प्रकासना री गल्ला 9:4 - मंडयाली नंऊँआं नियम

^4-5 होर तिन्हा टिटले किन्हें बोल्या गया कि ना धरती री घाह जो, ना केसी बूटे जो, ना केसी डाला जो नुकसान पुजाया। सिर्फ तिन्हा माह्णुंआं जो पांज महीने तक एह्ड़ी पीड़ा देंदे रैहया, जिहां जे बिछुआ रे डसणे ले पीड़ हुई। ये स्यों लोक ऐं जिन्हारे माथे पर परमेसरा री मोहर नी लगिरी थी।

प्रकासना री गल्ला 9:4 Iomraidhean Croise

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

इफिसियो 4:30

होर परमेसरा री पवित्र आत्मा जो आपणे कामा ले दुःखी मत करा, क्यूंकि पवित्र आत्मा से छाप ई जो एस गल्ला जो जाहिर करही कि एक ध्याड़े परमेसरा तुस्सा जो जरुर छुटकारा देणा।

प्रकासना री गल्ला 14:1

तेता बाद मैं कुछ होर देख्या, से छेलू सिय्योना रे प्हाड़ा पर खड़ीरा आ। होर तेस साउगी एक लाख चुताली हज़ार लोक थे, जिन्हारे माथे पर छेलू रा होर तेसरे बापू रा नांऊँ लिखिरा था।

प्रकासना री गल्ला 6:6

होर मैं तिन्हा चारो प्राणिया रे बीचा मन्झ एक माह्णुं साहीं केसी री अवाजा जो ये बोलदे हुए सुणेया कि, “आऊणें वाले ध्याड़े मन्झ धरती पर अकाल पऊणा। इधी कठे एक किल्लो कणक होर तीन किल्लो जऊआ री कीमत पुरे एक ध्याड़े री कमाई रे बराबर हूणीं। पर तेल होर अंगूरा रे रसा री कीमत नी बदलणी, क्यूंकि तिन्हारा नुकसान नी कितेया जाणा।”

प्रकासना री गल्ला 7:1

एता ले बाद मैं धरती रे चारो कुणे पर चार स्वर्गदूत खड़ीरे देखे। होर तिन्हों स्वर्गदूता जो परमेसरे हक दितिरा था कि स्यों संसारा रा बुरी ब्मरिया लगाई किन्हें नुकसान करहे। चाहे समुद्र मन्झ या जमीन पर, होर तिन्हें हाऊआ जो संसारा रे चारो वखा ले रोकी लितेया। इधी कठे समुद्र मन्झ, या जमीन पर, होर जंगला मन्झ हाऊआ नी चलदी लगिरी थी। फेरी मैं दूजे स्वर्गदूता जो पुरबा दिसा ले ऊपरा वखा जो आऊंदे देख्या, तेस वाले परमेसरा री मोहर थी जो हमेसा रे कठे जिउंदी, तिन्हें स्वर्गदूते इन्हा चारो स्वर्गदूता किन्हें उची अवाजा लगाई किन्हें बोल्या,

प्रकासना री गल्ला 8:7

जेबे पैहले स्वर्गदूते तुरही बजाई, तेबे झटपट बौह्त सारा सुणाट होर आगी खूना साउगी मिली किन्हें धरती पर डयाई दितेया गया। जेसरी वजहा ले एक तिहाई धरती फुख्ही गई, होर एक तिहाई डाल फुख्ही गये, होर एक तिहाई हरी घाह फुख्ही गई।