Timɔtee 1, 2:2 - Bibeli do fee

² Nɔ i ya ce kutɔɔ ŋa na irii inɛ ngboi ilɛ ŋau hee do inɛi anyi nŋa ŋau fei, ku ba ka yɔkɔ ka jɛ andunya nwa do laakai ku sũ, nɔ ka ya ce kuwɛɛ jiida ku ba inɛ ŋa a mà bɛɛrɛi Ilaaɔ̃.

Timɔtee 1, 2:2 Iomraidhean Croise

Samuɛli 2, 20:19

Si ilui Izirɛli ŋau, ilu nwa í wa inɔ ilu ŋa iyi à nɛ laakai ku sũ nɔ à leekĩa Izirɛli. Nɔ ì waa bi i ce asɔɔi ilu jiida iyi í nɛ bɛɛrɛ bɛi ihɛ̃ si ilɛi Izirɛli? Na mii í ce ì waa bi i kpa ilu iyi í jɛ ti Aɔ̃ Lafɛ̃ɛ.

Ɛsidarasi 6:10

Si bɛɛbɛi aa yɔkɔ a cea Ilaaɔ̃ nŋu iyi í taka lele kuwee iyi í nɛ inunu didɔ̃ nɔ a cea amu ilaaluu do amam ŋa kutɔɔ si kuwɛɛ nwa.

Neemi 1:11

Lafɛ̃ɛ, jɔ̀ i sotĩ i gbɔ kutɔɔm, amu woo ce icɛɛ, do ti woo ce icɛɛ ŋa iyi à bi aŋa a mà bɛɛrɛɛ. Jɔ̀ isɛɛnɛm nɔu ku dɔ̃ bi ilaaluu, nɔ ku cɔm do iju jiida. Waati bɛɛbɛ amui ǹ jɛ woo bu atɛ̃i ilaaluu.

Iri ku kɔ̃ 72:1

Iriu ihɛ̃ ti Salomɔɔi. Ilaaɔ̃, muaa ilaaluu bisi iyi á ya ceò kiiti ŋa. Jɔ̀ dee dee ku jɛɛ ku wa siɛ,

Mɔnda ŋa 24:21

Amam, i ya maa jirima Aɔ̃ Lafɛ̃ɛ do ilaalu. Maà ya tɔtɔɔ do inɛ ŋa iyi à ya bi mii fei ku fɔtɔtɔ,

Zeremi 29:7

I dɛdɛ bɛi ilu bii ǹ jɔ̀ ì koo ì wa ŋau á ce ku nɛ laakai ku sũ, nɔ i tɔɔ Aɔ̃ Lafɛ̃ɛ na irii iluu ŋa, domi laakai ku sũi iluui á jɛ laakai ku sũi iŋɛ mɔ.

Luku 1:6

Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Luku 2:25

Wee mɔkɔ gɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa degbe Ilaaɔ̃ ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Romu 12:18

Bii í jɛ á ce i ce kookaai baa yooma fei i jɔ̀ iŋɛò inɛ fei i ya dɔ̃ ŋa.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Tɛsalonika 1, 4:11

I kookaai ku ba i ya wa si anu akã ŋa, i ya ce wũai ide iyi í kã ŋɛ, nɔ i ya ce icɛ do awɔ nŋɛ ku ba i ba mii iyi aa maa wɛɛò ŋa si bɛi à jilɛ nŋɛ.

Ebɛɛ 12:14

I dɛ laakai ku sũ do inɛ fei nɔ i ce kuwɛɛ iyi í má ŋa domi inɛ gɔ kù wɛɛ iyi á yɛ Lafɛ̃ɛ bii kuwɛɛɛ kù má.