Timɔtee 1, 1:18 - Bibeli do fee

¹⁸ Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 1, 1:18 Iomraidhean Croise

Woo bɛ ŋa 16:1

Ŋɔi Pɔlu do Silasi à to Dɛɛbu. Si anyiɛ nɔ à bɔ Lisiti. Wee inɛ gɔ í wa bɛ wa too kpãai Jesu. À ya kpoo Timɔtee. Iyeɛ Zuifu woo dasi Jesu naanɛi, amma baaɛ Gɛrɛkii.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 1, 9:7

Inɛ kãma kaa bɔ ikoi igũ do fiai nŋu takaɛ. Inɛ kãma kaa lɔ jĩi ndii rezɛ̃ɛ iyi kù jɛ isoɛ. Nɔ inɛ kãma kaa maa degbe mɛɛmu gaa iyi kù waa mɔ amɔɛ.

Filipi 2:22

Iŋɛ taka nŋɛ ì mà ŋa iyi Timɔtee í nyisi araɛ ilu naanɛ nɔ í na araɛ si icɛi laabaau jiidau ku ce do amu bɛi ama do baaɛ.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 4:14

Maà ti i ce atafii si amua iyi í wa siɛ, iyi Hundei Ilaaɔ̃ í muuɛ si waati iyi à ce walii na iriɛ nɔ inɛ ngboi igbɛi Jesu ŋa à leɛ awɔ si iri.

Timɔtee 1, 4:4

Nkãma kù wa si iyi aa nyɔ, domi mii iyi Ilaaɔ̃ í taka fei mii jiidai, nɔ í sĩa ka gba fei ndɛɛ do saabu.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 1:2

Amui ǹ kɔɛ tiau ihɛ̃ wa Timɔtee, awɔ iyi ǹ bi jiida nɔ ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.

Filemɔɔ 1:10

ǹ wa n tɔɔɛ suurui na irii Onezimu, nŋu iyi í jɛ bɛi amam iyi ǹ bí si kpãai naanɛ ku dasi si ile piisɔ̃ɔ ihɛ̃.