Kɔrɛnti 1, 1:9 - Bibeli do fee

⁹ Ilaaɔ̃ ilu naanɛi, nŋu iyi í kpe ŋɛ i ce anu akã ŋa do Amaɛ Jesu Kirisi Lafɛ̃ɛ nwa.

Kɔrɛnti 1, 1:9 Iomraidhean Croise

Tɛsalonika 2, 3:3

Amma Lafɛ̃ɛ ilu naanɛi. Á mu nŋɛ gbugbã nɔ ku degbe ŋɛ na irii Seetam, inɛ laalɔu.

Ebɛɛ 10:23

Ka jɔ̀ ka leekĩ dim dim si kpãa ku cɔ iyi à waa jɛ sɛɛdaɛu ihɛ̃, domi Ilaaɔ̃, nŋu iyi í ce kuwã í jɛ ilu naanɛ.

Wooda ku kɔsi 7:9

I jɔ̀ i mà ŋa iyi Aɔ̃ Lafɛ̃ɛ nŋu akãi í jɛ Ilaaɔ̃ nɔ í jɛ Lafɛ̃ɛ nŋɛ do ntɔ. Nŋui í jɛ dee dee, í nɛ araare, nɔ akabuuɛ í ya maa wɛɛi hee koo to si tɔku dubusia bi inɛ ŋa iyi à buu nɔ à waa jirima woodaɛ ŋa.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Ezai 49:7

Aɔ̃ Lafɛ̃ɛ, nŋu iyi í jɛ woo yai inɛɛ ŋa, nŋu iyi í jɛ Inɛ Kumái Izirɛliu, í ni, awɔ iyi inɛ ŋa a kù waa saalu, nɔ a kù bi ideɛ, nɔ ì jɛ aru iyi inɛ ŋa à waa taa gbugbã, waati iyi ilaalu ŋa aa yɛɛ, aa dedei hai si kitãi bomma nŋa. Waati iyi amai ilaalu ŋau aa yɛɛ, aa sɛɛbataɛi. Bɛɛbɛi aa ce a nyisiò iyi Aɔ̃ Lafɛ̃ɛ Inɛ Kumái Izirɛli, nŋu iyi í cicaɛu í jɛ ilu naanɛ.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.

Kuyɛi Zãa 19:11

Si anyii nŋu, ǹ yɛ lelei Aɔ̃ í cĩ nɔ acĩ fũfũ gɔ í faata wa. Inɛ iyi wa gũui à ya kpe ilu naanɛ do ilu ntɔ. Si ntɔi í ya kiiti, bɛɛbɛ mɔi í ya ceò igũ.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Iri ku kɔ̃ 100:5

domi Aɔ̃ Lafɛ̃ɛ í jɛ jiida nɔ kubiɛ í ya maa wɛɛi hee do ajɔ fei. Dee dee ku jɛɛ mɔ í ya maa wɛɛi si tɔku do tɔku ŋa.

Kuka 23:19

Ilaaɔ̃ kù jɛ amanɛ hee ku sɔ ibo, nɔ kù jɛ amanɛ hee ku kpaasi lasabuɛ. Ide iyi í fɔ, ci ya cooi? Kuwã iyi í ce, ci ya kɔ̃ɔi?

Kɔrɛnti 2, 1:18

Si bɛi ì mà ŋa iyi Ilaaɔ̃ í jɛ ilu naanɛ, ǹ bi i mà ŋa iyi n ci ya ni, ǹ wa n naa nɔ n ni, n kù wa n naa má.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zãa 1, 4:13

À mà iyi à wa siɛ nɔ nŋu takaɛ í wa si wa, si na iyi í jɔ̀ í mu nwa Hundeɛ.

Ebɛɛ 11:11

Na naanɛ ku dasii, Sara takaɛ í ba gbugbã í bíò ama baa do iyi waatiɛ í lɔ, si na iyi í jɔ̀ í mà iyi Ilaaɔ̃, nŋu iyi í ce kuwã, í jɛ ilu naanɛ.

Romu 9:24

Inɛ ŋau awai. Si inɔ nwa Zuifu ŋa do hai jɛ Zuifu ŋa à wa si. Ilaaɔ̃i í kpe awa fei.

Romu 8:30

Inɛ ŋa iyi í cica í jilɛu, nŋui í kpe ŋa. Inɛ ŋa iyi í kpeu í ce ŋa dee dee. Inɛ ŋa iyi í ce dee deeu í ce nŋa ikpɛ̃i amboeɛ.

Ezai 25:1

Aɔ̃ Lafɛ̃ɛ, awɔi ì jɛ Aɔ̃ Lafɛ̃ɛm. Awɔi an saabu n maa n fɔ jiida ku jɛɛ, nɔ an kɔ̃ iri n cĩɛ, domi ì ce mii jiida nla nla ŋa iyi ì dasi idɔ i ce hai ku kpɛ ŋau, nɔ à wɛɛi si agbɛ nŋa dim dim.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Tɛsalonika 2, 2:14

Mii iyi Ilaaɔ̃ wa lele mbɛ waati iyi í kpe ŋɛ si laabaau jiidau iyi à sisi nŋɛ, ku ba i nɛ ikpɛ̃ si amboei Lafɛ̃ɛ nwa Jesu Kirisi ŋa.

Laabaau jiida iyi Zãa í kɔ 17:21

Ǹ wa n tɔɔɛi aŋa fei a jɛ akã. Si bɛi awɔ Baaba ì wa sim, nɔ amu mɔ ǹ wa siɛ, jɔ̀ a jɛ akã si wa ku ba inɛi andunya ŋa a dasi naanɛ iyi awɔi ì bɛm wa.

Ezai 11:5

Kiitiɛ do dee dee ku jɛɛ á yɛi bɛi santiiki iyi á ya dĩ si gbankili waati kãma fei.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Matie 24:35

Lele do ilɛ fei á na ku tã, amma idem ŋa a kaa tã pai.

Galati 1:15

Amma Ilaaɔ̃ í cicam à bɛi à bím nɔ í kpem si didɔ̃ɛ n ceaa icɛ.

Kɔrɛnti 1, 10:16

Si ijɛi Lafɛ̃ɛ, kɔɔfu iyi à ya ka so ka saabuò Ilaaɔ̃ wa nyisi iyi à nɛ ikpɛ̃ si njɛi Kirisi. Nɔ pɛ̃ɛ iyi à ya ka so ka buu wa nyisi iyi à nɛ ikpɛ̃ si arai Kirisi, mà irei.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Romu 11:17

Amma nsɛi à cafe amaawɔ gɔ ŋa hai si jĩi ndii olivi, nɔ iŋɛ iyi ì jɛ amaawɔi jĩi ndii sako, iŋɛi à sãsi agbɛ nŋa. Nsɛi wee iŋɛ mɔ ì waa ba inyi iyi wa naa si amaawɔ ŋau hai si icãu.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Timɔtee 2, 2:13

Baa bii à jɛ hai nɛ naanɛ ŋa, do nŋu fei, nŋu í jɛ ilu naanɛ, domi kaa yɔkɔ ku kɔ̀si araɛ.