Kɔrɛnti 1, 4:2 - Bibeli do fee

² Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Kɔrɛnti 1, 4:2 Iomraidhean Croise

Ilaalu 2, 12:15

À ya na woo ce icɛ ŋaui ku ba a so a teeseò kpasɛ̃u.

Ilaalu 2, 22:7

Amma a maà bee ŋa yaase bɛi à waa loo fiau, domi à jɛ ilu naanɛ ŋa.

Mɔnda ŋa 13:17

Woo bɛ hai nɛ naanɛ í ya dasi araɛ wahalai, amma woo bɛ ilu naanɛ í ya naaò inɔ didɔ̃ wai.

Kuka 12:7

Amma ti Moizi woo ce icɛm, kù jɛ do yaase bɛɛbɛ. Si zamaau fei, nŋui ǹ wa n naanɛ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Matie 25:23

Nɔ lafɛ̃ɛɛ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Kɔrɛnti 1, 4:1

Í sĩa i doo wa bɛi woo ce icɛi Kirisi ŋa iyi Ilaaɔ̃ í so idei asiiɛ í daa si awɔ.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 1, 4:3

Si kuyɛm kù jɛɛm taale bii ì waa kiitim ŋa, walakɔ bii à waa kiitim si wajui amanɛ ŋa. Amu takam, n ci ya kiiti aram.

Kɔrɛnti 1, 7:25

Nsɛi, iyi í jɛ ti inɛ ŋa iyi a kù tɔtɔɔ sɛ̃ɛ do inɛ gɔ titã, n kù nɛ ide gɔ iyi í jɛ woodai Lafɛ̃ɛ. Amma si bɛi Lafɛ̃ɛ í ce araarem ǹ jɛò ilu naanɛ, ǹ wa n sɔ̃ ŋɛ iyi í jɛ lasabum.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Kolosee 1:7

Epafaasi, woo ce icɛ baakɔɔ nwaui í kɔ nŋɛ si. Wa ce icɛ na aranfãani nŋɛ, nŋu iyi í jɛ ilu naanɛ woo ce icɛi Kirisi.

Kolosee 4:17

Nɔ i sɔ̃ Aasipu ku dasi icɛi Lafɛ̃ɛ iyi à jilɛau iju ku ba ku yɔkɔ ku faataɛ.

Kolosee 4:7

Tisiki baakɔɔ nwa, nŋu iyi í jɛ woo ce icɛ ilu naanɛ do minjisiam si icɛi Lafɛ̃ɛ, á sisi nŋɛ baaum fei.