Timɔtee 1, 1:1 - Bibeli do fee

¹ Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Timɔtee 1, 1:1 Iomraidhean Croise

Iri ku kɔ̃ 106:21

À gbɛjɛ Ilaaɔ̃ woo faaba nŋa, nŋu iyi í ce mii nla ŋa Ezibiti,

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 43:11

Amu akãi ǹ jɛ Aɔ̃ Lafɛ̃ɛ. Bii baam í lɔ, woo faaba gɔ kù wɛɛ má.

Ezai 43:3

Ntɔ ntɔ, amui ǹ jɛ Aɔ̃ Lafɛ̃ɛɛ Inɛ Kumái Izirɛli iyi í jɛ woo faabaɛu. Ezibitii an na ku jɛ mii iyi an sã n jɔ̀ i nɛò araɛ. Etiopi do Seba ŋa mɔi an na si agbɛɛ.

Ezai 45:15

Awɔ Aɔ̃ Lafɛ̃ɛi Izirɛli, awɔ woo faabau, ntɔ ntɔ awɔ Ilaaɔ̃ iyi wa manjii.

Ezai 45:21

I fɔ ide, nɔ i nyisi nyinda nŋɛ ŋa wa ŋa. Iŋɛ fei i tɔtɔɔ i busi njɛ ajɔ ŋa. Yooi í jɔ̀ à gbɔ baaui mii iyi wa ce nnyiu ihɛ̃ hai ku kpɛ, nɔ hai waati bɛɛbɛ, yooi í fɔ baauɛ. Kù jɛ amu Aɔ̃ Lafɛ̃ɛ? Bii baam í lɔ, Ilaaɔ̃ mmuɛ gɔ kù wɛɛ má iyi í jɛ dee dee nɔ í jɛ woo faaba. Kù wɛɛ má, í gbe amu akã.

Ezai 49:26

Inɛ ŋa iyi à waa taɛ gbugbã, an jɔ̀ aŋa taka nŋa a ŋɔ ara nŋa, nɔ a mɔ njɛi ara nŋa hee ku maa kpa ŋa bɛi inɛ iyi í mɔ atɛ̃ vɛ̃ɛ titɔ̃. Do yaase bɛɛbɛ, inɛ fei á mà iyi amui ǹ jɛ Aɔ̃ Lafɛ̃ɛ woo faabaɛ. Inɛ fei á mà iyi amui ǹ jɛ inɛ iyi í yaɛ, amu Ilu gbugbãi Zakɔbu.

Ezai 60:16

Inɛi ilɛ ŋa do ilaalu nŋa ŋa aa maa woɛ. Waati bɛɛbɛ, aa mà iyi amui ǹ jɛ Aɔ̃ Lafɛ̃ɛ, amui ǹ jɛ woo faabaɛ do woo yaɛ, amui ǹ jɛ Lafɛ̃ɛi Zakɔbu iyi inɛ kãma kaa yɔkɔ ku kãmia.

Ezai 63:8

Nŋu takaɛ í fɔ wo í ni ntɔ ntɔ inɛ ŋau ihɛ̃ inɛi nŋu ŋai, nɔ à jɛ amu ŋa iyi a ci ya sɔ ibo. Nŋui í jɛ woo faaba nŋa.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Luku 1:47

Nɔ ǹ wɛɛò inɔ didɔ̃ na irii Ilaaɔ̃ Woo faabam,

Luku 2:11

Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 1:1

Amui Pɔlu woo ce icɛi Jesu Kirisi, amu iyi Ilaaɔ̃ í kpe n na n jɛ woo bɛ nɔ í nyam ikã n waazoò laabaau jiidaɛ.

Kɔrɛnti 1, 1:1

Amui Pɔlu, amu iyi Ilaaɔ̃ í kpe si idɔɔbiɛ ǹ jɛ woo bɛi Jesu Kirisi. Amu do Sɔsitɛni kpaasi nwau

Kɔrɛnti 1, 9:17

Bii do idɔɔbim nii ǹ wa n coo, ǹ nɛ kpãai n ba riba. Amma tilasi ǹ nɛ ku ceɛ mɔm nii domi Ilaaɔ̃i í dasim.

Kɔrɛnti 2, 1:1

Amui Pɔlu woo bɛi Jesu Kirisi si idɔɔbii Ilaaɔ̃, do Timɔtee kpaasi nwa. À ce inɛi igbɛi Ilaaɔ̃ ŋa iyi à wa Kɔrɛnti fɔɔ do woo dasi naanɛ ŋa fei iyi à wa si ilɛi Gɛrɛsi fei.

Galati 1:1

Amu Pɔlu woo bɛu, amui ǹ kɔ nŋɛ tiau ihɛ̃ wa. Kù jɛ amanɛi í kpem n jɛ woo bɛ, kù nɔ kù jɛ inɛ gɔi í bɛm. Jesu Kirisii í kpem, nŋu do Ilaaɔ̃ Baaba iyi í jũu hai si balɛ.

Galati 1:11

Iŋɛ kpaasim ŋa, ǹ bi i mà ŋa iyi laabaau jiida iyi ǹ sisi nŋɛu kù jɛ hai bi amanɛi í naa.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 1, 2:3

Dimii kutɔɔ bɛɛbɛi í sĩa nɔ í ya dɔ̃a Ilaaɔ̃ woo faaba nwa si.

Timɔtee 1, 2:7

Na nŋui Ilaaɔ̃ í cicam n jɛ woo waazo do woo bɛ, nɔ n kɔ dimi mmu ŋa si cio si ide ntɔ nɔ n sɔ̃ ŋa a dasi Jesu naanɛ. Ntɔi ǹ wa n fɔ n kù wa n sɔ ibo.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Titee 2:10

nɔ a maà ya ce ŋa ile, amma a nyisi ara nŋa iyi aŋa à jɛ ilu naanɛ si mii fei. Bɛɛbɛi inɛ ŋa aa màò bɛɛrɛi cioi Ilaaɔ̃ woo faaba nwa.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Titee 3:4

Amma waati iyi Ilaaɔ̃ woo faaba nwa í nyisi jiida ku jɛɛ do bɛi í bi amanɛ ŋa,

Titee 3:6

Ilaaɔ̃ í mu nwa Hundeɛ do inɔ akã na saabui Jesu Kirisi woo faaba nwa,

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zãa 1, 4:14

Awa mɔ à yɛ iyi Ilaaɔ̃ Baaba í bɛ Amaɛ wa ku jɛ woo faabai inɛi andunya ŋa, à nɔ à waa jɛ sɛɛdaɛ.