Timɔtee 1, 1:5 - Bibeli do fee

⁵ Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 1:5 Iomraidhean Croise

Iri ku kɔ̃ 24:4

Í gbe inɛ iyi awɔɛ kù ce laalɔ nɔ idɔɛ í má, inɛ iyi ci ya sɔ ibo nɔ ci ya ce kugbasi ku zambaò inɛ.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Zeremi 4:14

Zeruzalɛmu, bii ì bi i ba faaba, wiɛ idɔɛ. Mà hee waati yoomai ì waa bi i maa mu lasabui laalɔ ku ceɛ ŋau si idɔɛ.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Matie 12:35

Inɛ jiida ide jiidai í ya fɔ. Nɔ ide jiidau í ya naai hai si ide jiida iyi wa singa si idɔɛ. Bɛɛbɛ mɔi inɛ laalɔ ide laalɔi í ya fɔ. Nɔ ide laalɔu mɔ í ya naai hai si ide laalɔ iyi wa singa si idɔɛ.

Matie 5:8

Ilu inɔ didɔ̃ ŋai inɛ ŋa iyi idɔ nŋa í má, domi aa yɛ Ilaaɔ̃.

Woo bɛ ŋa 15:9

Kù ce nkãma iyi í jɛ ikã si gãmɛ nŋa do awa. Í jɔ̀ idɔ nŋa í má na naanɛ iyi à dasiɛ bɛi í cea awa mɔ.

Woo bɛ ŋa 23:1

Pɔlu í kãsi inɛ ŋa iyi à tɔtɔɔu iju nɔ í ni, iŋɛ kpaasim ŋa, idɔm kaa yɛ taalem domi ǹ ce kuwɛɛm nii dee dee si wajui Ilaaɔ̃ hee do nnyi fei.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Romu 10:4

Kpãa iyi Ilaaɔ̃ í jilɛui í jɛ Kirisi iyi í na í kpa irii woodai Moizi nɔ inɛ iyi í dasiɛ naanɛ fei á jɛ dee dee si wajui Ilaaɔ̃.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 14:15

Bii inɔi kpaasiɛ í fɔ na ijɛ gɔ iyi ì waa jɛ, wa nyisi iyi i kù waa nɛ si kpãai kubi má. Maà jɔ̀ idei ijɛ ku jɔ̀ inɛ gɔ iyi Kirisi í ku na iriɛ ku ce nfe.

Romu 9:1

Ntɔi ǹ wa n fɔ, amu inɛi Kirisi, n kaa n sɔ ibo. Idɔm do Hundei Ilaaɔ̃ à jɛsi iyi ntɔi.

Kɔrɛnti 1, 13:1

Baa bii ǹ wa n fɔ ide do feei amanɛ ŋa ikã ikã do ti amaleka ŋa nɔ n kù nɛ kubi, ǹ yɛi bɛi isɔ iyi à waa cã walakɔ bɛi londi.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Wooda ku kɔsi 10:12

To, nsɛi iŋɛ inɛi Izirɛli ŋa, mii iyi Aɔ̃ Lafɛ̃ɛ wa cɔ si ŋɛi í jɛ, i jirimaɛ, nɔ i too idɔɔbiɛ ŋa, nɔ i buu ŋa, nɔ i ceaa icɛ do idɔ nŋɛ fei do lasabu nŋɛ fei.

Timɔtee 1, 1:18

Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 3:9

Amma í sĩa a leekĩ dim dim si naanɛ ku dasi do idɔ iyi í má.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Titee 1:15

Mii fei í mái bi inɛ ŋa iyi à má, amma nkãma ci ya má bi ilu riisi ŋa do hai dasi naanɛ ŋa, domi lasabu nŋa do idɔ nŋa fei í nɛ riisi.

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 13:18

I ya ce nwa kutɔɔ ŋa. À mà kãm kãm iyi idɔ nwa kù waa yɛ taale nwa domi à bi ka ce isɛɛnɛ nwa dee dee si mii fei.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Zaaki 4:8

I sɛkɛɛ si Ilaaɔ̃ ŋa nɔ nŋu mɔ á sɛkɛɛ si ŋɛ wa. Iŋɛ ilu dulum ŋa, i wɔɔ awɔ nŋɛ. Nɔ i fũuta idɔ nŋɛ, iŋɛ ilu idɔ minji ŋau.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.

Piɛɛ 1, 3:21

Inyiu, í yɛi bɛi inyi ku dasi. Kù jɛ a ni wa nya riisii ara, amma wa nyisi iyi inɛ wa tɔɔ Ilaaɔ̃ ku jɔ̀ idɔi nŋu ku maà yɛ taalei nŋu. Inyi ku dasiui í faaba ŋɛ na saabui kujĩi Jesu Kirisi hai si balɛ,

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.

Piɛɛ 2, 1:7

nɔ si bɛɛrɛi Ilaaɔ̃ ku mà i kɔ̃ɔsi jiida ku cea njɛ, nɔ si jiida ku cea njɛ i kɔ̃ɔsi kubi.

Zãa 1, 3:10

Nsɛi, aa ka yɔkɔ ka mà inɛ ŋa iyi à jɛ amai Ilaaɔ̃ ŋa do inɛ ŋa iyi à jɛ ti Seetam. Inɛ iyi kù waa ce mii iyi í jɛ dee dee fei, do inɛ iyi kù bi kpaasiɛ, kù jɛ ti Ilaaɔ̃.

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.