Kɔrɛnti 1, 8:3 - Bibeli do fee

³ Amma inɛ iyi í bi Ilaaɔ̃, Ilaaɔ̃ í mà lafɛ̃ɛ.

Kɔrɛnti 1, 8:3 Iomraidhean Croise

Ilaalu 1, 3:3

Salomɔɔ í bi Aɔ̃ Lafɛ̃ɛi nɔ wa too si bɛi Davidi baaɛ í jilɛau. Nŋu de si antaii iri kuta ŋai í ya ce kuwee ŋa nɔ bɛi í ya jo tuae ŋa.

Iri ku kɔ̃ 1:6

Ntɔi Aɔ̃ Lafɛ̃ɛ í mà kpãai inɛ dee dee ŋa, amma kpãai ilu inɔ kukã ŋa wa bɔò ŋai si iku.

Iri ku kɔ̃ 17:3

Ì naa bi tom idũ, ì wusɛ idɔm, ì cɔ laakaim, amma i kù yɛ nkãma. N kù ce dulum kãma si ide ku fɔm.

Kufita 33:12

Ŋɔi Moizi í sɔ̃ Aɔ̃ Lafɛ̃ɛ í ni, awɔi ì ni n gbã inɛ ŋau ihɛ̃, nɔ ì sɔ̃m ì ni ì màm sãa sãa nɔ ǹ ba didɔ̃ bi tɛɛ. Amma i kù sɔ̃m inɛ iyi aa bɛ do amu ku sobim.

Kufita 33:17

Ŋɔi Aɔ̃ Lafɛ̃ɛ í nyi í jɛa Moizi má í ni, an ce bɛi awɔ takaɛ ì tɔɔm, domi ì ba didɔ̃ bi tom, nɔ ntɔ ntɔ ǹ màɛ sãa sãa.

Zeremi 1:5

hee n maa n ceɛ si inɔi iyeɛ, ǹ màɛ tã. Hai waati iyi a kù bíɛ, ǹ cicaɛ nɔ ǹ jilɛɛ i jɛ waliii inɛi ilɛ ŋa.

Amɔsu 3:2

Si dimii inɛi andunya ŋa fei iŋɛ akãi ǹ cica. Na ŋɔi í ce an bee ŋɛ ide si gãmɛi laalɔ iyi ì ce fei ŋa.

Nahumu 1:7

Aɔ̃ Lafɛ̃ɛ í jɛ inɛ ncɛɛ. Nŋui í jɛ bi ku manji jiida si ajɔi wahala. Í mà inɛ ŋa iyi à ba bi ku manji bi tɛɛ

Matie 7:23

Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom iŋɛ woo ce laalɔ ŋa.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Romu 11:2

Ilaaɔ̃ kù kɔ̀si inɛɛ ŋa iyi í tako í cica hai ku kpɛu. Mà i kù mà ŋa bɛi kukɔi idei Ilaaɔ̃ í fɔ ŋa si waati iyi Elii í bɔò taalei inɛi Izirɛli ŋa bi Ilaaɔ̃ í ni,

Kɔrɛnti 1, 13:12

Iyi à waa yɛ nsɛi í yɛi bɛi mii iyi à waa hɔ̃nnɛ bari bari si isɔ fũfũ, amma ajɔ wa naa iyi aa ka yɛ ijuò iju. Iyi ǹ mà si nsɛi kù kɔ̃, amma waati nŋu an màa sãa sãa bɛi Ilaaɔ̃ í màm.

Kɔrɛnti 1, 2:9

Amma kukɔi idei Ilaaɔ̃ í ni, iyi iju kù yɛ ajɔ kãma, nɔ itĩ kãma mɔ kù gbɔɔ, iyi kù nɔ kù lɔ si idɔi amanɛ, nŋui Ilaaɔ̃ í cea inɛ ŋa iyi à buu sɔɔluɛ.

Galati 4:9

Amma nsɛi ì mà Ilaaɔ̃ ŋa. Nɔ iyi í re mɔm Ilaaɔ̃ í mà ŋɛ. To, bɛirei í ce ì waa bi i sinda si mii ndii andunya ŋa má ŋa iyi a kù nɛ gbugbã nɔ a kù nɛ bɛɛrɛ. Na mii í ce ì waa bi i jɛ aru nŋa má ŋa.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.

Zãa 1, 4:19

Awa à nɛ kubi domi Ilaaɔ̃ í tako í bi wa.

Zãa 1, 4:7

Iŋɛ baakɔɔm ŋa, i jɔ̀ ka bi njɛ, domi kubi wa naai hai bi Ilaaɔ̃. Inɛ iyi í nɛ kubi, lafɛ̃ɛ amai Ilaaɔ̃i, í nɔ í mà Ilaaɔ̃.

Kuyɛi Zãa 2:13

ǹ mà bii ì wa ŋa, Seetam nii wa jɛ bommaɛ do gbugbã. Do nŋu fei, ì waa jirima irim ŋa, nɔ i kù fũsi naanɛ iyi ì dasim awɔ ŋa, baa waati iyi à kpa Antipasi bi tu ŋɛ bi kuwai Seetam bɛ. Antipasiu ilu naanɛ woo jɛ sɛɛdam nii.

Kuyɛi Zãa 2:19

ǹ mà kuce nŋɛ. Nɔ ǹ mà kubi nŋɛ, do naanɛ ku dasi nŋɛ, do icɛ jiida nŋɛ, do temua nŋɛ. Ǹ mà iyi icɛi nsɛi nŋɛ í re ti tako.

Kuyɛi Zãa 2:9

ǹ mà ijuukpã nŋɛ, nɔ ǹ mà are ku jɛ nŋɛ. Do nŋu fei, ì jɛ ilu amani ŋa. Inɛ ŋa iyi à waa kpe ara nŋa Zuifu amma a kù jɛ Zuifu ŋa, ǹ mà laalɔ iyi à ya maa má ŋɛ. Inɛ ŋau inɛi igbɛi Seetam ŋai à jɛ.