Timɔtee 1, 1:17 - Bibeli do fee

¹⁷ Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Timɔtee 1, 1:17 Iomraidhean Croise

Bomma 1, 29:11

Aɔ̃ Lafɛ̃ɛ, awɔi ì la, ì nɛ gbugbã, ì nɛ bɛɛrɛ, ì nɛ amboe nɔ hai bi tɛɛi inya kumá wa naa, domi mii iyi í wa lele do ilɛ fei titɛɛi. Awɔi ì jɛ ilaalu, nɔ awɔi ì wa antaii mii fei.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Iri ku kɔ̃ 10:16

Aɔ̃ Lafɛ̃ɛ í jɛ ilaalu hee do ajɔ fei. Dimi mmu ŋa aa kpa iri si ilɛu.

Iri ku kɔ̃ 106:48

Saabu ku jɛ ti Aɔ̃ Lafɛ̃ɛi inɛi Izirɛli ŋa hee do ajɔ fei. Nɔ zamaau fei ku jɛ ku ni, ami, i saabu Aɔ̃ Lafɛ̃ɛ ŋa.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 41:13

Awɔi aa sobim si dee dee ku jɛm nɔ i maa mum bi tɛɛ hee do ajɔ fei.

Iri ku kɔ̃ 45:1

Iriu ihɛ̃ ti inɛ ngboi woo kɔ̃ iri ŋai do amai Kore ŋa. À ya kɔ̃ɔi do mɔɔlɔ. Iriu irii kubii.

Iri ku kɔ̃ 45:6

Afaɛ ŋa à gbe anu, à waa lu idɔi mbɛɛɛ ŋa nɔ inɛ ŋa à wasi ku cuku.

Iri ku kɔ̃ 57:11

domi à waa yɛ jiida ku jɛɛi hee lelei Aɔ̃ nɔ bɛɛbɛ mɔi à waa yɛ ntɔ ku jɛɛ si kudũi ijĩ ŋa.

Iri ku kɔ̃ 90:2

Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Malasi 1:14

Ikpei á jɛ ti inɛ laalɔ iyi í nɛ mɛɛmu akɔ iyi wa nɛ baani nɔ í mu iyi kù waa nɛ baani wa ceem do kuwee. Amu Aɔ̃ Lafɛ̃ɛi lele do ilɛ, ilaalu nla nlai ǹ jɛ nɔ inɛi andunya ŋa fei à mà bɛɛrɛm.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 5:44

Bii bɛɛbɛi bɛirei aa ce i dasim naanɛ ŋa, iŋɛ iyi ì ya maa dɛ saabui njɛ ŋa iŋɛ duusɔ̃ɔ nɔ i kù waa dɛ saabu iyi wa naa hai bi Ilaaɔ̃ ŋa, nŋu iyi kù nɛ saa.

Romu 1:20

Do ntɔ, a kaa yɔkɔ a yɛ Ilaaɔ̃ do iju, amma hai waati iyi í taka andunya í nyisi araɛ iyi nŋui í jɛ Ilaaɔ̃, nɔ í nyisi gbugbã hai nɛ kɔɔɛ si mii ŋa iyi í taka. Na nŋu, a kù nɛ iyi aa fɔ.

Romu 1:23

Í sĩai wo a tɔɔ Ilaaɔ̃ ilu amboe, nŋu iyi kaa ku ajɔ kãma. Amma wee à sinda à waa tɔɔ iwɛ̃ ŋa iyi à jɔ amanɛ iyi á ku. Iwɛ̃ gɔ ŋa mɔ à jɔ yɛi ŋa, do mɛɛmu ŋa iyi à waa nɛ do iyi à waa cã ilɛ.

Romu 11:36

Ilaaɔ̃i í jɛ irii mii fei, hai bi tɛɛi fei ndɛɛ wa naa. Nɔ mii fei í wɛɛi na iriɛ. Amboe ku jɛ tɛɛ hai nsɛi hee do ajɔ fei. Ami.

Romu 16:27

Na nŋu, Ilaaɔ̃ nŋu akã iyi í jɛ ilu bisi ntɔ ntɔ, amboe ku jɛ tɛɛ hee do ajɔ fei do saabui Jesu Kirisi. Ami.

Romu 2:10

Inɛ mɔ iyi wa ce jiida á ba amboe do bɛɛrɛ do laakai ku sũ, hai Zuifu ŋa hee ku koo si dimi mmu ŋa.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kolosee 1:15

Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Ebɛɛ 11:27

Na naanɛ ku dasii, Moizi í fita hai ilɛi Ezibiti, kù ce njoi idɔɔkɔ̃i ilaaluu. Í leekĩi dim dim bɛi mii iyi í yɛ inɛ iyi a ci ya yɛ.

Ebɛɛ 2:7

Si waati keeke gɔ ì coo inɛ iyi kù to amaleka ŋa. Ì muaa amboe nɔ ì jɔ̀ í nɛ jirima nla nla.

Piɛɛ 1, 5:11

Nŋui í nɛ gbugbã hee do ajɔ fei. Ami.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 4:12

Inɛ gɔ kù yɛ Ilaaɔ̃ ajɔ gɔ, amma bii à bi njɛ, Ilaaɔ̃ í wa si wa, nɔ kubiɛ á kɔ̃ si idɔ nwa.

Kuyɛi Zãa 15:3

À waa kɔ̃ irii Moizi woo ce icɛi Ilaaɔ̃u do ti ama angudãu à waa ni, Aɔ̃ Lafɛ̃ɛ ilu gbugbã fei, icɛɛ í la nɔ í jɛ maamaake. Awɔi ì jɛ ilaalui ilɛ fei. Kpãaɛ í jɛ ntɔ nɔ í jɛ dee dee.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:1

Si anyii nŋu, ǹ gbɔ ide ku fɔ gɔ bɛi anu ku dɔ̃i zamaa ikpa lelei Aɔ̃ í ni, ka saabu Ilaaɔ̃ Lafɛ̃ɛ nwa, nŋui í faaba wa, í nɔ í nɛ amboe do gbugbã.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.

Kuyɛi Zãa 19:6

Nɔ ǹ gbɔ ide ku fɔ gɔ bɛi imui zamaa. Aa ni bɛi iri cuui inyi nla gɔi walakɔ bɛi kulai ijĩ. Ide ku fɔu í ni, ka saabu Ilaaɔ̃, domi Ilaaɔ̃ Lafɛ̃ɛ nwa ilu gbugbã fei í jɛ bomma.

Kuyɛi Zãa 7:12

à ni, ami. Kucĩ do amboe do kumà do saabu do bɛɛrɛ do gbugbã do yiiko, fei ndɛɛ ku jɛ ti Ilaaɔ̃ Lafɛ̃ɛ nwa hee do ajɔ fei. Ami.