Timɔtee 1, 1:19 - Bibeli do fee

¹⁹ Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 1:19 Iomraidhean Croise

Matie 6:27

Yooi si inɔ nŋɛ na zigiidaɛ á yɔkɔ ku kɔ̃ɔsi kusɔi adɔ̃ɛ baa keeke.

Kɔrɛnti 1, 11:19

Ntɔ ntɔ, kù nɛ bɛi á ce iyi njɛ ku fɛɛfɛ kù wa si anini nŋɛ, ku ba a mà inɛ ŋa iyi à jɛ ti ntɔ.

Galati 5:4

Iŋɛ iyi ì waa bi i jɛ dee dee si wajui Ilaaɔ̃ na wooda ku jirima, ì fɛɛfɛ ara nŋɛ do Kirisii nɔ ì fũsi didɔ̃i Ilaaɔ̃ awɔ ŋa.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 3:9

Amma í sĩa a leekĩ dim dim si naanɛ ku dasi do idɔ iyi í má.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 1, 6:21

Kumàui inɛ gɔ ŋa à waa ni aŋa à nɛ, nŋui í jɔ̀ à nyɔ hai si kpãai naanɛ ku dasi. Didɔ̃i Ilaaɔ̃ ku wɛɛ do iŋɛ fei.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Timɔtee 2, 2:18

aŋa iyi à jɔ̀ kpãai ntɔ nɔ à waa kɛkɛ naanɛ ku dasii inɛ nkpɔ domi à ni awaatii kujĩi iku ŋa í lɔ tã.

Timɔtee 2, 4:4

Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Kuyɛi Zãa 3:10

Ǹ ni i temua ŋa, nɔ ì jirima idem nɔu ŋa. Na ŋɔi í jɔ̀ amu mɔ an degbe ŋɛ si waatii wahala iyi wa naa si andunya fei ku na ku cɔ laakaii inɛ ŋa.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.

Kuyɛi Zãa 3:8

ǹ mà kuce nŋɛ. Ǹ mà iyi gbugbã nŋɛ kù la. Do nŋu fei, ì jirima idem nɔ i kù kɔ̀sim ŋa. Nŋui í jɔ̀ ǹ cĩ nŋɛ gambo iyi inɛ gɔ kaa yɔkɔ ku cĩmbo.