Timɔtee 1, 1:13 - Bibeli do fee

¹³ baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Timɔtee 1, 1:13 Iomraidhean Croise

Ozee 2:23

Ŋɔi Aɔ̃ Lafɛ̃ɛ í ni má, ajɔ nŋu bɛ bukaatai mii iyi lele í bi an naa. Nɔ lele mɔ á na ilɛ bukaatai mii iyi wa cɔ siɛ.

Kuwee 13:16

Bii jujui arau í na í tã, lafɛ̃ɛ á nyi bi woo weeu mái,

Kuka 15:30

Amma bii í jɛ ilu ide walakɔ inɛ njoo gɔ í ce dulum do idɔɔbiɛ, í cea amu Aɔ̃ Lafɛ̃ɛ taalei nɔ aa nya lafɛ̃ɛi hai si inɔi zamaau.

Luku 12:47

Woo ce icɛ iyi í mà mii iyi lafɛ̃ɛɛ í bi, nɔ kù coo, goloɛ á la.

Luku 23:34

Nɔ Jesu í ni, Baaba, kpa idei dulum du ŋa, domi a kù mà mii iyi à waa ce. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ceò ikpɛ̃i jĩnɛɛ ŋau.

Woo bɛ ŋa 22:4

Ǹ kpã woo too kpãai Jesu ŋa iju jiida jiida hee ǹ kpa gɔgɔ ŋa. Ǹ mu inaabo ŋa do inɛmɔkɔ ŋa ǹ dĩ ŋa ǹ dasi ŋa piisɔ̃ɔ.

Woo bɛ ŋa 3:17

Nsɛi kpaasim ŋa, ǹ mà mii iyi ì cea Jesuu ŋa, ì cooi si ngɔgɔ hai mà ŋa, bɛɛbɛi do inɛ ngbo nŋɛ ŋa fei.

Woo bɛ ŋa 8:3

Amma Sɔlu í wasi inɛi igbɛi Jesu ŋa ku kpã iju. Í ya lɔ kpasɛ̃ do kpasɛ̃ ŋai ku maa mu inɛmɔkɔ do inaabo ŋa do gbugbã koo dasi ŋa piisɔ̃ɔ.

Woo bɛ ŋa 9:1

Waati bɛɛbɛ Sɔlu í ya maa kpã inɛ ŋa iyi à waa too kpãai Jesu ŋau iju nɔ wa bi ku kpa ŋa mɔm nii. Na ŋɔi í jɔ̀ í bɔ bi woo wee nlai Ilaaɔ̃u,

Woo bɛ ŋa 9:13

Amma Ananiasi í ni, Lafɛ̃ɛ, inɛ nkpɔi í sɔ̃m laabaaui mɔkɔu bɛ do laalɔ ŋa iyi í cea inɛɛ ŋa Zeruzalɛmu fei.

Woo bɛ ŋa 9:5

Ŋɔi Sɔlu í bee í ni, Lafɛ̃ɛ, awɔi yoo. Ŋɔi Lafɛ̃ɛ í jɛaa í ni, amui Jesu iyi ì waa kpã ijuu.

Kɔrɛnti 1, 15:9

Ntɔ ntɔ, amui ǹ jɛ keekei woo bɛ ŋau. N kù to a kpem woo bɛ, domi ǹ kpã inɛi igbɛi Ilaaɔ̃ ŋa iju.

Kɔrɛnti 1, 7:25

Nsɛi, iyi í jɛ ti inɛ ŋa iyi a kù tɔtɔɔ sɛ̃ɛ do inɛ gɔ titã, n kù nɛ ide gɔ iyi í jɛ woodai Lafɛ̃ɛ. Amma si bɛi Lafɛ̃ɛ í ce araarem ǹ jɛò ilu naanɛ, ǹ wa n sɔ̃ ŋɛ iyi í jɛ lasabum.

Galati 1:13

Ì gbɔ bɛi kuwɛɛm í yɛ ŋa wo si waati iyi ǹ wa n tɔɔ Ilaaɔ̃ bɛi Zuifu ŋa. Iŋɛ fei ì mà ŋa kookaai iyi ǹ tako ǹ ce ǹ kpãò inɛi igbɛi Jesu ŋa iju ku ba n ce nfe nŋa.

Filipi 3:6

Ǹ nɛ himma ntɔ ntɔ hee ǹ kpã inɛi igbɛi Jesu ŋa iju. Inɛ gɔ kaa yɛ taalem do yaase bɛi ǹ jirima idei wooda ǹ wa n dɛdɛ n jɛò inɛ dee dee.

Timɔtee 1, 1:16

amma Ilaaɔ̃ í ce araarem ku ba Jesu Kirisi ku yɔkɔ ku nyisi temua hai nɛ kɔɔɛ si amu iyi ǹ jɛ inɛ ngboi ilu dulum ŋa. Nɔ ǹ bi n jɛ yaase jiida bi inɛ ŋa iyi aa na a dasiɛ naanɛ a ba kuwɛɛ hai tã.

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.