Timɔtee 1, 1:15 - Bibeli do fee

¹⁵ Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Timɔtee 1, 1:15 Iomraidhean Croise

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Matie 1:21

Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.

Matie 18:10

Jesu í sɔ̃ ŋa má í ni, i ce laakai i maà donda baa inɛ akãi amu ŋau ŋa. Ntɔ ntɔ ǹ wa n sɔ̃ ŋɛi, amaleka woo degbe nŋa ŋa à ya maa leekĩi ajɔ fei si wajui Baam iyi í wa lele. [

Matie 18:11

Amu Amai Amanɛ ǹ naa ku faaba inɛ ŋa iyi à nyɔi.]

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Matie 9:13

Ǹ wa n sɔ̃ ŋɛi, n kù naa ku kpe inɛ dee dee ŋa, amma ilu dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa i re i ceem kuwee.

Maaku 2:17

Iyi Jesu í gbɔ bɛɛbɛ, ŋɔi í sɔ̃ ŋa í ni, ilu baani ŋa a kù nɛ bukaatai ilu iwɔ bii kù jɛ bɔ̃ɔ ŋa. Bɛɛbɛ mɔi n kù naa ku kpe inɛ dee dee ŋa, amma ilu dulum ŋai ǹ naa ku kpe.

Luku 15:2

Ŋɔi Farisi do woo kɔ inɛ ŋa si wooda ŋa à lɔsi ku gbagba à waa ni, mɔkɔu wa gba inɛ laalɔ ŋa nɔ aŋaò ŋa à tɔtɔɔ à waa jɛ.

Luku 19:10

Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Luku 5:32

Bɛɛbɛ mɔi n kù naa ku kpe inɛ dee dee ŋa, amma ilu dulum ŋai ǹ naa ku kpe a kpaasi idɔ nŋa.

Laabaau jiida iyi Zãa í kɔ 1:12

Amma inɛ ŋa iyi à gbaa nɔ à dasiɛ naanɛ í mu nŋa kpãa a jɛò amai Ilaaɔ̃ ŋa.

Laabaau jiida iyi Zãa í kɔ 1:29

Iju kumáɛ ŋɔi Zãa í yɛ Jesu wa naa siɛ, ŋɔi í sɔ̃ inɛ ŋa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃ iyi á nya dulum dii inɛi andunya ŋa ku nɛò.

Laabaau jiida iyi Zãa í kɔ 12:47

Inɛ iyi í gbɔ idem nɔ kù waa saaluɛ, kù jɛ amui an yɛ taalei lafɛ̃ɛ. Amu ǹ naai n na n faaba inɛi andunya ŋa, n kù naa ku yɛ taale nŋa.

Laabaau jiida iyi Zãa í kɔ 3:36

Inɛ iyi í dasi Amau naanɛ fei í nɛ kuwɛɛ hai tã. Inɛ mɔ iyi í kɔ̀ ku dasiɛ naanɛ kaa ba kuwɛɛu, amma idɔɔkɔ̃i Ilaaɔ̃ í wa si irii lafɛ̃ɛ.

Woo bɛ ŋa 11:1

Woo bɛ ŋa do kpaasi woo dasi Jesu naanɛ ŋa iyi à wa ilɛi Zudee à gbɔ iyi hai jɛ Zuifu ŋa mɔ à gba idei Ilaaɔ̃.

Woo bɛ ŋa 11:18

Iyi inɛ ŋau à gbɔ ideu, ŋɔi idɔ nŋa í tũ, nɔ à saabu Ilaaɔ̃ à waa ni, debɛi, Ilaaɔ̃ í mua hee do dimi mmu ŋa mɔ kpãa a kpaasiò idɔ nŋa a baò kuwɛɛ hai tã.

Woo bɛ ŋa 3:26

Bɛɛbɛi Ilaaɔ̃ í jɔ̀ woo ce icɛɛ í fita hai bi tu ŋɛ nɔ í bɔɔ wai ku ba ku wee nŋɛ ku ba iŋɛ fei i sinda i jɔ̀ laalɔ ku ce nŋɛ.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Romu 5:6

Si waati iyi a kù nɛ gbugbã, Kirisi í ku na irii inɛ ŋa iyi a kù mà bɛɛrɛi Ilaaɔ̃. Í kui si waati iyi Ilaaɔ̃ í jilɛu.

Kɔrɛnti 1, 15:9

Ntɔ ntɔ, amui ǹ jɛ keekei woo bɛ ŋau. N kù to a kpem woo bɛ, domi ǹ kpã inɛi igbɛi Ilaaɔ̃ ŋa iju.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 3:1

Ide ilu naanɛ wee. Bii inɛ gɔ í bi nŋu ku jɛ inɛ ngbo si igbɛi inɛi Jesu ŋa, icɛ jiidai í bi.

Timɔtee 1, 4:9

Ide iyi à fɔu bɛ ide ilu naanɛi iyi í jɔ inɛ fei ku yɔ awɔ ku gba mam mam.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 2, 2:11

Ide ilu naanɛ wee. Bii à ku do nŋu, aa ka wɛɛ do nŋu.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Zãa 1, 3:5

Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Zãa 1, 5:11

Sɛɛdau wee. Ilaaɔ̃ í mu nwa kuwɛɛ hai tã. Kuwɛɛu, í wa si Amaɛ.

Kuyɛi Zãa 21:5

Waati bɛɛbɛi inɛ iyi wa buba si kitãi bommau í ni, wee ǹ ce mii fei titɔ̃. Nɔ í sɔ̃m í ni, kɔ iyi ihɛ̃ domi idem ide ntɔi nɔ í nɛ naanɛ.

Kuyɛi Zãa 22:6

Ŋɔi amalekau í sɔ̃m í ni, ideu ihɛ̃ ide ntɔi, í nɔ í nɛ naanɛ. Aɔ̃ Lafɛ̃ɛ, nŋu iyi í gbã walii ŋau, í bɛ amalekaɛ wa bi woo dasi naanɛ woo ce icɛɛ ŋa ku sɔ̃ ŋa mii iyi á ce bii í kɔ̃ɔsi.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.