Kɔrɛnti 1, 4:1 - Bibeli do fee

¹ Í sĩa i doo wa bɛi woo ce icɛi Kirisi ŋa iyi Ilaaɔ̃ í so idei asiiɛ í daa si awɔ.

Kɔrɛnti 1, 4:1 Iomraidhean Croise

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Maaku 4:11

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma inɛ ŋa iyi à gbe fei à waa gbɔ ideu do mɔndai.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 8:10

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ, amma inɛ ŋa iyi à gbe à waa sɔ̃ ŋai do mɔnda ŋa ku ba baa bii à waa cɔ a maà yɔɔ, nɔ bii à waa gbɔ a kaa mà yaaseɛ.

Romu 11:25

Iŋɛ inɛm ŋa, n kù bi asiii ideu ihɛ̃ ku manji nŋɛ hee ku jɔ̀ i maa cɔ ara nŋɛ ilu bisi ŋa. Asiiu wee. Idɔi inɛi Izirɛli fiti mbɔ ŋau í lei titã hee kukpɔi dimi mmu ŋa iyi aa ba faabau ku kɔ̃.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Kɔrɛnti 1, 3:5

Yooi í jɛ Apolo. Mà yooi í jɛ Pɔlu. Awa taka nwa mɔ amaacɛi Ilaaɔ̃ ŋai. Awa fei, icɛ iyi Lafɛ̃ɛ í dasi wai à waa ce, ku ba i dasi naanɛ ŋa do saabui icɛ nwa.

Kɔrɛnti 1, 4:13

Baa bii à waa má wa ide, à ya ka jɛi do ide didɔ̃. Hee nsɛi à ya maa cɔ wai bɛi gaawɔi caka do bɛi iri ankitã.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Kɔrɛnti 2, 12:6

Bii í jɛ ǹ bi n tɔɔ fufui n kaa n jɛ sũmu, domi an fɔ ntɔ. Amma n kù wa n tɔɔ fufu ku ba inɛ gɔ ku maà cɔm ku re bɛi wa yɛm, walakɔ bɛi wa gbɔ hai si gɛlɛm.

Kɔrɛnti 2, 4:5

Do ntɔ, a kù waa waazo idei iri nwa. Si waazo nwa à waa fɔ iyi Jesu Kirisii í jɛ Lafɛ̃ɛ nɔ awa mɔ à jɛ woo ce icɛ nŋɛ ŋa na iriɛ.

Kɔrɛnti 2, 6:4

Amma si kuce nwa fei à waa bi kuwɛɛ nwa ku nyisi iyi à jɛ woo ce icɛ jiidai Ilaaɔ̃ ŋa. À waa temua ntɔ ntɔ si wahala do si are do si ijuukpã.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Timɔtee 1, 3:9

Amma í sĩa a leekĩ dim dim si naanɛ ku dasi do idɔ iyi í má.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Piɛɛ 1, 4:10

Inɛ baa yooma nŋɛ fei í ba amua hai bi Ilaaɔ̃. Na nŋu, i ceò amua ikã ikãi Ilaaɔ̃u icɛ ŋa i maa sobiò njɛ bɛi woo ce icɛ ilu naanɛ ŋa.