Timɔtee 1, 1:9 - Bibeli do fee

⁹ Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 1:9 Iomraidhean Croise

Samuɛli 2, 16:11

Ŋɔi Davidi í sɔ̃ Abisai do soogeɛ ŋa fei í ni, ama iyi amu takam ǹ bí wee wa dɛdɛ ku kpam, aa fɔ idei inɛi dimii Bɛnzamɛɛu ihɛ̃ má ba. I jɔ̀ ku bum, domi Aɔ̃ Lafɛ̃ɛi í sɔ̃ɔ wa.

Ilaalu 2, 19:37

Ajɔ nŋu gɔ, í koo wa ce kutɔɔ inɔ ilei iwɛ̃ɛ iyi à ya kpe Nisirɔku. Ŋɔi Adaramelɛki do Saresɛɛ à koo à kpaa. Waati iyi à kpaa à tã, à bɛi à sa à nɛ ilɛi Ararati. Ŋɔi amaɛ Asaradɔ̃ɔ í sãsi agbɛɛ.

Bomma 2, 32:21

Ŋɔi Aɔ̃ Lafɛ̃ɛ í bɛ amaleka gɔ si asɔi inɛi Asiri ŋau, nɔ amalekau í kpa sooge ilu wɔɔkɔ ŋau do inɛ ngbo nŋa ŋau fei. Ŋɔi ilaalui Asiriu í nyi ilɛɛ do anyɔ nla nla. Ŋɔi ajɔ nŋu gɔ í koo í lɔ ilei iwɛ̃ɛu, nɔ amai nŋu takaɛ ŋa à kpaa bɛ.

Kufita 20:13

I maà kpa amanɛ ŋa.

Kufita 21:14

Amma bii inɛ í kã í ce í kpa inɛ gɔ, baa bii í jɛ í koo í manji kɔkɔi bi kuweem, aa nyaa a kpaai.

Mɔnda ŋa 20:20

Inɛ iyi í ceekpe iyeɛ walakɔ baaɛ, lafɛ̃ɛ á kui bɛi fitila í ya ku si ilu kuku nla nla.

Mɔnda ŋa 28:17

Inɛ iyi í kpa amanɛ nɔ idɔɛ wa yɛ taaleɛ, á sɛii hee ku maa bɔ ku dasi balɛɛ, nɔ inɛ kãma ku maà gɛɛ.

Mɔnda ŋa 28:24

Inɛ iyi wa ce iyeò baaɛ ile nɔ wa ni kù jɛ taale kãma, nŋu do bata ngba fei akãi.

Mɔnda ŋa 30:11

Inɛ gɔ ŋa à wɛɛ iyi à ya maa ceekpe baa nŋa ŋa nɔ a ci ya weea iye nŋa ŋa ajɔ kãma.

Mɔnda ŋa 30:17

Inɛ iyi wa yaako baaɛ nɔ wa donda iyeɛ, gaagaa ŋai aa nya ijuɛ, nɔ kungbã ŋa aa jɔ́ɔ.

Zeremi 23:11

Walii do woo wee ŋau fei à baa à jɛ inɛ laalɔ ŋa. Aɔ̃ Lafɛ̃ɛ í ni, ǹ yɛ inɔ kukã í wa baa si inɔ kpasɛ̃ nŋa ŋai.

Ezekiɛli 21:25

Kpãa ŋau akãi soogei inɛi Babilɔni ŋa aa too a bɔò Raba ilu nlai inɛi Amɔɔ ŋa. Akã mɔ ikpa Zeruzalɛmu ilu ku nɛ gbugbãi ilɛi inɛi Zudaa ŋai á bɔ.

Kuwee 20:9

Bii inɛ gɔ í ceekpe baaɛ walakɔ iyeɛ, aa kpa lafɛ̃ɛi. Taaleu fei si iriɛi á baa ku cuku si, si na iyi í jɔ̀ í ceekpe baaɛ walakɔ iyeɛ.

Matie 10:21

Inɛ gɔ ŋa aa zamba ifɔ nŋa ŋa walakɔ igbã nŋa ŋa ku ba a kpa ŋa. Bɛɛbɛ mɔi baa ŋa aa maa cea ama nŋa ŋa. Amu ŋa mɔ aa dede si baa nŋa ŋa ku ba a kpa ŋa.

Romu 1:30

À ya maa fɔ laalɔi njɛ, à cé Ilaaɔ̃, à ya yɛ ara nŋa, à jɛ ilu faau ŋa, à ya tɔɔ fufu, à nɛ bisii laalɔ ku ce, a kù waa saalu iyeò baa nŋa ŋa.

