Timɔtee 1, 1:3 - Bibeli do fee

³ Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 1:3 Iomraidhean Croise

Woo bɛ ŋa 18:19

Iyi à to Efɛɛzu ŋɔi Pɔlu í lɔ ile bii à ya ce kutɔtɔɔ nɔ í ba Zuifu ŋau faaji ku ce. Ŋɔi à tɔɔɛ ku ce ajɔ minji bi tu ŋa, amma kù waa jɛ. Iyi wa nɛ ŋɔi í sɔ̃ ŋa í ni, bii Ilaaɔ̃ í bi an nyi wa má. Nɔ í jɔ̀ Piisila do Akilasi bɛ í koo í lɔ akɔi inyi í nɛ hai Efɛɛzu.

Romu 15:26

domi woo dasi Jesu naanɛ ŋa iyi à wa ilɛi Masedɔni do ilɛi Gɛrɛsi à tɔtɔɔ fia do inɔ akã na ilu are ŋa iyi à wa si inɔi woo dasi Jesu naanɛ ŋau Zeruzalɛmu bɛ.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Kɔrɛnti 2, 11:4

Njo í nyi wa mum má si na iyi í jɔ̀ bii inɛ gɔ í naa wa sisi nŋɛ idei Jesu mmu gɔ i ci ya kɔ̀ ŋa. Ì ba Hundei Ilaaɔ̃ tã ŋa, amma ì nyi ì tã sɔɔlu i gba hunde mmu gɔ má ŋa. Ì gba laabaau jiidau tã ŋa, amma ì nyi ì tã sɔɔlu i gba laabaau ikã má ŋa.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Filipi 2:24

Ǹ nɛ naanɛ iyi Lafɛ̃ɛ á jɔ̀ amu takam n naa bi tu ŋɛ bɛ si ajɔ gbeejiu ihɛ̃.

Timɔtee 1, 4:11

Sɔ̃ ŋa a jirima mii ŋau ihɛ̃ nɔ i kɔ nŋa si cioɛ.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 1, 5:7

Ide ŋa iyi aa ya maa sɔ̃ ŋa mbɛ ku ba inɛ gɔ ku maà yɛ taale nŋa.

Timɔtee 1, 6:10

Bɛɛbɛi á ce si na iyi í jɔ̀ kubii fiai í jɛ icãi laalɔ ikã ikã baa yooma fei. Nŋui inɛ gɔ ŋa à lɔsi ku dɛ hee à yaa hai si kpãai naanɛ ku dasi, à baa à dasi ara nŋa si kpãai wahala.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 2, 1:18

Nɔ Lafɛ̃ɛ ku jɔ̀ Ilaaɔ̃ ku ce araareɛ si ajɔi kiitiu. Awɔ takaɛ ì mà sãa sãa icɛ iyi í ceem Efɛɛzu.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Kuyɛi Zãa 2:14

Amma mii iyi ǹ yɛ si ŋɛ wee. Inɛ gɔ ŋa à wa si inɔ nŋɛ iyi à waa too si ikɔi Balamu. Balamu í tako í sɔ̃ Balaki bɛi á ce ku dasi inɛi Izirɛli ŋa kurara ku ba a ŋɔ iŋa iyi à ceaò iwɛ̃ ŋa kuwee, nɔ a ce sɛ̃ɛ ku tɔtɔɔ hai nɛ yaase.

Kuyɛi Zãa 2:20

Amma mii iyi ǹ yɛ si ŋɛ wee. Ì waa temuaò abo iyi à ya kpe Zezabɛli ŋa, nŋu iyi wa kpe araɛ walii nɔ wa wa inyii itĩi woo dasi naanɛ woo ce icɛm ŋa do ikɔɛ ku ba a ya maa ce sɛ̃ɛ ku tɔtɔɔ hai nɛ yaase nɔ a ya maa ŋɔ iŋa iyi à ceaò iwɛ̃ ŋa kuwee.