Lïtuwë 3:19 - Morokodo

¹⁹ Here, ote de zi Wïrï, here akila kö'du kyënyë 'be,

Lïtuwë 3:19 Iomraidhean Croise

Matayo 13:15

Dïdï vïdï nenye'e na kyigo. Mbili vïdï nenye'e yaanya aba na kïsï. Zë ombannï dë zi kö'du tïnyö kongɔ. Ëzë mbili zë anza dë na kisi, zë akongɔnnï komo nnï aba, akayɔlɔnnï dë nnï aba mora akotɔ dë nnï zi ma hulëhu, mora akakɔ'jɔ zë.’”

Matayo 18:3

Mora iya henye, “Miya zi ye tïnyö, ëzë ofɔ re 'e dë kaa gisisi mï di'diye, ödu'e dë mï damöku 'ba Wïrï.

Lïtuwë 1:6

Mati vo lïtuwë gba Yësu aba, ako'jonnï hɔ mo iyannï henye, “Yere, yaanya aba omba kï'dï damöku zi Yiserele hulëhu löhu?”

Lïtuwë 11:18

Mati zë owonnï Petero iya nenye, ɔrɔnnï ta bi hë nnï wasa, ehe ayetonnï Wïrï yeto, iyannï henye, “Wïrï yaanya aba o'dɔ tu'dëë ku dë nnï kotɔ zi nï, ehe ï'dï dïdï ku kpa zi zë.”

Lïtuwë 11:21

Kyigɔ 'ba Yere ëdï zë aba, ehe vïdï kayo otɔ dë nnï zi Yere, ehe omannï mï mo.

Lïtuwë 15:3

Here kanisa utu zë. Mati zë ëdïnnï atï'bë, zë ï'bënnï kpuru Ponisiya ehe Samariya, ehe ayadannï hala tu'dëë otɔ dë nnï ku zi Wïrï. Kö'du yöyö nenye o'dɔ önduwë biya na rakyenyi.

Lïtuwë 17:26

Tëmï vïdï kölö, Wïrï o'dɔ vïdï mati alimannï dakaŋo, ehe mo o'dɔ kadra ehe bi zi vïdï limannï 'dɔmo.

Lïtuwë 2:38

Petero iya zi zë henye, “Otɔ de zi Wïrï tëmï kö'du kyënyë ko'dɔ biya, ïrïyë bapatisi mï ru Yësu Korisitɔ, zi ye kila ga kö'du kyënyë 'be, ehe akïrïyë wakï'dï 'ba Lawo Laka.

Lïtuwë 28:27

Ge biya ëdïyë di'di kyënyë aba. Mbili ye owo kö'du dë ehe komowe ayöfu ku. Zë ɔ'bɔnnï dë zi bi kongɔ, mandere kö'du kowo, mandere kö'du yɔlɔ. Ëzë atɔ'be, otɔ de zi ma, ehe ma kakɔ'je.’”

Lïtuwë 3:20

here kadra akatayi mati Yere akï'dï kyigɔ zi ye, here mo akutu Yësu Korisitɔ, mati mo inzi zi ye.

Lïtuwë 3:21

Mora Yësu akalima komorïyë le ëzë Wïrï o'dɔ wasisi ku biya na kyïyï, kaa mati mo iya kyere kpuru nëbï laka 'bɔmowe aba.