रोमियो 10:3 - मंडयाली नंऊँआं नियम

³ क्यूंकि स्यों एस गल्ला जो नी मनणा चाहंदे कि परमेसरा किहाँ आपणी नजरा मन्झ लोका जो धर्मी माह्णुं बणा, इधी कठे स्यों आपणे तरीके ले धर्मी हूंणे री कोसिस करहे। क्यूंकि स्यों एस गल्ला जो नी मनणा चाहें थे कि किहाँ परमेसर लोका जो आपणी नजरा मन्झ धर्मी माह्णुं बणा।

रोमियो 10:3 Iomraidhean Croise

फिलिप्पियो 3:9

होर हांऊँ तेस साउगी एक हुई किन्हें जीऊ। परमेसरे मुंजो आपणी नजरा मन्झ धर्मी इधी कठे नी बणाया कि मैं मूसा री व्यवस्था रा पालन कितिरा, पर मसीह पर विस्वास करणे री वजहा ले ही परमेसरे हांऊँ आपणी नजरा मन्झ धर्मी माह्णुं बणाया।

लूका 16:15

यीसुए तिन्हा किन्हें बोल्या, “तुस्से ता माह्णुं रे साम्हणें आपणे आपा जो धर्मी लोक बणाहें, पर परमेसर तुस्सा रे मना जो जाणहां। क्यूंकि जो चीज माह्णुं री नजरा मन्झ बडी ई, से परमेसरा री नजरा मन्झ बड़ी नकम्मी ई।

2 कुरिन्थियो 5:21

मसीह जो पापा ले अनजाण था, तेस जो ही परमेसरे आस्सा रे कठे पापी बणाया, ताकि आस्से परमेसरा री नजरा मन्झ धर्मी माह्णुं बणी जाये, क्यूंकि मसीहे आस्सा रे पापा री सजा जो आपणे गास लेई लितिरा।

रोमियो 5:19

क्यूंकि जिहां एक माह्णुं रे हुक्म नी मनणे ले बौह्त लोक पापी बणे, तिहां ही एक माह्णुं रे हुक्म मनणे री वजहा ले बौह्त लोका परमेसरा री नजरा मन्झ धर्मी माह्णुं बणे।

रोमियो 1:17

क्यूंकि खुसी री खबरा एस गल्ला जो जाहिर करी कि परमेसरे आस्से आपणी नजरा मन्झ धर्मी माह्णुं बणाये, जो सुर्हू ले लेई किन्हें आखरी तक विस्वासा पर टिकीरी; जिहां पवित्र सास्त्रा मन्झ भी लिखिरा कि, “परमेसरे जेस जो आपणी नजरा मन्झ धर्मी माह्णुं बणाया, तेस विस्वासा ले ही जिउंदे रैंह्णां।”

रोमियो 3:22

मतलब जेबे आस्से यीसू मसीह पर विस्वास करहे ता परमेसर आस्सो आपणी नजरा मन्झ धर्मी माह्णुं बणा। होर ये यीसू मसीह पर विस्वास करणे वाले सभी लोका रे कठे ई। क्यूंकि परमेसर सभी लोका साउगी एक साहीं बर्ताव करहा।

लूका 10:29

पर व्यवस्था स्खाणे वाल़े आपणे आपा जो सही बणाणे चाहां था। इधी कठे तिन्हें यीसू ले पूछेया, “ता मेरा पड़ोसी कुणहां?”

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

रोमियो 10:2

क्यूंकि हांऊँ तिन्हारी गुआही देहां कि, स्यों परमेसरा रे कठे हिम्मत रखे, पर परमेसरा री सेऊआ करणे री सही समझ तिन्हा वाले नी।

रोमियो 10:20

फेरी यसायाह नबिये बड़ी हिम्मता साउगी ये बोल्या जो परमेसरे तेस किन्हें बोलिरा था, “जो मुंजो तोप्दे नी थे, तिन्हें हांऊँ पाई लया; होर जो मुंजो पुछदे भी नी थे, तिन्हा पर हांऊँ जाहिर हुई गया।”

रोमियो 11:7

ता नतीजा ये हुआ, हालांकि इस्राएल देसा रे लोक चाहें थे कि परमेसर तिन्हो आपणी नजरा मन्झ धर्मी माह्णुं बणाए, पर एह्ड़ा नी हुआ। पर परमेसरे जिन्हों चुणेया तिन्हो आपणी नजरा मन्झ धर्मी माह्णुं बणाया। बाकि लोके ढीठ हुई किन्हें परमेसरा रे हुकमा जो टाल्ली दितेया।