Romu 4:13

Ilaaɔ̃ í cea Aburahamu do dimiɛ ŋa kuwã iyi aŋai aa jɛ tubui andunyau ihɛ̃ fei. Kù jɛ si na iyi í jɔ̀ í jirima wooda, amma si na iyi í jɔ̀ í jɛ dee dee na naanɛ ku dasiɛui.

Romu 5:20

Wooda í lɔ wai ku ba dulum ku kɔ̃ɔsi, amma bii dulum í kɔ̃ɔsi, didɔ̃i Ilaaɔ̃ mɔ í ya kɔ̃ɔsi ku roo mái.

Romu 6:14

Dulum kù nɛ ku nɛ si ŋɛ gbugbã má domi wooda kù nɛ gbugbã si ŋɛ amma didɔ̃i Ilaaɔ̃i í nɛ gbugbã si ŋɛ.

Galati 3:19

Debɛi, na mii í ce Ilaaɔ̃ í na wooda. Í naai ku ba kookoosu iyi kù jɛ tɛɛ ku fita gbugbãa. Nɔ woodau wa ce icɛɛi hee dimii Aburahamuu koo tóo wa. Dimiɛui à cea kuwãɛu. Woodau amaleka ŋai Ilaaɔ̃ í jɔ̀ à na Moizi, nŋu iyi í wa si gãmɛi Ilaaɔ̃ do amanɛ ŋa, nɔ nŋu mɔ ku sɔ̃ inɛ ŋau.

Galati 5:18

Amma bii Hundei Ilaaɔ̃ wa nɛò ŋɛ i kù wa si awɔi wooda má ŋa.

Galati 5:21

do kɔdɛɛ, do atɛ̃ ku kpa inɛ, do ijɛ ku bi, do mii iyi í jɔ bɛɛbɛ fei. Ǹ wa n sɔ̃ ŋɛ bɛi ǹ tako ǹ fɔ ǹ ni, inɛ ŋa iyi à waa ce dimi bɛɛbɛ a kaa ba tubu kãma si bommai Ilaaɔ̃.

Galati 5:23

do daa didɔ̃, do ara ku mu. Mii ŋau bɛ fei, wooda kù ganji ŋa.

Wooda ku kɔsi 27:16

Ikpei á jɛ ti inɛ iyi í donda iyeò baaɛ. Nɔ zamaau fei á jɛi ku ni, ami.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Timɔtee 1, 4:7

Amma kɔ̀si ará hai nɛ yaase ŋa iyi a kù waa too si idei Ilaaɔ̃. Hanya i ce kuwɛɛɛ si bɛi á dɔ̃a Ilaaɔ̃ si.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 2:16

Amma waasu ide ŋa iyi a kù nɛ aranfãani gɔ nɔ a kaa sobi inɛ ŋa si naanɛ ku dasi nŋa, domi inɛ ŋa iyi à waa ce bɛɛbɛ à ya na a jĩò Ilaaɔ̃ a maa kooi.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Titee 1:10

Ǹ wa n fɔ bɛɛbɛi domi inɛ nkpɔi í wa si igbɛu iyi a kù waa jirima inɛ ngbo ŋau, inɛ ŋa iyi à waa dasi inɛ ŋa iju dũdũ do ide nfe. Si inɔ nŋa Zuifu ŋa iyi à dasi Jesu naanɛu, aŋa mɔm nii à re.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Titee 1:6

Inɛ iyi á jɛ inɛ ngboi igbɛu í gbe ku jɛ inɛ iyi kù nɛ taale gɔ, iyi í nɛ abo akã lege lege nɔ amaɛ ŋa à jɛ woo dasi Jesu naanɛ ŋa. Ku maà jɛ a maa sɔ iri nŋa do daa bututu nɔ a maà jɛ amu ŋa iyi a ci ya jirima inɛ.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Ebɛɛ 12:16

I ce laakai ŋa ku ba inɛ gɔ ku maà ce sakara, nɔ inɛ gɔ ku maà na ku kɔ̀ ku mà bɛɛrɛi mii jiida ŋa. Bɛɛbɛi Esau í ce waati iyi í so yemma ku jɛɛ í taa na ijɛ jɛɛ akã.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.

Piɛɛ 1, 4:18

Kukɔi idei Ilaaɔ̃ wa fɔ í ni, bii faabai inɛ dee dee ŋa í gaabu, bɛirei ti ilu dulum ŋa do inɛ ŋa iyi a kù mà bɛɛrɛi Ilaaɔ̃ á yɛ.

Zudu 1:15

ku kiiti inɛ fei nɔ ku yɛ taalei inɛ ŋa iyi a kù màa ŋau na kuce laalɔ nŋa fei do bɛi à dondaɛ, do na ide laalɔ ŋa iyi ilu dulum ŋa à ya maa fɔaa.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.