Moizi í sɔ̃ Aɔ̃ Lafɛ̃ɛ í ni, Lafɛ̃ɛ, n kù jɛ inɛ iyi ide ku fɔ í faalaa, domi gɛlɛm í wo si ide ku fɔ, nɔ iyi bɛi kù jɛ ana, kù jɛ ajuɛ, kù nɔ kù jɛ baa hai waati iyi ì waa ba amu woo ce icɛɛ ide ku fɔ.
domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.
Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.
N kù dasi inɛ nkpɔ inyi si na iyi í jɔ̀ kù jɛ na nŋui Kirisi í bɛm wa. Í bɛm wai n na n sisi laabaau jiidau. Laabaau jiidau, kù jɛ do gɛlɛ didɔ̃i ǹ wa n sisiɛ, ku ba ikui Kirisi si antaii jĩi ku gaauu ku maà ce nfe.
Nɔ a kù waa tusɛ asiiu do ide iyi wa naa hai si lasabui amanɛ, bii kù jɛ hai bi Hundei Ilaaɔ̃. À ya tusɛa inɛ ŋa mii ndii Hundei do ide iyi wa naa hai bi Hundeu.
Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.
si waati iyi á nyi wa ku jɛ ilu jirima bi inɛ ŋa iyi à jɛ tɛɛ, nɔ inɛ ŋa iyi à dasiɛ naanɛ ŋa fei aa maa cɔɔ do bɛɛrɛ si ajɔ nŋu. Iŋɛ taka nŋɛ aa wa inɔ nŋa ŋa, domi ì dasi sɛɛda iyi à jɛ nŋɛu naanɛ ŋa.
Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.
Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.
Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.