasɛ̃m de ku kɔ̃.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 17:17

Ideɛi í jɛ ntɔ. Jɔ̀ ideɛu ku nya ŋa ikã a jɛ titɛɛ.

Laabaau jiida iyi Zãa í kɔ 6:37

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Timɔtee 2, 3:7

Iju iyi í má fei inaabo bɛɛbɛ ŋau à waa dɛ aŋa a mà ngɔgɔ, amma a kaa nɔ a mà ntɔu pai.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Titee 2:11

Ǹ ni i ce bɛɛbɛi domi Ilaaɔ̃ í jɔ̀ didɔ̃ɛ í naa si andunya. Didɔ̃u á yɔkɔ ku mua inɛ fei faaba.

Ebɛɛ 10:26

Awa iyi à mà ntɔ tã, bii à waa ce dulum si idɔɔbi nwa, kuwee gɔ kù wɛɛ má iyi á kpa idei dulum,

Zaaki 3:14

Amma bii ì waa ce igu yaamɔ do njɛ ku wã, maà tɔɔ fufu, maà sɔa ntɔ ibo,

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.

Zãa 2, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ, awɔ abo iyi Ilaaɔ̃ í cica. Nɔ ǹ ce amaɛ ŋa mɔ fɔɔ, aŋa iyi ǹ bi si kpãai ntɔu. Nɔ kù jɛ amu akãi ǹ bi ŋa, amma hee do inɛ ŋa iyi à mà ntɔu fei à bi ŋai.

Kuyɛi Zãa 14:6

Ŋɔi ǹ nyi ǹ yɛ amaleka gɔ má wa fo hee lelei Aɔ̃. Nŋui á sisi laabaau jiida iyi ci ya tã bi inɛi andunya fei, si ilɛ fei, do si dimi fei, do si fee ikã ikã fei, do bi inɛ fei.