Kɔrɛnti 1, 1:5 - Bibeli do fee

⁵ Ntɔ ntɔ, anu akã nŋɛ iyi ì ce do Jesu Kirisi ŋa í jɔ̀ ì ba amua baa yooma fei ì jɛò ilu amani ŋa si idei Ilaaɔ̃ ku fɔ do ku mà.

Kɔrɛnti 1, 1:5 Iomraidhean Croise

Woo bɛ ŋa 2:4

Ŋɔi aŋa iyi à wa bɛ fei à kɔ̃ò Hundei Ilaaɔ̃ nɔ à waa fɔ fee mmu gɔ ŋa, si bɛi Hundei Ilaaɔ̃ í mu nŋa aŋa fei ikã ikã.

Romu 11:12

Debɛi, si bɛi kucukui inɛi Izirɛli ŋa í jɔ̀ hai jɛ Zuifu ŋa à ba amanii Hunde, nɔ kukayei inɛi Izirɛli ŋa í kɔ̃ɔsi amanii dimi mmu ŋa, zaka bɛirei amanii dimi mmu ŋau á la ku to waati iyi inɛi Izirɛli ŋa fei aa na a ba kpãai faaba.

Romu 15:14

Iŋɛ inɛm ŋa, amu takam ǹ mà kãm kãm iyi ì jɛ inɛ jiida ŋa nɔ ì mà mii iyi ì nɛ ku ce ŋa, aa nɔ i yɔkɔ i mua njɛ bisi ŋa.

Romu 15:4

Mii iyi à kɔ tako fei wo, à kɔɔi ku ba ku kɔ wa nɔ ka nɛ kpãa ku cɔ hai si kukɔi idei Ilaaɔ̃, iyi wa mu nwa gbugbã do temua.

Kɔrɛnti 1, 12:10

Bɛɛbɛ mɔi Hunde akãu í ya mua inɛ gɔ ŋa gbugbã a ceò maamaake ŋa, nɔ ku cea inɛ gɔ ŋa amua a ceò walii, nɔ ku mua inɛ gɔ ŋa mɔ bisi a mà bii í jɛ mii iyi inɛ gɔ wa ce do Hundei Ilaaɔ̃i walakɔ bii í jɛ do hunde mmu gɔi. Í ya jɔ̀ inɛ gɔ ŋa a fɔ ide do fee ŋa iyi a kù waa gbɔ, nɔ ku mua inɛ gɔ ŋa mɔ bisi a tusɛò ideu.

Kɔrɛnti 1, 12:8

Hundei Ilaaɔ̃i í ya mua inɛ gɔ ŋa amua a muaò inɛ ŋa bisi, nɔ Hunde akãui í ya mua inɛ gɔ ŋa mɔ amua a fɔ ide do kumà.

Kɔrɛnti 1, 13:2

Baa bii ǹ nɛ amuai walii ku ce, nɔ ǹ mà asiiu fei nɔ ǹ nɛ kumà fei, baa bii ǹ dasi Ilaaɔ̃ naanɛ hee bɛi an yɔkɔ n jɔ̀ geete ku tekĩ, bii n kù nɛ kubi, n kù jɛ ngɔgɔ.

Kɔrɛnti 1, 13:8

Kubi ci ya nɛ kɔɔ. Amma walii ku ce á na ku kpa iri, fee ikã ikã ku fɔ á na ku tã, nɔ kumài amanɛ mɔ á na ku tã.

Kɔrɛnti 1, 14:26

Na nŋu, iŋɛ inɛm ŋa, bɛirei aa ka ce. Bii ì waa tɔtɔɔ ŋa inɛ gɔ nŋɛ ŋa aa nɛ iri ku kɔ̃, inɛ gɔ ŋa mɔ cio ku kɔsi, inɛ gɔ ŋa mɔ idei Ilaaɔ̃ ku waazo, inɛ gɔ ŋa mɔ ide ku fɔ do fee iyi a kù waa gbɔ, inɛ gɔ ŋa mɔ yaasei fee ŋau ku tusɛ. Í sĩa i maa ce fei ndɛɛ ŋa ku ba ku mua inɛi igbɛi Jesu ŋa gbugbã.

Kɔrɛnti 1, 8:11

Nɔ do saabui kumàɛ kpaasiɛu ku ce nfe, nŋu mɔ iyi Kirisi í ku na iriɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Kɔrɛnti 2, 8:7

Fei ndɛɛ í caa si ŋɛ, hai naanɛ ku dasi do ide ku fɔ do kumà, do himma nŋɛ si mii fei, do kubi nwa iyi ì nɛ ŋa. Nŋui í jɔ̀ à bi icɛ jiidau bɛ mɔ ku caa si ŋɛ.

Kɔrɛnti 2, 9:11

Á na ŋɛ amani ikã ikã fei iyi á to i ya ceò amua ŋa do inɔ didɔ̃. Nɔ inɛ nkpɔ á saabu Ilaaɔ̃ na amua nŋɛ iyi aa ka na ŋau.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Filipi 1:9

Mii iyi ǹ wa n bee si kutɔɔm nŋui í jɛ kubi nŋɛ ku kɔ̃ɔsi ku maa koo nɔ kubi nŋɛu ku jɔ̀ kumà nŋɛ do bisi nŋɛ ku kɔ̃ɔsi,

Kolosee 2:3

Bisi nla do kumài Ilaaɔ̃ fei wa singa siɛ.

Kolosee 3:10

nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Zaaki 3:13

Yoo nŋɛi í nɛ kumà do bisi. Bii lafɛ̃ɛ í nɛ bisii do ntɔ, ku jɔ̀ a yɔɔ si isɛɛnɛ jiidaɛ do si kookoosu ŋa iyi wa ce do ara ku kaye.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.