Timɔtee 1, 1:14 - Bibeli do fee

¹⁴ Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 1:14 Iomraidhean Croise

Kufita 34:6

Nɔ í koo í lɔ wajui Moizi wa ni, amui ǹ jɛ Aɔ̃ Lafɛ̃ɛ, ǹ ya n ce araarei inɛ ŋa nɔ n ce nŋa didɔ̃. Idɔɔkɔ̃m ci ya saasa ku dede nɔ jiida ku jɛm do dee dee ku jɛm í la í caa.

Matie 20:9

Inɛ ŋa iyi à sinti icɛ alɛ zakai isɔ miiu ŋau à naa à gba fiai icɛi ajɔ akã.

Woo bɛ ŋa 15:11

À mà iyi na didɔ̃i Lafɛ̃ɛ Jesui awa à baò faaba, nɔ bɛɛbɛ mɔi baa do hai jɛ Zuifu ŋau mɔ.

Romu 16:20

Kaa kpɛ má, Ilaaɔ̃ nŋu iyi wa mu nwa laakai ku sũ, á jɔ̀ i tɛɛsɛ Seetam ŋa. Didɔ̃i Lafɛ̃ɛ nwa Jesu ku wɛɛ do iŋɛ.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 1, 3:10

Amu mɔ, na saabui didɔ̃ iyi Ilaaɔ̃ í ceem, amui ǹ nyɔ icui ileu bɛi woo ma iyi í nɛ laakai. Nsɛi inɛ mmu gɔi wa ma si antaiɛ. Amma inɛ fei ku ce laakai si yaase bɛi wa ma si.

Kɔrɛnti 2, 4:15

Na iri nŋɛi à waa temuaò mii ŋau ihɛ̃ fei ku ba inɛ ŋa iyi à ba didɔ̃i Ilaaɔ̃u, akpɔ nŋa ku ya maa kɔ̃ɔsi nɔ a ya maa saabuɛ ntɔ ntɔ, domi bɛɛbɛi aa nyisiò amboeɛ.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 1:13

Ì gbɔ bɛi kuwɛɛm í yɛ ŋa wo si waati iyi ǹ wa n tɔɔ Ilaaɔ̃ bɛi Zuifu ŋa. Iŋɛ fei ì mà ŋa kookaai iyi ǹ tako ǹ ce ǹ kpãò inɛi igbɛi Jesu ŋa iju ku ba n ce nfe nŋa.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Timɔtee 1, 2:15

Amma inaabo ŋa aa ba faaba si kpãai ama ku bí bii à waa mu ara nŋa nɔ à leekĩ si kpãai naanɛ ku dasi do kubi do kuwɛɛ iyi í má.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 2, 1:13

Mu ide ntɔu iyi ǹ sisiɛ, muu do naanɛ jiida do kubi iyi à nɛ si anu akã nwa do Jesu Kirisi.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Zãa 1, 4:10

Kù jɛ awai à tako à bi Ilaaɔ̃ amma nŋui í bi wa, nɔ í bɛ Amaɛ wa ku ba ku jɛ kuwee iyi á kpa dulum du wa.

Kuyɛi Zãa 22:21

Didɔ̃i Lafɛ̃ɛ Jesu ku wɛɛ do inɛɛ ŋa fei. Ami.