Kɔrɛnti 1, 13:3 - Bibeli do fee

³ Baa bii ǹ kpɛ̃a ilu are ŋa amanim fei, nɔ baa bii ǹ jɔ̀ à sɔ̃ aram bɛi iŋai kuwee, bii n kù nɛ kubi, n kaa n ba riba.

Kɔrɛnti 1, 13:3 Iomraidhean Croise

Ezai 57:12

Amma nsɛi, taale iyi ì jilɔɔ si i kù nɛu, do kuceɛ ŋau, an fɔɔ wai ku fita gbugbãa nɔ a kaa naaɛ aranfãani kãma wa.

Zeremi 7:8

Amma iŋɛ wee naanɛ nŋɛ í wai si ide ibo ŋa iyi kaa nɛ nŋɛ aranfãani kãma.

Matie 23:5

Kookoosu nŋa iyi à waa ce fei à waa cooi ku ba a yɛ ŋaò. Bɛɛbɛi à ya dĩ ama tia iyi í la í re ti kpaasi ŋa nɔ a dasi ibɔ jaba nŋa ikũ sisɔ iyi í re ti kpaasi ŋa si itĩ do ilɛ.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 18:28

Ŋɔi Piɛɛ í ni, wee à jɔ̀ mii iyi à nɛ fei tã, à waa tooɛ.

Luku 19:8

Amma Zakee í dede í leekĩ si wajui Lafɛ̃ɛ í ni, bubui amanim an na ilu are ŋa. Nɔ bii ǹ takii inɛ gɔ ŋa ǹ gba mii ndu ŋa, an sindo nŋa bɛɛbɛ má tuuba mɛɛ.

Laabaau jiida iyi Zãa í kɔ 12:43

A kù waa bi a lele aŋa hai bɛi si na iyi í jɔ̀ saabui amanɛ ŋai à bi í re ti Ilaaɔ̃.

Laabaau jiida iyi Zãa í kɔ 13:37

Ŋɔi Piɛɛ í beeɛ í ni, Lafɛ̃ɛ, bɛirei í ce n kaa n yɔkɔ n tooɛ nsɛi. Ǹ tã sɔɔlu n na kuwɛɛm na iriɛ.

Laabaau jiida iyi Zãa í kɔ 15:13

Kubi nla gɔ kù wɛɛ iyi í re inɛ ku ku si agbɛi kpaasiɛ ŋa.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Galati 5:26

Kù sĩa ka jɛ ilu faau, walakɔ woo kosi inɛ ŋa, walakɔ ka maa ce igu si awa duusɔ̃ɔ.

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.